Javier Maroto

Javier Maroto

(2017)
Biografía
Nacemento	6 de xaneiro de 1972 (52 anos) Vitoria, España
Deputado no Congreso dos Deputados
18 de outubro de 2016 – 21 de maio de 2019 ← Alfonso Alonso Lexislatura: XII lexislatura de España Circunscrición electoral: Araba Electo en: Eleccións xerais de España de 2016
Deputado do Parlamento do País Vasco
20 de novembro de 2012 – 30 de xuño de 2015 – Javier Ruiz de Arbulo Cerio ^(en)  → Lexislatura: X lexislatura do Parlamento Vasco Circunscrición electoral: Áraba
Deputado do Parlamento do País Vasco
20 de novembro de 2012 – 30 de xuño de 2015 Circunscrición electoral: Áraba
Alcalde de Vitoria
11 de xuño de 2011 – 13 de xuño de 2015 ← Patxi Lazcoz – Gorka Urtaran →
City councillor of Vitoria-Gasteiz ^(en)
4 de xullo de 1999 – 17 de outubro de 2016
Datos persoais
Educación	Universidade de Deusto Universidade de Navarra
Actividade
Ocupación	político, economista
Partido político	Partido Popular

Javier Ignacio Maroto Aranzábal, nado en Vitoria o 6 de xaneiro de 1972, é un político vasco, vicesecretario sectorial do Partido Popular. Foi o alcalde do concello de Vitoria entre 2011 e 2015.

Traxectoria

Tras cursar estudos no colexio San Viator da capital arabesa estudou Ciencias Económicas e Empresariais na Universidade de Deusto.

En 1999 formou parte da candidatura do PP para o concello de Vitoria, tras ter sido membro de Novas Xeracións de Áraba e tras a vitoria do Partido Popular na capital arabesa ocupou o cargo de tenente de alcalde e concelleiro delegado de Facenda, unha responsabilidade que desempeñaría nos oito anos de goberno do PP (1999-2007). Nesas dúas lexislaturas con Alfonso Alonso como alcalde, exerceu ademais como portavoz do Goberno, presidente da sociedade municipal Gilsa, encargada da xestión do solo industrial no municipio de Vitoria, e concelleiro responsable de Novas Tecnoloxías.

Javier Maroto nunha rolda de prensa no concello de Vitoria.

Desde 2008,^[1] Javier Maroto foi o voceiro do grupo municipal do PP no consistorio vitoriano, así como o seu responsable na área de Urbanismo.^[1][2] Tamén formou parte, como representante do Partido Popular, do consello da sociedade municipal Ensanche 21, encargada da expansión urbana da capital arabesa polas novas áreas de Salburúa e Zabalgana. Así mesmo, é o secretario de organización do Partido Popular en Áraba.

É un dos poucos políticos do Partido Popular que criticou publicamente a posición do Partido Popular sobre o matrimonio homosexual. O 5 de novembro de 2010 nunha entrevista ofrecida a Radio Vitoria opinou que "sería un erro eliminar a lei de matrimonios homosexuais".^[3]

Javier Maroto presentou o 23 de xuño de 2010 a súa candidatura á alcaldía de Vitoria para 2011, a cal gañou nas eleccións do 22 de maio. Foi investido alcalde o 11 de xuño de 2015.

Perdeu a alcaldía de Vitoria o 13 de xuño de 2015 en favor de Gorka Urtaran do PNV, a pesar de gañar as eleccións, debido a que os concelleiros de PNV, EH Bildu, Sumando-Hemen Gaude e Irabazi Gasteiz votaron polo candidato jeltzale.^[4]

O 18 de xuño de 2015 o Presidente nacional do Partido Popular Mariano Rajoy nomeouno Vicesecretario Sectorial, cargo de nova creación.^[5]

Notas

1. Europa Press, 3 de abril de 2008: Alonso abandonará el Ayuntamiento de Vitoria tras doce años y será substituído por Maroto como portavoz municipal
2. El Correo, 14 de decembro de 2008: Entrevista a Javier Maroto
3. "Populares Vitoria-Gasteiz". Arquivado dende o orixinal o 14 de maio de 2014. Consultado o 01 de xaneiro de 2013. 
4. Urtaran logra a alcaldía de Vitoria apoiado por EH Bildu, Podemos e Irabazi. Arquivado 17 de xullo de 2015 en Wayback Machine. El Correo, 13 de xuño de 2015.
5. Rajoy premia a Javier Maroto cun posto na dirección do PP nacional. Arquivado 17 de xullo de 2015 en Wayback Machine. El Correo, 18 de xuño de 2015.

Predecesor: Patxi Lazcoz	Alcalde de Vitoria 2011-2015	Sucesor: Gorka Urtaran
Predecesor: Non existía o cargo	Vicesecretario sectorial do Partido Popular 2015-actualidade	Sucesor: No cargo