Gregorio Ordóñez

Gregorio Ordóñez
	; Irudi gehiago
; Diputatua Eusko Legebiltzarrean
; Diputatua Eusko Legebiltzarrean
; Diputatua Eusko Legebiltzarrean
zinegotzi
Bizitza
Jaiotzako izen-deiturak	Gregorio Ordóñez Fenollar
Jaiotza	Caracas, 1958ko uztailaren 21a
Herrialdea	Espainia
Heriotza	Donostia, 1995eko urtarrilaren 23a (36 urte)
Hobiratze lekua	Polloeko hilerria
Heriotza modua	giza hilketa
Hiltzailea	Euskadi Ta Askatasuna
Familia
Haurrideak	ikusi Consuelo Ordóñez;
Hezkuntza
Heziketa	Nafarroako Unibertsitatea
Hizkuntzak	gaztelania
Jarduerak
Jarduerak	politikaria eta kazetaria
Lantokia(k)	Donostia
Kidetza	Euskadiko Alderdi Popularra
Sinesmenak eta ideologia
Alderdi politikoa	Alderdi Popularra

Gregorio Ordóñez Fenollar (Caracas, Venezuela, 1958ko uztailaren 21- Donostia, 1995eko urtarrilaren 23a) Venezuelan jaiotako politikaria izan zen, ETAk hila.

Biografia

Nahiz eta Venezuelan jaio, Ordóñez Fenollar familia 1965ean aldatu zen Donostiara (Gipuzkoa), eta hiri horretan egin zituen Gregoriok lehen eta bigarren mailako ikasketak. Nafarroako Unibertsitatean Kazetaritzan lizentziatu zen, eta, denboraldi labur batez ogibide izan ondoren, Alderdi Popularreko gazte sailean (Nuevas Generaciones) izena eman zuen. 1983an, 24 urte besterik ez zuela, Donostiako zinegotzi hautatu zuten. Legealdi hartantxe Hirigintza-lege saileko zinegotzi ere izendatu zuten, eta 1987an, Turismo eta Jaietako zinegotzi. 1991tik aurrera, Hirigintzako zinegotzi izan zen. Garai berean lehen alkateorde izan zen. PPko hautagai-zerrendako buru hirutan izan zen eta 1995ean ere horretarako izendatu zuten. 1990ean Ana Iribar irakaslearekin ezkondu zen, eta hiru urte geroago, Javier semea jaio zen.^[1]

Nahiz eta alderdi abertzaleek gehiengoa eduki Gipuzkoan eta ETAk presio handia egin, Ordóñezek gidatutako talde batek emaitza onak lortu zituen hainbat hauteskundetan, Aliantza Popularra alderdiarentzat lehenik, Alderdi Popularrarentzat geroago. 1994ko Europar Legebiltzarreko hauteskundeetan Donostiako zerrenda bozkatuena izan zen.

1995eko urtarrilaren 23an, Donostiako Parte Zaharreko jatetxe batean bazkaltzen ari zen alderdikideekin, tartean haren idazkari Maria San Gil. Maiatzeko hauteskundeak prestatzen ari ziren. Orduan, Frantzisko Xabier Gartzia Gaztelu Txapotek eta Juan Ramon Casatorrek osatutako ETAko komando bat jatetxean sartu eta Gregorio Ordóñez tiroz hil zuten. ETAk modu horretan hil zuen lehen zinegotzia izan zen: artean, zinegotziek ez zuten bizkartzainik erabiltzen.^[2]^[3]

Haren hilobiak hainbat aldiz donausteak jasan ditu.

Omenaldia

2020ko urtarrilaren 25ean Donostiako Udalak plaka bat jarri zuen Gregorio Ordoñezen omenez zuela 25 urte hil zuten tokian. Donostiako alkateak, Eneko Goiak, eta udalbatzako kideek, Ordoñezen familiarekin batera, omenaldia egin zioten hiriko alkateorde zenari lore-eskaintza batekin.^[4]

Dokumentala

2025ean Diario Vasco egunkariak Gregorio Ordóñez, el asesinato que despertó la rebelión contra ETA dokumentala aurkeztu zuen. Lanean Gogora Institutuak eta Gipuzkoako Foru Aldundiak kolaboratu zuten.^[5]

Erreferentziak

Kanpo estekak

(Gaztelaniaz) Gregorio Ordóñezen hilketaren hamargarren urteurrena
(Gaztelaniaz) Txapoteren aurkako epaiketaren hasiera, 2006ko azaroaren 29ko artikulua.
(Gaztelaniaz):Diario Vasco egunkariak prestatutako film dokumentala.

Datuak: Q3326771
Multimedia: Gregorio Ordóñez / Q3326771

[1] ttps://www.pp.es/content/gregorio-ordóñez-fenollar

[2] ttps://elpais.com/espana/2023-05-10/dos-etarras-declaran-como-testigos-protegidos-contra-los-exjefes-de-la-banda.html

[3] ttps://www.donostia.eus/info/ciudadano/ddhh_paz.nsf/voWebContenidosId/NT000009D6?OpenDocument&idioma=cas&id=A513328493513&cat=Iniciativas&doc=D

[4] ttps://www.donostia.eus/info/ciudadano/ddhh_paz.nsf/voWebContenidosId/NT000009D6?OpenDocument&idioma=eus&id=A513328493513&cat=Iniciativas&doc=D

[5] ttps://www.diariovasco.com/politica/memoria-del-terrorismo/documental-gregorio-ordonez-asesinato-rebelion-contra-ETA-20250123181003-nt.html

[1]

[2]

[3]

[4]

[5]