Japoniako errugbi selekzioa

Artikulu hau Japoniako gizonezkoen selekzioari buruzkoa da; emakumeen selekzioa gaitzat duena beste hau da: «Japoniako emakumezkoen errugbi selekzioa»

Japoniako errugbi selekzioa
Izengoitia	The Cherry Blossoms ("Gerezi loreak") Brave Blossoms ("Lore ausartak")
Elkartea	Japan Rugby Football Union
Hautatzailea	Jamie Joseph
Kapitaina	Atsushi Sakate
Partida gehien	Hitoshi Ono (98)
Puntu gehien	Ayumu Goromaru (708)
Entsegu gehien	Daisuke Ohata (69)
Lehenbizikoa Bigarrena
Lehenbiziko partida
Japonia 9-8 Kanada Osaka, Japonia, 1932ko urtarrilak 31
Garaipenik handiena
Japonia 155-3 Taiwan Tokio, Japonia, 2002ko uztailak 1
Porrotik handiena
Zeelanda Berria 147-17 Japonia Bloemfontein, Japonia, 1995eko ekainak 4
Munduko Errugbi Kopa
Parte hartzeak	9 (aurrenekoa 1987an)
Posturik onena	Final laurdenak (2019)
Asiako Errugbi Txapelketa
Parte hartzeak	30 (aurrenekoa 1969an)
Posturik onena	25 garaipen

Japoniako errugbi selekzioa Japoniaren ordezkaria da errugbi partida ofizialetan. Asiako talderik indartsuena da. Aipagarria da 2015eko Munduko Errugbi Kopan Hegoafrikaren aurka lorturiko garaipena. 2019koan, berriz, final laurdenetara iritsi zen.

Historia

Errugbia 1899an iritsi zen Japoniara, lehenago kaietan jokatzen bazen ere. Selekzioak 1932ko urtarrilaren 31n jokatu zuen lehenbiziko partida, Kanadaren kontra. Munduko Errugbi Koparen edizio guztietan parte hartu badu ere, lehenbiziko zazpietan partida bakarra baino ez zuen irabazi, 1991koan, Zimbabweren aurka.

Japoniaren eta Australiaren arteko partida, 2008ko ekaina.

Japoniako selekzioaren aro berria 2003ko Munduko Errugbi Kopan hasi zen, Eskoziaren aurka galdutako partidan (32-11). Egun hartan Japoniak adore erakustaldia egin zuen. Baloi jabetzaren % 17 bakarrik izan arren, amaitzeko 23 minutu falta zirenean lau puntugatik bakarrik galtzen ari zen, eta lehen zatian bi entsegu aukera oso on izan zituen. Japoniarrek, egun hartan, 136 plakatze egin zituzten, 168 saiakeratan. Taldearen goitizena ere aldatu zen egun hartan: "Gerezi loreak" zirenak "Lore ausartak" bilakatu ziren; kazetari ingeles batek aldatu zien bere kronikan, eta federazioak bere egin zuen.^[1]

2015eko Munduko Errugbi Kopan, Hegoafrikari irabaztea lortu zuen, 34-32, Brightongo Miraria delakoan. Munduko Kopetan inoiz izandako ezustekorik handiena da askorentzat. Japoniak, gainera, azken jokaldian entsegua lortuta irabazi zuen, zigor-kolpea hagetara bota eta partida berdintzen saiatu beharrean, eskura jokatzea erabaki baitzuen.^[2] 2019koa, berriz, beren etxean jokatu zen, eta lehenbiziko aldiz lortu zuten final laurdenetara sailkatzea, multzoko lau partidak irabazita.^[3]

Palmaresa

Munduko Errugbi Kopa

Urtea	Antolatzailea	Postua	Garaipenak
1987	Zeelanda Berria eta Australia	Multzo fasea
1991	Ingalaterra	Multzo fasea	Zimbabweren aurka (52-8)
1995	Hegoafrika	Multzo fasea
1999	Gales	Multzo fasea
2003	Australia	Multzo fasea
2007	Frantzia	Multzo fasea
2011	Zeelanda Berria	Multzo fasea
2015	Ingalaterra	Multzo fasea	Hegoafrikaren (32-34), Samoaren (5-26) eta Estatu Batuen (18-28) aurka.
2019	Japonia	Final laurdenak	Errusiaren (10-23), Irlandaren (12-19),Samoaren (19-38), eta Eskoziaren (21-28) aurka.

Asiako Errugbi Txapelketa

• Txapelduna (25): 1969, 1970, 1972, 1974, 1976, 1978, 1980, 1984, 1992, 1994, 1996, 1998, 2000, 2004, 2007, 2008, 2009, 2010, 2011, 2012, 2013, 2014, 2015, 2016, 2017.
• Finalista (5): 1982, 1986, 1988, 1990, 2002

Ozeano Bareko Nazioen Errugbi Kopa

• Txapelduna (3): 2011, 2014, 2019
• Hirugarrena (1): 2010

Uniformea

2011

2015-tik

Erreferentziak

1. 'Lore ausartak': porrot baten oroitzapena. Berria, 2019ko urriak 18, CC BY-SA 4.0, berria.eus (Noiz kontsultatua: 2022-10-27).
2. Magro Eizmendi, Imanol. Japoniaren azal berria. Berria, 2019ko urriak 18, CC BY-SA 4.0, berria.eus (Noiz kontsultatua: 2022-10-27).
3. English, Tom. Japan 28-21 Scotland: Gregor Townsend's side out of Rugby World Cup. BBC News, 2019ko urriak 13, bbc.com (Noiz kontsultatua: 2022-10-27).

Kanpo estekak

• Japoniako Errugbi Federazioaren webgunea (Japonieraz) (Ingelesez)