Jan Urban

Jan Urban
	; Irudi gehiago
Bizitza
Jaiotza	Jaworzno, 1962ko maiatzaren 14a (62 urte) (62 urte)
Herrialdea	Polonia ; Espainia
Hezkuntza
Hizkuntzak	gaztelania
Jarduerak
Jarduerak	futbolaria eta futbol entrenatzailea
Ibilbidea
	Parte-hartzailea 1986ko Munduko Futbol Txapelketa ;
Posizio edo espezialitatea	aurrelaria
Pisua	72 kilogramo
Altuera	179 zentimetro

Jan Urban (Jaworzno, 1962ko maiatzaren 14a) poloniar futbol jokalari ohia eta entrenatzailea da. Osasuna futbol taldean jokatu zuen 1989-1994 urteetan, eta geroago entrenatzailea izan zen 2014-2015 sasoiaren hasieran.^[1]

Ibilbidea

Hegoaldeko Poloniako meatzari familia xume batean jaio zen^[2]. 1985-1989 bitartean Górnik Zabrzen aritu zen. Talde horrekin hiru aldiz irabazi zuen Ekstraklasa eta behin Poloniako superkopa. 1989tik 1994ra Osasunako jokalari garrantzitsuenetako bat izan zen^[3]. 1990/1991ko denboraldia bikaina izan zen: taldeak laugarren postuan amaitu zuen liga, UEFA Koparako sailkapena lortuz, eta Urbanek 13 gol sartu zituen, horietako hiru Santiago Bernabeun, Osasunak Real Madrili 0-4 irabazi zion partida gogoangarrian^[4]. Urte horietan Osasunazaleen begiko bilakatu zen. 1993/1994 denboraldian, ordea, Osasuna bigarren mailara jaitsi zen, eta 1994ko abenduan Real Valladolidek Urban fitxatu zuen^[5].

Poloniako futbol selekzio nazionalarekin ere aritu zen, eta 7 gol sartu zituen 57 partidatan. Mexikon jokatu zen 1986ko Munduko Futbol Txapelketan parte hartu zuen.

Iruñea eta Osasuna oso atsegin ditu eta, erretreta hartutakoan, bertan hasi zen entrenatzen. Lehenik gazteen Ohorezko mailako taldea zuzendu zuen, eta Osasuna B 2003-2005 bitartean^[6]. 2012tik 2013ra Legia Warsaweko entrenatzailea izan zen eta 2013an Poloniako Liga irabaztea lortu zuen.

Jokalari ibilbidea

Taldea	Herrialdea	Urtea
Victoria Jaworzno	Polonia	1980-1981
Zagłębie Sosnowiec	Polonia	1981-1985
Górnik Zabrze	Polonia	1985-1989
Osasuna	Euskal Herria	1989-1994
Real Valladolid	Espainia	1995
CD Toledo	Espainia	1995-1996
VfB Oldenburg	Alemania	1996-1997
Górnik Zabrze	Polonia	1998

Entrenatzaile ibilbidea

Taldea	Herrialdea	Urtea
Osasuna B	Euskal Herria	2003-2005
Osasuna (Idazkari teknikoa)	Euskal Herria	2005-2007
Legia Warsaw	Polonia	2007-2010
Polonia Bytom	Polonia	2010
Zagłębie Lubin	Polonia	2011
Legia Warsaw	Polonia	2012-2013
Osasuna	Euskal Herria	2014-2015
Lech Poznań	Polonia	2015-2016
Śląsk Wrocław	Polonia	2017-2019
Górnik Zabrze	Polonia	2021-2022