Rožňava

	Rožňava
	hungare Rozsnyó, germane Rosenau
	urbo
	Urboturo en Rožňava
	Blazono
	Blazono
	Oficiala nomo: Rožňava
Lando	Slovakio
Regiono	Regiono Košice
Distrikto	Distrikto Rožňava
Historia regiono	Supra Hungarujo
Parto de	Gemer
Montaroj	Slovaka karsto, Slovaka ercmontaro
Riveroj	Rožňavský potok, Slaná
Situo	Rožňava
- alteco	313 m s. m.
- koordinatoj	48° 39′ 30″ N 20° 31′ 51″ O / 48.65833 °N, 20.53083 °O (mapo)
Areo	45,614 km² (4 561,4 ha)
Loĝantaro	18 670 (31.10.2011)
Denseco	409,3 loĝ./km²
Unua skribmencio	1230
Horzono	MET (UTC+1)
- somera tempo	MET (UTC+2)
Poŝtkodo	048 01
Telefona antaŭkodo	+421-58
Aŭtokodoj	RV
NUTS	525529
	Situo enkadre de Slovakio Situo enkadre de Slovakio
	Situo enkadre de Regiono Košice Situo enkadre de Regiono Košice
	Vikimedia Komunejo: Rožňava
	Retpaĝo: www.roznava.sk
	Portalo pri Slovakio

Koordinatoj: 48° 39′ 30″ N 20° 31′ 51″ O / 48.65833 °N, 20.53083 °O (mapo)

Rožňava, hungare Rozsnyó [roĵnjO], germane Rosenau) estas urbo en Slovakio, en Regiono Košice, en Distrikto Rožňava, kies distriktejo ĝi estas. La nomo devenas el la germana, signifante rozejo.

Situo

La urbo situas en valo, laŭ bordo de Slaná, laŭ ĉefvojo kaj fervojo Košice-Zvolen. Krome estas grava ĉefvojo al Poprad kaj fervojo al Dobšiná. Košice troviĝas 55 km.

Historio

La komunumo estis loĝata dum la neolitiko, bronzepoko kaj ferepoko. La unua mencio devenis el 1294 en formo Rosnaubana, pli frue germanaj ministoj fondis la komunumon. Ĝi ricevis urbajn privilegiojn en 1340. Dum la historio oni minadis oron, feron kaj aliajn ercojn. La husanoj okupis ĝin en ĉirkaŭ 1440 kaj ili konstruis fortikaĵon, kiun Johano Hunyadi okupis en 1452. Poste la ruina fortikaĵo apartenis al familio Rozgonyi (rozgonji). En la 16-a j.c. la loĝantoj iĝis protestantoj. La turkoj kelkfoje finrabis la urbeton. En 1685 Emeriko Thököly en batalo malvenkis de Habsburgoj. Dum la liberecbatalo Francisko Rákóczi la 2-a ofte pasigis tie tempojn. Okazis pesto en 1710, incendio en 1776. Ĝuste tiam Maria Teresia nomumis la urbon katolika episkopejo. La urbo akiris la rangojn konsilantrajta kaj mina ekde 1876. La urbo iĝis industria centro en la 19-a j.c.

En 1910 loĝis en la urbo 6565 da homoj (5886 hungaroj, 406 slovakoj kaj 159 germanoj). Ĝis Traktato de Trianon la urbo apartenis al Gömör kaj Kis-Hont, al distrikto de Rozsnyó, kies distriktejo estis. Poste la regiono iĝis parto de Ĉeĥoslovakio. Dume inter 1938-1945 la regiono rehungariĝis. La unua Arbitracio de Vieno deklaris, ke tiuj komunumoj, kie la hungaroj vivas en majoritato, apartenu al Hungario. Post la 2-a mondmilito granda parto de la hungareco estis deportita, la restaĵo iĝis senrajta laŭ dekretoj de Beneš.

En 2001 loĝis en la urbo 19 261 da homoj, grandparte slovakoj. Okazis impona subĉiela meso fare de papo Johano Paŭlo la 2-a en 2003.

Alianco de minurboj en Supra Hungarujo

Unue hungare, poste laŭ nuna formo slovake:

Gölnicbánya	Igló	Jászó	Rozsnyó
Rudabánya	Szomolnok	Telkibánya

Gelnica	Spišská Nová Ves	Jasov	Rožňava
Rudabánya	Smolník	Telkibánya

Vidindaĵoj

baroka katolika preĝejo el 1650, la preĝejturo samtempe estis fajroturo kune kun horloĝo, tio estas simbolo de la urbo
gotika katedralo omaĝe al Ĉieliro de Virga Maria el la 14-a j.c., poste trakonstruiĝis
episkopa palaco, en 1777 trakonstruiĝis al copfa stilo
baroka klostro kaj preĝejo el 1733
luterana templo el 1786 ne havanta turon
urbodomo el 1810
mezepoka kapelo, samtempe pilgrimejo kune kun fonto Magdalena
muzeo pri minado
impona ĉefplaco kvadratforma

Famuloj