Niederrohrdorf
| Niederrohrdorf | |
|---|---|
 | |
 | |
| komunumo en Svislando | |
| Kantono | Argovio |
| Distrikto | Baden |
| Koordinatoj | 47° 25′ 25″ N 8° 18′ 30″ O / 47.42361 °N, 8.30833 °O (mapo)Koordinatoj: 47° 25′ 25″ N 8° 18′ 30″ O / 47.42361 °N, 8.30833 °O (mapo) |
|
| |
| Nombro de loĝantoj | 3282 |
| Areo | 3,33 km² |
| Alteco | 436 m super marnivelo |
| Poŝtkodo | 55443 |
| Komunumkodo | 4035 |
 | |
Pri la komunumo
[redakti | redakti fonton]Niederrohrdorf estas komunumo en la distrikto Baden de Kantono Argovio, Svislando. Ĝi havis 3282 loĝantojn je la 31-a de decembro 2008.
Geografio
[redakti | redakti fonton]_129.jpg)
Niederrohrdorf situas tri kilometrojn oriente de la rivero Reuss ĉe la piedo de la moto Rohrdorferberg, kiu estas parto de la montoĉeno Heitersberg. La vilaĝo komplete kunkreskis kun la najbara komunumo Oberrohrdorf. Al la komunumo apartenas ankaŭ la vilaĝetoj Vogelrüti kaj Holzrüti.
La komunumo etendiĝas sur areo de 3,33 km², de kiuj 0,98 km² estas kovritaj de arbaro kaj 0,81 km² de konstruaĵoj. La plej alta punkto de la komunumo situas sur alteco de 530 m s.m. en loko, kiu nomigas Rotrisch, du kilometrojn norde de la vilaĝocentro, kaj ĝia plej malalta punkto sur 375 m s.m. jam en la Reuss-ebenaĵo ĉe loko, kiu nomiĝas Holzrüti.
Najbaraj komunumoj
[redakti | redakti fonton]La komunumo Niederrohrdorf limas en nordo al Fislisbach, en oriento al Oberrohrdorf, en sudoriento al Remetschwil, en sudo al Stetten, kaj en okcidento al Mellingen.
Trafiko
[redakti | redakti fonton]
Niederrohrdorf situas ĉe la kantona ĉefvojo de Bremgarten al Baden kaj estas konektita al la publika trafikreto per du poŝtaŭtolinioj.
La plej proksima alveturejo al la svisa aŭtovojo A1 troviĝas 5 kilometrojn norde en Dättwil.
Historio
[redakti | redakti fonton]La unua dokumenta mencio de Rohrdorf datiĝas el la jaro 1179 kiel Rordorf. Niederrohrdorf estis menciita unuan fojon en la jaro 1275 kiel Nidern Rordorf.
En mezepoko en Rohrdorf unue regis la Grafoj de Lencburgo, poste la Grafoj de Kiburgo kaj fine ties heredantoj, la Habsburgoj.
En la jaro 1415 la Svisa Ĵurkomunumo konkeris la regionon, kaj Rohrdorf fariĝis voktejo en la Grafejo Baden.
Post la Helveta Revolucio en la jaro 1798 la vilaĝo apartenis dum kvin jaroj al la tiama Kantono Baden. Post ties integriĝo al la hodiaŭa Kantono Argovio, Niederrohrdorf fariĝis politika komunumo de la argovia distrikto Baden.
En la jaro 1805 la kvin vilaĝoj Busslingen, Niederrohrdorf, Oberrohrdorf, Remetschwil kaj Staretschwil estis kunigitaj al la komunumo Rohrdorf. Ĉar la kunlaboro malbone funkciis post diversaj iniciativoj en la jaro 1854 la komunumo Rohrdorf estis denove disigita, kaj estiĝis la tri hodiaŭaj komunumoj Niederrohrdorf, Oberrohrdorf kun Staretschwil, kaj Remetschwil kun Busslingen.
Eksteraj ligiloj
[redakti | redakti fonton]
| ||||||
