Saxum Plimmutense

Saxum Plimmutense, numero 1620 inscripto, annum subtiliter numerante cum Peregrinatores ex Mayflower in litus egressi essent.

Saxum Plimmutense[1] (Anglice Plymouth Rock) est locus ubi, secundum memoriam a maioribus traditam, Gulielmus Bradford et Peregrinatores qui Coloniam Plimmutam condiderunt ex Mayflower navi die 21 Decembris 1620 rite egressi sunt.[2] Nemo Peregrinator in scripturis hoc saxum commemoravit; prima quidem verba nota ex relatione ad saxum anno 1715 facta sunt, cum in tabulis finium oppidi quoddam saxum magnum (Anglice a great rock) nominaretur.[3] Prima affirmatio scripta, Saxum Plimmutense appulsum Peregrinatorum fuisse dicens, a Thoma Faunce Sene anno 1741 facta est, centum viginti unum annos postquam Peregrinatores in terram Plimmutensem advecti erant.[4]

Anno 1774, cum homines ad aream oppidanam Plimmutae oppidi hodierni transportare conarentur, saxum in dimidias partes fortuite diffissum est. Una pars in area oppidana manebat, sed ad Pilgrim Hall Museum anno 1834 motum est. Cum alia saxi parte iterum coniunctum est, quae in primo loco secundum oram Portus Plimmutensis iam anno 1880 iacebat. Saxum autem sub aulaeo granitis, a McKim, Mead & White societate architectorum designato, nunc iacet.

Notae

[recensere | fontem recensere]
  1. ↑ Fons nominis Latini desideratur (addito fonte, hanc formulam remove)
  2. ↑ "December 21, 1620: Pilgrims Come Ashore in Plymouth, MA" (PBS).
  3. ↑ Russell, 1.
  4. ↑ Thacher 1833: 30.

Bibliographia

[recensere | fontem recensere]
  • Arner, Robert. 1983. "Plymouth Rock Revisited: The Landing of the Pilgrim Fathers." Journal of American Culture 6, no. 4 (hiems): 25–35.
  • Briggs, Rose T. 1968. Plymouth Rock; history and significance. Plymouth Massachusettae: Pilgrim Society.
  • Bryson, Bill. 1998. Made In America. Black Swan. ISBN 9780552998055. Google Books.
  • Davis, Samuel. 1815. “Notes on Plymouth.” Massachusetts Historical Society Collections 3, series 2.
  • McPhee, John. 1990. “Travels of the Rock." The New Yorker, 26 Februarii 1990, 108–117. Editio interretialis.
  • Northrup, Dale. 1996. Frommer's New England 1996. Macmillan USA. OCLC 34328103.
  • Russell, Francis. 1962. "The Pilgrims and The Rock." American Heritage 13, no. 6 (October). Editio interretialis.
  • Seelye, John D. 1998. Memory's nation: the place of Plymouth Rock. Chapel Hill: University of North Carolina Press. ISBN 0807824151. Google Books.
  • Thacher, James. 1833.; History of the town of Plymouth: from its first settlement in 1620 to the year 1832. Bostoniae: Marsh, Capen & Lyon. OCLC 317695485. Google Books.
  • Twain, Mark. 1984. Plymouth Rock and the Pilgrims and other salutary platform opinions. Ed. cum praefatione et commentario a Charles Neider. Novi Eboraci: Harper & Row. ISBN 0060153539.
  • Willison, George F. (1964) 1981. Saints and strangers: being the lives of the Pilgrim Fathers and their families, with their friends and foes ; and an account of the posthumous wanderings in limbo, their final resurrection and rise to glory, and the strange pilgrimages of Plymouth Rock. Alexandriae Virginiae: Time-Life Books. ISBN 0809436345, ISBN 0809436353.

Nexus externi

[recensere | fontem recensere]
Vicimedia Communia plura habent quae ad Saxum Plimmutense spectant.