Oodgeroo Noonuccal

Oodgeroo Noonuccal
Irudi gehiago
Bizitza
Jaiotza	Stradbroke Island ^(en) , 1920ko azaroaren 3a
Herrialdea	Australia
Heriotza	Altona Meadows ^(en) , 1993ko irailaren 16a (72 urte)
Familia
Seme-alabak	ikusi Dennis Walker ^(en)
Hezkuntza
Hizkuntzak	ingelesa
Jarduerak
Jarduerak	poeta, giza eskubideen aldeko ekintzailea, idazlea eta filosofoa
Jasotako sariak	ikusi Britainiar Inperioko Ordenaren kidea Victorian Honour Roll of Women Black Filmmakers Hall of Fame  (1979)

Oodgeroo Noonuccal, baita ere Kath Walker bezala ezaguna (1920ko azaroaren 3a- 1993ko irailaren 16a) Australiako poeta, politikari, ekintzaile, artista eta hezitzaile ezaguna izan zen. Jatorriz Australiako aborigena, bera izan zen poesia-liburua argitaratu zuen herri horren lehen pertsonak. Bere herriaren eskubideen aldeko ekintzailea izan zen.

Biografia

1942an, bere bi anaiak japoniarrek preso hartu ondoren, Bigarren Mundu Gerran Australian Women’s Army Service sartu zen. XX. mendeko 60. hamarkadan Kath Walkerrek idazlea eta politikaria ezagutzera eman zuen. Queenslanden Torres itsasartearen Aborigen eta Uhartetarren Garapenerako Batzorde Federaleko Estatu Idazkaria izan zen.^[1]. Erakunde politiko desberdinetan lan egin zuen. 1965an Robert Menzies Lehen Ministroari eta 1966 haren ordezko Harold Holt presionatu zituen haren herriaren alde. 1967an herri aborigenen osoko hiritartasuna onartzeko erreferendumen aktiboki lan egin zuen.^[2]

Bere lehen liburuak We Are Going (Goazen) izenburua zuen eta 1964an plazaratu zuen. Emakume aborigen batek argitaratutako lehendabizikoa izan zen. Liburuak arrakasta handia izan zuen eta Oodgeroo Australiako poeta nagusien artean kokatu zen. Dena dela, kritika asko jaso zituen: batzuk, poesia ingelesez idatzita zegoenez, bere benetakotasuna zalantzan jartzen zuten. Askok ere poesiak adierazten zuen aktibismoa kritikatu zuten.

1972 North Stradbroke uhartean (Minjerribah bezala ere ezagututa) jabego bat erosi zuen. Moongalba ('esertzeko tokia') izena jarri zion eta Noonuccal-Nughie Hezkuntza Zentroa sortu zuen.

1977an, bere bizitzari buruzko dokumental estreinatu zen, Shadow Sister. Ekoizlea eta zuzendaria Frank Heimans izan zen; argazkilaritza Geoff Burtonen eskuetan egon zen.

1974 Noonuccal British Airways konpainiaren hegaldi batean zihoan eta hegazkina terroristek bahitua izan zen. Bahitzaileek bi pertsonen aurka tiro egin zuten eta hegazkina Afrikako leku desberdinetatik ibili zen. Bahiketa hiru egun luzatu zen eta bitarte horretan idazleak bi poema idatzi zituen, horretarako zorabioentzako paper-poltsak erabiliz: "Commonplace" eta "Yusuf (Hijacker)".

1983an, hauteskundetan, Queenslanden, Australian Democrats alderdiaren alde egin zuen. Bere kanpainan aborigenen eskubideen aldarrikapenarekin batera gai ekologikoek garrantzi handia izan zuten.^[3]

1988 bere izen tradizional hartu zuen: Oodgeroo ("Melaleuka", Australiako landare mota bat) Noonuccal (bere tribuaren izena). 1993an hil zen Victorian, 72 urte zituelarik.^[4]

Obra

Poesia

• The Past (1970)
• Municipal Gum (1960)
• "A Song of Hope" (1960)
• We are Going: Poems (1964)
• The Dawn is at Hand: Poems (1966)
• My People: A Kath Walker collection (1970)
• No more boomerang (1985)
• Kath Walker in China (1988)
• The Colour Bar (1990)
• Oodgeroo (1994)
• Let Us Not Be Bitter (1990)
• White Australia (1970)
• All One Race (1970)
• Freedom (1970)
• The Unhappy Race (1989)
• Then and Now (1970)
• Last of His Tribe (1970)

Haur literatura

• Stradbroke Dreamtime (1972)
• Father Sky and Mother Earth (1981)
• Little Fella (1986)
• The Rainbow Serpent (1988)

Saiakerak

• Towards a Global Village in the Southern Hemisphere (1989)
• The Spirit of Australia (1989)
• Australian Legends And Landscapes (1990)
• Australia's Unwritten History: More legends of our land (1992)

Erreferentziak

1. Cochrane, (1994), 67 or.; Elaine Darling, They spoke out pretty good: politics and gender in the Brisbane Aboriginal Rights Movement 1958–1962 (St Kilda, Vic.: Janoan Media Exchange, 1998.), 189 or.
2. Cochrane, (1994), 63 or.
3. Floyd, B., Inside Story, 71 or., Boolarong Press, Salisbury.
4. .

Kanpo loturak