| Dudu Pukwana | |||
| Fødd | 18. juli 1938 | ||
|---|---|---|---|
| Fødestad | Walmer Township i Port Elizabeth i Sør-Afrika | ||
| Død | 30. juni 1990 (51 år) | ||
| Fødenamn | Mtutuzel Dudu Pukwana | ||
| Opphav | Sør-Afrika | ||
| Aktiv | 1970-åra – 1990 | ||
| Sjanger | Jazz, kwela | ||
| Instrument | Altsaksofon, tenorsaksofon, sopransaksofon, piano | ||
| Tilknytte artistar | Mongezi Feza, Johnny Dyani, Louis Moholo, Chris McGregor | ||
| Plateselskap | 77 Records, Vertigo, Virgin, Caroline, Affinity, ICP | ||
| Verka som | Musikar, komponist | ||
Mtutuzel Dudu Pukwana (18. juli 1938–30. juni 1990) var ein sørafrikansk saksofonist og komponist.
I 1962 vann Pukwana førsteprisen i Johannesburg Jazz Festival med Moyake's Jazz Giants. Tidleg i karrieren spelte han òg med Kippie Moeketsi. Chris McGregor inviterte han så til å bli med i Blue Notes der han spelte i lag med Mongezi Feza, Nikele Moyake, Johnny Dyani og Louis Moholo. Sidan grupper med blanda rase var ulovleg under apartheid,[1] vart The Blue Notes stadig plaga av styresmaktene, og dei flytta til Eurorpa i 1964, og spelte i Frankrike og Zürich, før dei til slutt slo seg ned i London. Etter The Blue Notes vart oppløyst seint i 1960-åra, vart Pukwana med i storbandet til McGregor, Brotherhood of Breath. Som komponist skreiv Pukwana «Mra, for The Brotherhood.
Han spelte så med Bob Stuckey Trio, og skipa så to grupper på eiga hand med Feza og Moholo. Det første var Assagai, eit afrorockband, og det andre var Spear, som spelte afrojazz.
Pukwana var òg studiomusikar og spelte på varierte innspelingar med artistar som Mike Heron, Centipede, Toots and the Maytals. I 1978 skipa Pukwana Jika Records og sitt eige band, Zila.
16. april 1990 deltok Pukwana på Nelson Mandela-hyllesta på Wembley stadion.[2] Han døydde i London av leversvikt[3] i juni 1990, ikkje lenger etter venen og kollegaen McGregor døydde.