Marmottan Monet museoa

Marmottan Monet museoa
Datuak
Izen ofiziala	Musée Marmottan Monet
Mota	Arte galeria
Herrialdea	Frantzia
Kudeatzailea	Arte Ederren Akademia (Frantzia)
Historia
Sorrera	1934
Sortzailea	Arte Ederren Akademia (Frantzia) Paul Marmottan ^(en)
webgune ofiziala

Museoa kanpotik ikusita.

Marmottan Monet museoa (frantsesez: Musée Marmottan Monet) Parisen 1932an sortutako erakundea da. Beste garaien eta mugimenduen lan askorekin batera, inpresionismoaren ehun arte-lan inguru erakusten ditu, esaterako Claude Monet, Berthe Morisot, Edgar Degas, Édouard Manet eta Pierre-Auguste Renoir margolarienak. Gordetzen duen garrantzitsuena Claude Moneten Inpresioa, eguzkia sortzen margolana da; obra horrek inpresionismoari bere izena eman zion. Hasieran museoaren izena Marmottan museoa zen; XX. mendearen amaieran Marmottan Monet museoa izena hartu zuen, ordea.

Eraikina

Jatorriz Bois de Boulognetik gertu zegoen ehiza-pabiloia zen. Jabegoa Valmyko Dukearena zen. 1882an Jules Marmottanek erosi zuen, bere semearentzako, Paul Marmottanentzako, etxandi bat egiteko. Etxean Julesen arte bilduma jaso zuen, Erdi Aroa eta Pizkundearen lanekin, eta baita ere Paulena; semea Frantziako Lehen Inperioarekin liluratuta zegoen.^[1] Paul Marmottanek testamentuan eraikina eta bilduma Frantziako Académie des Beaux-Arts erakundeari eman zizkion. Hori 1932an izan zen eta museoa 1934an ireki zen.

Bildumak

• Jules eta Paul Marmottan bildumak: Margolari zaharrak eta Lehen Inperiokoak.
• Miniaturekin prestatutako eskuizkribuak, eskola desberdinetakoak: ingelesa, frantsesa, italiarra, flamenkoa... XIII. mendetik XVI. mendera doaz. Wildenstein aretoan biltzen dira.
• Claude Monet: margolari horren bilduma handiena. 66 lan dira, batzuk ospetsuenetarikoak: Inpresioa, eguzkia sortzen, Igebelarrak...
• Inpresionistak: Gustave Caillebotte, Degas, Manet, Berthe Morisot, Pissarro, Renoir, Auguste Rodin, Alfred Sisley...
• Berthe Morisot

Iruditegia

• 
  Roses trémières, Berthe Morisot, 1884.
• 
  Berthe Morisot, Édouard Manetek margotuta.
• 
  Sur la plage à Trouville, Claude Monet, 1870-1871.
• 
  Igebelarrak, Claude Monet, 1915.
• 
  Inpresioa, eguzkia sortzen, Claude Monet, 1872.

Erreferentziak

1. François Daulte: Claude Monet et ses amis. Lausanne 1993, ISBN 2-85047-219-0.

Kanpo estekak

• (Frantsesez):Museoaren webgune ofiziala.