Kirchenthurnen

Kirchenthurnen
Blazono de Kirchenthurnen
Blazono de Kirchenthurnen
Kirchenthurnen
vilaĝo • former municipality of Switzerland
Kantono	Berno
Administra distrikto	Berno-Mezlando
Malnova distrikto ĝis 2009	Seftigen
Geografia situo	CH1903: 604810 / 185769 (mapo)46.8230555555567.5016666666667Koordinatoj: 46° 49′ N, 7° 30′ O; CH1903: 604810 / 185769 (mapo)
Nombro de loĝantoj	273
Areo	1,25 km²
Alteco	612 m super marnivelo
Poŝtkodo	3128
Komunumkodo	0873
Mapo de Kirchenthurnen
Mapo de Kirchenthurnen
v • d • r

Kirchenthurnen estis ĝis la 31-a de decembro 2009 komunumo de la distrikto Seftigen kaj ekde la 1-a de januaro 2010 komunumo de la administra distrikto Berno-Mezlando en Kantono Berno, Svislando. Ĝi havis 273 loĝantojn je la 31-a de decembro 2010.

Geografio

Kirchenthurnen situas en la Svisa Mezlando en la ebenaĵo de la valo de la rivero Gürbe, proksimume 15 kilometrojn sudsudoriente de la federacia urbo Berno. La komunumo konsistas el la vilaĝo Kirchenthurnen, kie troviĝas la nomodona preĝejo, kaj la setlejoj Bächli, Gassmatt, Grund, Moos, Mösli, Stockere kaj Ried.^[1]

La teritorio de la komunumo etendiĝas sur areo de 1,25 km², de kiuj 10,4% estas kovritaj de arbaro, 77,6% servas por agrikulturo kaj 12,0% por setlado. ^[2]

Najbaraj komunumoj

La komunumo Kirchenthurnen limas en okcidento kaj nordo al Rümligen, en nordoriento al Gelterfingen, en oriento al Mühledorf, en sudo al Mühlethurnen, kaj en sudokcidento al Riggisberg.

Trafiko

Tra Kirchenthurnen pasas en la valo la kantona ĉefvojo n-ro 230 de Belp al Steffisburg kaj paralele proksimume 70 metrojn super la valfundo la kantona ĉefvojo n-ro 183 de Kaufdorf tra Riggisberg kaj Schwarzenburg al Friburgo. Okcidenten krome kontukas la vojo n-ro 1222 al Mühledorf BE. La komunumo ne disponas pri stacidomo ĉe la fervojlinio de Belp al Steffisburg, kiu pasas tra la komunuma teritorio. La plej proksimaj stacidomoj situas en distanco de 2 kilometroj norde en Kaufdorf kaj sude en Mühlethurnen. Al la plublika transportreto la komunumo estas konektita per la buslinio de Toffen al Riggisberg.

Historio

La komunumo, kiu ĝis 1860 nomiĝis Thurnen, estis la unuan fojon menciita en la jaro 1228 kiel Tornes. En la gruzominejo en Ried estis trovitaj tombejoj el la Hallstatt-epoko kun tombodonoj. La bienposedo kaj la senjoraj rajtoj en la 14-a jarcento apartenis al la nobele berna familio de Blankenburg. La familio de Blankenburg koncedis la havaĵon, voktadon kaj eklezian interezon en la jaro 1343 al la Monaĥejo Interlaken kaj fondumis en la jaro 1349 la katarinan kaplanejon, pri kiu en la jaro 1464 estiĝis disputo kun Interlaken. Ekde la jaro 1388 la alta jurisdikcio apartenis al la berna kampartribunalo de Seftigen. De 1803 ĝis 2009 la komunumo apartenis al la distrikto Seftigen, ekde la 1-a de januaro 2010 ĝi formas parto de la administra distrikto Berno-Mezlando.^[3]

Notoj kaj referencoj

1. Fonto: Mapo 1:20000 de Swisstopo^{[rompita ligilo]}
2. Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
3. Fonto: Anne-Marie Dubler: Kirchenthurnen en Historia Leksikono de Svislando (2008-10-16)

Eksteraj ligiloj

• Kategorio Kirchenthurnen en la Vikimedia Komunejo (Multrimedaj datumoj)

• Oficiala retejo de la komunumo Kirchenthurnen Arkivigite je 2020-10-28 per la retarkivo Wayback Machine

Bildoj

• 
  Preĝejo de Kirchenthurnen
• 
  La vilaĝocentro kun la preĝejo