Helen Prejean

Helen Prejean
Irudi gehiago
Bizitza
Jaiotza	Baton Rouge, 1939ko apirilaren 21a (85 urte)
Herrialdea	Ameriketako Estatu Batuak
Bizilekua	New Orleans
Hezkuntza
Heziketa	Saint Paul University ^(en) University of Ottawa ^(en)
Hizkuntzak	ingelesa
Jarduerak
Jarduerak	giza eskubideen aldeko ekintzailea eta idazlea
Jasotako sariak	ikusi John Simon Guggenheim Memorial Foundation beka  (1995) Pacem in Terris Award Laetare Medal  (1996) James Cardinal Gibbons Medal Christopher Award Teacher of Peace Award
Sinesmenak eta ideologia
Erlijioa	Eliza latinoa
Erlijio-ordena	Congregation of St. Joseph ^(en)
sisterhelen.org

Helen Prejean (Baton Rouge, Louisiana, 1939ko apirilaren 21) estatubatuar moja katolikoa eta heriotza zigorraren aurkako ekintzaile nabarmena da.

1957an Saint-Joseph kongregazioan sartu zen. Bizitza New Orleanseko behartsuei laguntzen ematera deliberaturik, 1981ean hiri horretako presondegian hasi zen lanean. Era horretan, bi nerabe hiltzeagatik heriotza zigorrera kondenaturik zegoen Patrick Sonnier ezagutu zuen. Sonnierren aholkulari espiritual bilakatu zen, eta lagun egin zion aulki elektrikoan hil zuten arte. Esperientzia horiek oinarri harturik, eta heriotza zigorarren aurka borrokatzeko helburuarekin, 1994n Dead man walking liburua argitaratu zuen. 1996an Tim Robbinsek liburua zinemara egokitu zuen, arrakasta handiz. Ahizpa Helenen rola antzeztu zuen Susan Sarandonek emakumezko aktore onenaren Oscar Saria jaso zuen. Dead man walking liburuan oinarriturik Terrance McNally eta Jake Heggiek idatzitako opera, berriz, 2000an jokatu zen lehen aldiz^[1]

Helen Prejeanek heriotza zigorra ezeztatzearen aldeko hainbat ekinaldi sustatu ditu. Horrez gain, indarkeriaren biktimei laguntzen dien Survive taldearen fundatzailea da. 2004an bere bigarren liburua argitaratu zuen: The Death of Innocents: An Eyewitness Account of Wrongful Executions. Bertan, bere ustez errugabeak ziren bi gizonen (Dobie Gillis Williams eta Joseph O'Dell) exekuzioaren historia kontatzen du^[1].

Erreferentziak

1. ↑ Sister Helen Prejean Sisterhelen.org

Kanpo estekak

• (Ingelesez) Prejean.org