Xerardo Fernández Albor

Xerardo Fernández Albor

Biografía
Nacemento	7 de setembro de 1917 Santiago de Compostela, España
Morte	12 de xullo de 2018 (100 anos) Santiago de Compostela, España
Lugar de sepultura	cemiterio de Boisaca
Eurodeputado
Representa: Partido Popular 19 de xullo de 1994 – 19 de xullo de 1999 Lexislatura: IV lexislatura do Parlamento Europeo Circunscrición electoral: España Electo en: eleccións ao Parlamento Europeo de 1994
Eurodeputado
Representa: Partido Popular 25 de xullo de 1989 – 18 de xullo de 1994 Lexislatura: III lexislatura do Parlamento Europeo Circunscrición electoral: España Electo en: eleccións ao Parlamento Europeo de 1989
1º Presidencia da Xunta de Galicia
22 de xaneiro de 1982 – 26 de setembro de 1987 ← Xosé Quiroga Suárez – Fernando González Laxe →
Deputado do Parlamento de Galicia
20 de outubro de 1981 – 25 de xullo de 1989 Circunscrición electoral: A Coruña Electo en: Eleccións ao Parlamento de Galicia de 1981
Datos persoais
Educación	Universidade de Santiago de Compostela Universidade de Salamanca
Actividade
Lugar de traballo	Estrasburgo Bruxelas
Ocupación	político, médico
Partido político	Alianza Popular Partido Popular
Familia
Irmáns	Agustín Fernández Albor
Premios
(2017)  Medalla de Ouro ó Merito no Traballo (2012)  Gran Cruz da Orde de Isabel a Católica (2009)  Medalla de Ouro de Galicia (1997)  Medalla Robert Schuman

Xerardo Fernández Albor, nado en Santiago de Compostela o 7 de setembro de 1917 e finado o 12 de xullo de 2018,^[1] foi un médico e político galego. Foi o primeiro presidente da autonomía Xunta de Galicia trala aprobación do estatuto de autonomía de 1981.

Traxectoria

Vida persoal

Os seus pais, Gerardo e Josefina, rexentaban o hotel Estrella en Santiago de Compostela.^[2]

En 1936, durante a guerra civil española, foi chamado a filas polo bando nacional. Foi enviado ás frontes de Brunete e Belchite cando xa estaban case pacificadas, e despois embarcou no buque Baleares, que abandonou antes do seu afundimento. En 1938, como alférez provisional, marchou a Alemaña a facer cursos de perfeccionamento de aviación coa Luftwaffe. A súa promoción, chamada 9ª bis, titulouse o 26 de febreiro de 1939.^[3]

Médico de profesión, participou no grupo Realidade Galega, formado por galeguistas históricos de tendencia conservadora.

Casou en xaneiro de 1952 con María Asunción Baltar Tojo, filla de Ramón Baltar Domínguez.^[4]

Tivo unha irmá, falecida en 2009^[5], e un irmán, o xurista Agustín Fernández Albor.

Vida política

Recibido por Felipe González no palacio da Moncloa (1985)

En 1981 encabezou como independente a lista de Alianza Popular para a Xunta de Galicia, converténdose no primeiro presidente da Xunta de Galicia elixido polo Parlamento de Galicia, para o que contou con Xosé Luís Barreiro Rivas, home forte de AP en Galicia. Tras ingresar en AP, Albor pasou a ocupar en marzo de 1983 a presidencia do partido en Galicia.

En 1984 explicou no Parlamento de Galicia o seu encontro en Portugal o 6 de xullo dese ano con contrabandistas e narcotraficantes galegos en Vila Nova de Cerveira.^[6][7]

O 30 de outubro de 1986 Barreiro, nunha xogada para conseguir a dimisión de Albor, e o resto dos seus conselleiros dimitiron nun aceno de apoio, agás os conselleiros do PDP e PL puxeron os seus cargos a dispor de Albor, quen non dimitiu e co apoio de Fraga mantívose como presidente con Mariano Rajoy como vicepresidente. En 1987 Barreiro marchou do partido, ingresou no grupo mixto e apoiou unha moción de censura do líder socialista Fernando González Laxe contra el, Fernández Albor deixou logo a presidencia, mantendo o escano ata 1989, ano no que foi elixido para o Parlamento Europeo, onde permaneceu até 1999.

Galardóns

Fillo adoptivo da Pobra do Caramiñal.^[8]

Notas

1. Redacción (12 de xullo de 2018). Sermos Galiza, ed. "Morre Fernández Albor, primeiro presidente da Galiza autonómica". Consultado o 12 de xullo de 2018. 
2. El Correo hace 25 años Arquivado 10 de xaneiro de 2018 en Wayback Machine., artigo en El Correo Gallego o 31 de marzo de 2009 (en castelán).
3. Fernández Santander, C. (2000). Alzamento e Guerra Civil en Galicia (1936-1939). Ediciós do Castro. 
4. El Correo gallego, 31-1-1952, p. 2.
5. "Pesar por la muerte de Josefina Fernández Albor". El Correo Gallego (en castelán). 26 de abril de 2009. Arquivado dende o orixinal o 27 de abril de 2009. Consultado o 26 de abril de 2009. 
6. Diario de Sesións do Parlamento de Galicia Arquivado 05 de abril de 2018 en Wayback Machine., 27 de novembro de 1984.
7. "Cando o Presidente da Xunta se reunía con contrabandistas fuxidos ao norte de Portugal". Praza Pública. 1 de marzo 2018. 
8. Maceiras: "Por mérito propio, Albor es ya pobrense ilustre" Arquivado 19 de xaneiro de 2012 en Wayback Machine., El Correo Gallego, 30/10/2010.

Véxase tamén

Wikimedia Commons ten máis contidos multimedia na categoría:  Xerardo Fernández Albor

Bibliografía

• "Fernández Albor, Gerardo". Enciclopedia Galega Universal. Ir Indo. 1999-2002. ISBN 84-7680-288-9. 
• Rodríguez-Polo, Xosé Ramón (2011): "Fernández Albor, Xerardo" en Diccionario Biográfico Español, Madrid: Real Academia da Historia.
• Rodríguez-Polo, Xosé Ramón (2009): O triunfo do galeguismo. Opinión pública, partidos políticos e comportamento electoral na transición autonómica. Madrid: Editorial Dykinson.
• Rodríguez-Polo, Xosé Ramón (2009): Ramón Piñeiro e a estratexia do galeguismo. Vigo: Xerais.

Ligazóns externas

• Galegos, da TVG.

Predecesor: Xosé Quiroga Suárez

Presidente da Xunta de Galicia  1981 - 1987

Sucesor: Fernando González Laxe