Anasuya Sengupta

Anasuya Sengupta

(2013)
Bizitza
JaiotzaBangalore, 1974 (50/51 urte)
Herrialdea India
Familia
AmaPoile Sengupta
Hezkuntza
HeziketaDelhiko Unibertsitatea
Lady Shri Ram College for Women (en) Itzuli 1992)
Oxfordeko Unibertsitatea
(1996 - 1998)
Jarduerak
Jarduerakpoeta, aktibista eta idazlea
Enplegatzailea(k)Whose Knowledge? (en) Itzuli
Jasotako sariak
sanmathi.org…
Twitter: Anasuyashh LinkedIn: anasuya-sengupta-9466261 Edit the value on Wikidata

Anasuya Sengupta (1974, -) poeta, egile, ekintzaile feminista indiarra da eta Interneten baztertutakoen ahotsak bistaratzen aditua da. Espezialista da generoaren eta babes sozialaren eta hezkuntzaren alorretako ebaluazio kualitatiboetan. Ekialdeko Afrikan (Etiopia, Ruanda, Uganda eta Hego Sudan) eta Asian (India eta Bangladesh) lan egin du.[1][2][3][4][5]

Bizitza

[aldatu | aldatu iturburu kodea]

Sengupta 1974an jaio zen. Bere aita, Abhijit Sengupta, Indiako administrazioko goi funtzionarioa eta bere ama, Poile Sengupta (Ambica Gopalakrishnan jaiotzez), aktorea, haur literaturaren egilea eta antzerkigilea dira. Haurtzaroa Indiako hegoaldeko Karnataka eskualdean pasa zuen. Justizia sozialaren aldeko apustua egiten duen familia batean hazi zen. Ingelesa, hindia, kannadera, bengalera, tamila eta malayalameraz hitz egiten du.[2]

Ikasketak

[aldatu | aldatu iturburu kodea]

Sengupta ekonomian lizentziatu zen 1995ean Emakumeentzako Lady Shri Ram College-n, New Delhin (India) Delhi Unibertsitateko ikastetxean ohoreekin.[6] Ikasle ohi garrantzitsuenetako bat bezala, berak idatzitako "Isiltasuna" olerkiaren zati bat errezitatzera gonbidatu zuten 2014ko Genderknowledge Academic Congress kongresuan.[7] 1998an, filosofiako masterra lortu zuen garapen ikasketetan Oxfordeko Unibertsitatean. Geroago politikan doktoregoa lortu zuen Oxforden, Karnatakako poliziaren barruko egitura eta praktika formalak zein informalak ikertuz. Gainera, Berkeleyko (Kalifornia) Unibertsitatean bisitari izan zen 2007-2009 bitartean.[2]

Lan ildoak

[aldatu | aldatu iturburu kodea]
Siko Bouterse, Anasuya Sengupta eta Adele Vrana

Sengupta komunitate eta erakundeen defendatzaile, estratega eta bideratzaile gisa aritu da Indian, Hegoalde Globalean eta nazioartean 20 urtez baino gehiagoz. Mundu birtual eta errealean "ertzetatik" ahotsak anplifikatzeko konpromisoa hartu du, boterea, pribilegioa eta sarbidea aztertzen dituen bitartean.[8]

2001etik 2007ra UNICEFen (India) emakumeen eta haurren aurkako indarkeria-arazoei erantzuteko polizia-sistema bat diseinatzeaz eta ezartzeaz arduratu zen.[9] Aldi berean, genero-berdintasunerako nazioarteko ezagutza-sare batean parte hartu zuen, eta aholkularitza eman zion Emakume Gazteen eta lidergo/Jarduera Feminista Gazteen Programari, Garapenerako Emakumeen Eskubideetarako Elkarteari (AWID).[2]

Bere aburuz, informazioa eta ezagutza botere- eta pribilegio-dinamiken bidez sortzen dira. Historia irabazleek idazten dute eta gauza bera gertatzen da Internetekin. Online eskuragarri dagoena sortu dute sarbidea dutenek, idazteko eta grabatzeko aukera dutenek. Gainera, mahai gainean jartzen du ingelesak beste hizkuntza batzuekiko duen pribilegioa, eta horrek ustez "errealitate objektiboa" definitzeko orduan duen eragina.

Ingelesez ez hitz egiteak ez du esan nahi inozoak garenik, munduko beste 7.000 hizkuntzetako bat dela esan nahi du.[10]

Horrela, mundu digitaleko herritar guztien ustezko askatasuna errealitatera eramatean, oraindik munduko jende asko baztertuta dago. Hori dela eta, Senguptak mundua ulertzeko modua zabaldu nahi ditu. Ezagutza mota asko daude eta sarean islatzeko aukerak sortu nahi ditu, ez soilik orain arte interneten ordezkatuta ez daudenak irudikatu eta baztertutako komunitateen ezagutza ikusia eta entzuna izatea bermatzeko, baizik eta guztiontzako pentsamendu-aniztasun aberatserako bide delako, ezagutza zabaltzeko eta hobeto informatutako erabakiak hartzeko, aniztasun, irekitasun eta askatasun ugariko mundu partekatu bat eraikitzeko modurik kritikoenetako bat sustatzeko. Beste modu batez esanda, internet berrirudikatzea mundua berrirudikatzeko duen modua da.[11][12]

Galderak ez luke izan behar Interneterako sarbidea giza eskubidea ote den. Aldiz, geure buruari galdetu beharko genioke: nola izango litzateke Interneterako giza eskubidea, sarbidetik harago?[13]

Wikilari aditua, Anasuya ikuspegi inklusibotik elkarlaneko ezagutzaren sorkuntzan eta komunitatearen parte-hartzean aritua da. [14][15]

Sengupta (eskuinetik hasita lehena) 2017ko Montrealgo Wikimania-ko mahai-inguru batean

Sengupta Kaliforniako San Frantziskoko Wikimedia Fundazioko Beken Zuzendari Nagusia izan zen.[16][17] Whose Knowledge proiektuaren sortzailea da, zeinen helburua den online ezagutza eta informazioa hobetzeko lan egitea munduko toki baztertuetan, Asian, Afrikan eta Latinoamerikan, besteak beste. Erakundeko zuzendarikide gisa lan egiten du Siko Bouterse eta Adele Vranarekin batera. 2018ko urritik aurrera, Internet dekolonizatzeko egiten ari den lana Shuttleworth Fundazioaren beka batek laguntzen du.[10]

"Deskolonizatzea [Internet] da benetako ahalduntzearen muina. Zentzu askotan, gaur egun aurre egin behar diogun indarkeria- eta bidegabekeria-krisiak badirudi ezjakintasun-krisi ezkutu batean errotuta daudela." [18]

Senguptak liburutegien garrantzia eta interneten munduko hizkuntzen bistaratzearen beharra azpimarratzen ditu. Era berean, lan egiten du testuliburuetako zenbait zehaztugabetasun historikoak zuzentzearen alde, zenbait erlijio, etnia edo taldeei, zehazki musulmanei buruzko kontakizun faltsuak desegiteko.

Wikimedia Conference 2017

Hedabideekin kolaboratzen du internet deskolonizatzeko ekarpenen inguruan mintzatuz, besteak beste, BBC News, The Guardian eta Mail & Guardian.[19][20][21]

2018ko abenduaren 11n, Sengupta eta Claudia Pozok argitaratu zuten, "Gure istorioak, gure ezagutzak" (Our Stories, Our Knowledges). Lanak ahots marjinatuak isilarazten dituzten botere egiturak salatzeaz gain, komunitate horiek egitura kolonialista zuriek jarritako oztopo epistemikoak gainditzeko praktikak proposatzen ditu, ahalegin horietan Whose Knowledge proiektuko jarduera erakutsiz eta aholkuak emanez interneten dekolonizazioan parte hartu nahi duten aliatuei. Lau ataletan antolatua dago: 1. atala: Gure istorioak eta ezagutzak deskolonizatzen, 2. atala: Komunitateko ezagutzak eraikitzeko praktika eraldatzaileak, 3. atala: Wikipedian gure ezagutzak gehitzen eta 4. atala: nola egin aliantzak eta izan gonbidatu ona.[22][23]

Argitalpenak

[aldatu | aldatu iturburu kodea]
  • Gure ametsak defendatzen: ahots feminista globalak belaunaldi berri baterako (Defending Our Dreams: Global Feminist Voices for a New Generation, 2005) feminismoari eta pobrezia desagerrarazteari buruzko saiakera.[24] Argitalpenean Australia, Barbados, Kanada, India, Nepal, Hegoafrika, Tanzania, Erresuma Batua, Uruguai, AEB eta Venezuelako hemezortzi feministen idazkiak agertzen dira. Feminista hauek hainbat gai sozio-politikoren inguruan eztabaidatzen dute: emakumeen eskubideak, ekonomia, sexu identitatea, teknologiak, berrikuntza eta generoan oinarritutako mugimendu politikoen garapena eta abar.[25][26]

Sariak eta errekonozimenduak

[aldatu | aldatu iturburu kodea]
  • 2017an Shuttleworth Fellowship Programme beka.[14]
  • 2018an Internet and Society saria Oxford Internet Institute-ren eskutik.[27]

Eragina

[aldatu | aldatu iturburu kodea]

Hillary Clinton Estatu Batuetako Estatu idazkari ohiak 1995eko martxoan Senguptaren olerkietako baten berri izan zuen, Clinton lehen dama zenean eta India bisitatzen ari zela. Clintonek Delhin egindako hitzaldietan eta Nazio Batuen Erakundeko emakumeen konferentzia batean Pekinen (Txina) erabili zuen. Poemak Clinton inspiratu zuen bere autobiografiako kapitulu batean ere bai: " Isiltasuna ez da hemen hitz egiten". [28][29][6][30]

Emakume gehiegik herrialde gehiegitan Isiltasunaren hizkuntza bera hitz egiten dute.[31][32]

Erreferentziak

[aldatu | aldatu iturburu kodea]
  1. ↑ (Ingelesez) «Anasuya Sengupta» OpenGlobalRights (Noiz kontsultatua: 2020-11-30).
  2. ↑ a b c d (Ingelesez) «Anasuya Sengupta - SheSource Expert - Women’s Media Center» womensmediacenter.com (Noiz kontsultatua: 2020-11-30).
  3. ↑ Sengupta, Anasuya; Calo, Muriel. (2016-04-02). «Shifting gender roles: an analysis of violence against women in post-conflict Uganda» Development in Practice 26 (3): 285–297.  doi:10.1080/09614524.2016.1149151. ISSN 0961-4524. (Noiz kontsultatua: 2020-11-30).
  4. ↑ Anasuya Sengupta, Pathways out of the Productive Safety Net Programme: Lessons from Graduation Pilot in Ethiopia., 2012
  5. ↑ (Ingelesez) Harriss-White, Barbara. (2003). India Working: Essays on Society and Economy. Cambridge University Press ISBN 978-0-521-00763-4. (Noiz kontsultatua: 2020-11-30).
  6. ↑ a b (Ingelesez) Purdum, Todd S.. (1995-03-30). «Hillary Clinton Finding a New Voice (Published 1995)» The New York Times ISSN 0362-4331. (Noiz kontsultatua: 2020-11-30).
  7. ↑ (Ingelesez) «Kamla Bhasin, Nivedita Menon and Vrinda Grover lead day one at LSR Genderknowledge» DU Beat 2014-03-05 (Noiz kontsultatua: 2020-11-30).
  8. ↑ (Ingelesez) «Anasuya Sengupta» GenderIT.org (Noiz kontsultatua: 2020-11-30).
  9. ↑ Sengupta, Anasuya. (2010-04-01). «Concept, category and claim: insights on caste and ethnicity from the police in India» Ethnic and Racial Studies 33 (4): 717–736.  doi:10.1080/01419870903388311. ISSN 0141-9870. (Noiz kontsultatua: 2020-11-30).
  10. ↑ a b «Anasuya Sengupta» The Shuttleworth Foundation 2017-02-03 (Noiz kontsultatua: 2020-11-30).
  11. ↑ (Ingelesez) «We’re all connected now, so why is the internet so white and western? | Mark Graham and Anasuya Sengupta» the Guardian 2017-10-05 (Noiz kontsultatua: 2020-11-30).
  12. ↑ (Ingelesez) Sengupta, Anasuya; Bouterse, Siko; Allmann, Kira. (2018-11-01). «Build an internet for, and from, us all» Nature 563 (7733): S147–S147. (Noiz kontsultatua: 2020-11-30).
  13. ↑ (Ingelesez) «Beyond Internet access: seeking knowledge justice online» OpenGlobalRights (Noiz kontsultatua: 2020-11-30).
  14. ↑ a b Team, S. F.. (2017-02-03). «Welcome Alasdair, Anasuya, Mad & Tarek» The Shuttleworth Foundation (Noiz kontsultatua: 2020-11-30).
  15. ↑ Reagle, J.; Koerner, J.; Benjakob, O.; Harrison, S.; Benkler, Y.; Keegan, B.; Beutler, W.; Ayers, P. et al.. (2020). «19 Possible Enlightenments: Wikipedia's Encyclopedic Promise and Epistemological Failure» Wikipedia @ 20: Stories of an Incomplete Revolution (MIT Press): 285–295. ISBN 978-0-262-36059-3. (Noiz kontsultatua: 2020-11-30).
  16. ↑ «Just published: interview with Anasuya Sengupta of the Wikimedia Foundation» Alliance magazine 2013-10-09 (Noiz kontsultatua: 2020-11-30).
  17. ↑ (Ingelesez) «The Radical Passion Economy of Wikipedia: An Interview with Anasuya Sengupta» Non Profit News | Nonprofit Quarterly 2013-09-24 (Noiz kontsultatua: 2020-11-30).
  18. ↑ Sengupta, Anasuya. "Decolonizing Knowledge, Decolonizing the Internet: An Agenda for Collective Action." Digital Library Federation. DLF Forum Opening Plenary, Las Vegas, NV. Retrieved 10 December 2018.
  19. ↑ (Ingelesez) «Anasuya Sengupta | The Guardian» the Guardian (Noiz kontsultatua: 2020-11-30).
  20. ↑ (Ingelesez) «Who edits Wikipedia?» www.bbc.co.uk (Noiz kontsultatua: 2020-11-30).
  21. ↑ (Ingelesez) «Wiki foundation wants to ‘decolonise the internet’» The Mail & Guardian 2018-07-22 (Noiz kontsultatua: 2020-11-30).
  22. ↑ (Ingelesez) «New Resource! Our Stories, Our Knowledges» Whose Knowledge (Noiz kontsultatua: 2020-11-30).
  23. ↑ (Ingelesez) ««Our Stories, Our Knowledges»: the full series!» Whose Knowledge? (Noiz kontsultatua: 2020-11-30).
  24. ↑ Defending our dreams : global feminist voices for a new generation. Zed Books 2005 ISBN 1-84277-726-2. PMC 60590190. (Noiz kontsultatua: 2020-11-30).
  25. ↑ Wilson, Shamillah., Sengupta, Anasuya., Evans, Kristy., Association for Women's Rights in Development. London: Zed Books. 2005. ISBN 1842777262. OCLC 60590190.
  26. ↑ (Ingelesez) Wilson, Shamillah; Sengupta, Anasuya; Evans, Kristy. (2005-10). Defending Our Dreams: Global Feminist Voices for a New Generation. Zed Books ISBN 978-1-84277-727-5. (Noiz kontsultatua: 2020-11-30).
  27. ↑ (Ingelesez) «People» Whose Knowledge? (Noiz kontsultatua: 2020-11-30).
  28. ↑ (Ingelesez) Indian's silence speaks to Hillary. 2003-06-27 (Noiz kontsultatua: 2020-11-30).
  29. ↑ (Ingelesez) «DU passout's poem inspired chapter in Clinton's autobiography» Hindustan Times 2009-07-20 (Noiz kontsultatua: 2020-11-30).
  30. ↑ (Gaztelaniaz) Ribó, Núria. (2007). Hillary Clinton: retorno a la Casa Blanca. Editorial Norma ISBN 978-958-45-0657-3. (Noiz kontsultatua: 2020-11-30).
  31. ↑ (Ingelesez) Susan. (2017-12-28). «Poem: “Silence,” by Anasuya Sengupta» Compassionate San Antonio (Noiz kontsultatua: 2020-11-30).
  32. ↑ (Ingelesez) «Silence - ProQuest» search.proquest.com (Noiz kontsultatua: 2020-11-30).

Kanpo estekak

[aldatu | aldatu iturburu kodea]