Rianteg

Rianteg
Anv gallek (ofisiel)	Riantec
Bro istorel	Bro-Gwened
Melestradurezh
Departamant	Mor-Bihan
Arondisamant	an Oriant
Kanton	Henbont
Kod kumun	56193
Kod post	56670
Maer Amzer gefridi	Jean-Michel Bonhomme 2014-2020
Etrekumuniezh	An Oriant tolpad-kêrioù
Bro velestradurel	Bro an Oriant
Lec'hienn Web	http://www.riantec.com
Poblañsouriezh
Poblañs	5 806 ann. (2020)[1]
Stankter	413 ann./km²
Douaroniezh
Daveennoù lec'hiañ	47° 42′ 42″ Norzh 3° 18′ 33″ Kornôg / 47.7116666667, -3.30916666667
Uhelderioù	kreiz-kêr : 5 m bihanañ 0 m — brasañ 35 m
Gorread	14,06 km²
Rianteg
kemmañ

Rianteg a zo ur gumun eus Breizh e kanton Henbont e departamant ar Mor-Bihan.

Douaroniezh

• 
  Traezhenn e Mor bihan Gavr.
• 
  Beg ar Riant.

• War lez Mor bihan Gavr emañ ar gumun. Treuzet eo gant ur wazh, ar Riant.

Anv

• Erwan Vallerie (1995) : Riantec, 1323; 1387; Rientec, 1391; Rantec, 1415; Rentec, 1423; Riendet, 1630; Rientek, 1636
• Gerdarzh ː Hervé Abalain (2000) : "anv ur sant Riantoc"

Ardamezioù

• "en glazur e gebrenn en arc'hant karget gant teir brizhenn erminig en sabel, hag heuliet ouzh kab gant div morvran dispak hag ouzh beg gant un veuteun digor en glazur, an holl en aour"

Istor

XVII^vet kantved

• Emsavadeg ar Bonedoù ruz: tud eus ar barrez a gemeras perzh e preizhadenn presbital Kervignag e 1675^[2].

Dispac'h Gall

• Melestradurezh: savet e voe ar gumun e 1790; gant al lezenn eus an 23 a viz Eost 1790 e voe lakaet e e Kanton Porzh-Loeiz; e Bann Henbont e oa. Lakaet e voe en Arondisamant an Oriant pa voe krouet e 1800 ha chom a reas e Kanton Porzh-Loeiz, bet brasaet e 1801^[3],[4].

XIX^vet kantved

• Miz Even 1848: kouezhet eo ar c'holera er gumun.
• Savet e voe kumun Gavr diwar ul lodenn eus Rianteg d'ar 1añ a viz C'hwevrer 1867^[5].
• 1869: kouezhet eo an derzhienn-alter hag ar vrec'h e Rianteg^[6].

XX^vet kantved

Brezel-bed kentañ

• 164 den ag ar gumun a varvas abalamour d'ar brezel^[7].
• Fuzuilhet e voe ur milour breizhat bet ganet er gumun gant al lu gall d'an 21 a viz Ebrel 1915.

Lokmikaelig

• Savet e voe kumun Lokmikaelig diwar ul lodenn eus Rianteg d'an 12 a viz Here 1919^[8].

Eil brezel-bed

• D'an 8 a viz Here 1942 e kouezhas un nijerez (Wellington) marilhet BJ780 ha kodet PH-W) eus aerlu ar Rouantelezh-Unanet (Royal Air Force) e Rianteg, he femp nijour a voe tapet gant an Alamaned^[9].
• D'ar 17 a viz Mae 1943 e kouezhas ur c'harr-nij B-17 eus aerlu SUA (United States Army Air Forces) e Rianteg, lazhet e voe c'hwec'h nijour eus e baread, ar pevar nijour all a voe tapet gant an Alamaned.
• D'ar 26 a viz Eost 1944 e kouezhas ur c'harr-nij P-51 eus aerlu SUA e Rianteg; lazhet e voe e nijour^[10].
• E Sankenn an Oriant edo ar gumun^[11]; dieubet e voe Rianteg d'an 10 a viz Mae 1945 goude emzaskoridigezh an Alamaned^[12].
• 24 milour ha 13 den nann-soudard a varvas abalamour d'ar brezel^[13].

Monumantoù ha traoù heverk

• 
  Ar c'hastell.
• 
  Monumant ar re varv.
• 
  Tal kornôg an iliz.
• 
  An iliz.

• Kastell Kerdurand, XVIII^vet kantved .
• Monumant ar re varv.
• Iliz katolik Santez Radegondus, adsavet e 1927; distrujet e oa bet gant an tan e 1917.

Emdroadur ar boblañs abaoe 1962

Niver a annezidi

Brezhoneg

• Ur skol Diwan zo e Rianteg abaoe miz Gwengolo 2009.
• E distro-skol 2023 e oa 44 skoliad enskrivet er skol Diwan (8,6 % eus skolidi ar gumun evit a sell ouzh ar c'hentañ derez). Ofis ar Brezhoneg
  

• D'an 29 a viz Mezheven 2015 e oa bet votet ar garta Ya d'ar brezhoneg gant kuzul-kêr ar gumun.

Melestradurezh

• 
  Ar maerdi.

Roll maered ar gumun
Mare		Anv	Strollad	Karg
2010	→ bremañ	Jean-Michel Bonhomme
Meurzh 2008	2010	Michel Le Gall
Meurzh 2001	Meurzh 2008	Marc Roberdel
1989	Meurzh 2001	Roger Keraudran
1981	1989	Henri Le Breton		Mezeg-loened
N'eo ket anavezet c'hoazh an holl fedoù.

Post

• 
  An ti-post a-vremañ.

• Savet e voe un ti-post nevez; distrujet e oa bet an hini a-gent, deuet diyac'hus, e miz C'hwevrer 1947^[14].

Tud

Tud bet ganet eno

• Pierre Marie Louis Le Bihan, d'ar 4 a viz Even 1874, soudard en 33vet Rujumant Troadegiezh Drevadennel, soudardaet en Oriant, bet fuzuilhet gant al Lu gall e Dommartin-sous-Hans (Marne, Bro-C'hall) d'an 21 a viz Ebrel 1915, e-pad ar Brezel-bed kentañ; barnet e voe d'ar marv evit bout drouklazhet ur serjant-major p'edo trezerc'het; ne ouie ket galleg, roet e voe ur jubennour dezhañ

^[15],[16].

Ardamezeg ar familhoù

	Baurin Aotrounez Toulalan	En glazur e gebrenn en arc'hant, heuliet gant teir greskenn ivez en argant

Gevelliñ

Levrlennadur

Liammoù diavaez

• (br) Rianteg war lec'hienn Geobreizh
• (fr) Skol Diwan Rianteg

Notennoù ha daveennoù

1. Roadennoù ofisiel e lec'hienn an EBSSA
2. Yvon Garlan ha Claude Nières, Les Révoltes bretonnes de 1675 - papier timbré et bonnets rouges, Éditions Sociales, Pariz, 1975 (e galleg), pajenn 186
3. Robert Bouvier, Bernard Le Montagner, Alain Revoy ha Dominique Reynaud, Histoire de la Poste dans le Morbihan, Embannadurioù Liv'Editions, Ar Faoued, 2006, pajenn 319
4. Cassini - EHESS - Rianteg - Fichenn ar gumun
5. Le Télégramme, 16 a viz Eost 2010
6. Locmiquélic.org
7. Monumant ar re varv
8. Robert Bouvier, Bernard Le Montagner, Alain Revoy ha Dominique Reynaud, Histoire de la Poste dans le Morbihan, Embannadurioù Liv'Editions, Ar Faoued, 2006, pajenn 14
9. Pertes RAF
10. Pertes USAAF
11. Roger Leroux, Le Morbihan en guerre 1939-1945, Imprimerie de la Manutention, Mayenne, 1991, pajenn 587
12. Roger Leroux, Le Morbihan en guerre 1939-1945, Imprimerie de la Manutention, Mayenne, 1991, pajenn 622
13. Monumant ar re varv
14. Robert Bouvier, Bernard Le Montagner, Alain Revoy ha Dominique Reynaud, Histoire de la Poste dans le Morbihan, Embannadurioù Liv'Editions, Ar Faoued, 2006, p.320
15. Ouest-France, d'al Lun 4 a viz Du 2013, pajennoù "An Oriant"
16. Mémoire des hommes