Jean-Pierre Chevènement

Jean-Pierre Chevènement (Belfort, 9 a viz Meurzh e 1939) zo ur politiker gall, brudet e enebiezh ouzh an digreizennañ hag ouzh ar yezhoù bihan^[1].

E vuhez

Ganet eo bet d'an 9 a viz Meurzh 1939 e Belfort (Territoire de Belfort).
Meur a wech eo bet ministr er bloavezhioù 1980 ha 1990. Maer Belfort eo bet, kannad, senedour.
E-pad pell eo bet ezel eus ar Parti Socialiste gall. Kuitaet en doa ar strollad-se e 1993 ha savet ar Mouvement des Citoyens (MDC), da gentañ, hag ar Mouvement Républicain et Citoyen (MRC) da c'houde. War ar renk e oa bet evit bezañ dilennet da brezidant ar republik e 2002, ha dastumet en doa 5,33 % eus ar mouezhioù.

Ministr an Enklask hag an Deknologiezh, eus miz Mae 1981 betek miz Meurzh 1983, p'en doa roet e zilez eus e bost en ur lavaret Un ministre, ça ferme sa gueule ; si ça veut l'ouvrir, ça démissionne.
Ministr an Deskadurezh, eus miz Gouere 1984 betek miz Meurzh 1986.
Ministr an Difenn, eus miz Mae 1988 betek miz Genver 1991, p'en doa roet e zilez c'hoazh da sevel a-enep emell an arme c'hall en Irak.
Ministr an Diabarzh, eus miz Mezheven 1997 betek miz Eost 2000, p'en doa roet e zilez adarre da sevel a-enep politikerezh Lionel Jospin e-keñver Korsika.

XXIañ kantved

E 2016 ez eus bet anv eus priz bihan feurm e ranndi e Pariz^[2].
E 2018 e oa bet pedet da veajiñ da Gorsika gant ar prezidant Emmanuel Macron, ha kontet en doa e vefe Korsika dizalc'h etre daouarn torfedourien ar mafia^[3].
E miz here 2022 e oa bet medalennet gant Emmanuel Macron ^[4]

Liammoù diavaez

(fr) Blog Jean-Pierre Chevènement

Notennoù

[1] (fr) Carnet de Jean-Pierre Chevènement - À propos de la signature par la France de la Charte européenne des langues régionales et minoritaires

[2] (fr) Politique.net

[3] (fr) CNews

[4] ttps://www.lemonde.fr/politique/article/2022/10/13/jean-pierre-chevenement-decore-par-emmanuel-macron_6145603_823448.html

[1]

[2]

[3]

[4]