Vadim Menkov
| Vadim Yuryevich Menkov | |
|---|---|
| Shaxsiy maʼlumotlari | |
| Jinsi | Erkak |
| Fuqaroligi |
 Oʻzbekiston |
| Tavallud sanasi |
12-fevral 1987-yil Nurafshon Oʻrta Chirchiq tumani |
| Sport | |
| Qaysi sport | Eshkak eshuv |
| Medallar | |
 | |
| Sport mukofotlari | ||
|---|---|---|
| Jahon chempionati | ||
| Oltin | Dartmut 2009 | С-1 1000m |
| Bronza | Poznan 2010 | С-1 500m |
| Oltin | Poznan 2010 | С-1 1000m |
| Bronza | Seged 2011 | С-1 1000m |
| Kumush | Duysbur 2013 | С-1 500m |
| Osiyo o‘yinlari | ||
| Oltin | Doha 2006 | С-1 1000m |
| Oltin | Guanchjou 2010 | С-1 1000m |
| Oltin | Inchxon 2014 | С-1 1000m |
| Oltin | Djakarta2018 | С-1 1000m |
Vadim Yuryevich Menkov ( 1987-yil 12-fevral, Oʻrta Chirchiq tumani) — o‘zbekistonlik kanoeda eshkak eshuvchi, 2005-yildan buyon O‘zbekiston milliy terma jamoasida ishtirok etib keladi. Ikkita yozgi Olimpiya o‘yinlari ishtirokchisi, jahon va Osiyo chempioni, to‘rt karra Osiyo o‘yinlari chempioni, mamlakat chempionatlarining ko‘p karra g‘olibi. O‘zbekiston Respublikasida xizmat ko‘rsatgan sportchi sanaladi[1].
Tarjimai hol
[tahrir | manbasini tahrirlash]Vadim Menkov 1987-yil 12-fevralda Toshkent viloyati, Oʻrta Chirchiq tumani, To‘ytepa shahrida tug‘iladi. U o‘n olti yoshida eshkak eshish bilan murabbiysi Aleksandr Ponomarev qo‘l ostida muntazam shug‘ullana boshlaydi.
U o‘zining ilk jiddiy muvaffaqiyatiga 2005-yilda Malayziyaning Putrajaya shahrida o‘tkazilgan Osiyo chempionatida bir nechta medallar, jumladan, ikkita oltin va ikkita kumush medal sohibi bo‘lganida erishgan. Oradan bir yil o‘tib, Vadim jahon Kubogida debyut qildi va Dohadagi Osiyo o‘yinlarida ikkita oltin va bronza medallarini qo‘lga kiritadi. Menkov yana bir yil o‘tgandan keyin, Osiyo chempioni bo‘ladi va Duysburgdagi jahon chempionatida ishtirok etadi va u yerda bir vaqtning o‘zida olti yo‘nalishda chiqish qiladi, biroq ularning birortasida ham sovrindorlar qatoridan joy ololmaydi.
Qator muvaffaqiyatli chiqishlari tufayli u 2008-yilda Pekindagi yozgi Olimpiya o‘yinlarida mamlakat sharafini himoya qilish huquqiga ega bo‘ladi. 500 va 1000 metrga kanoeda eshkak eshishning bir o‘rinli poygalarida ishtirok etadi. Birinchi holatda u faqat yarim final bosqichiga chiqa oldi, ikkinchisida esa finalda medallar uchun bellashsa ham, lekin so‘nggi bosqichda to‘rtinchi o‘rinni egalladi. Mavsum yakunida “O‘zbekiston Respublikasida xizmat ko‘rsatgan sportchi” faxriy unvoniga sazovor bo‘ladi[2] .
Olimpiadadan so‘ng Menkov O‘zbekiston milliy terma jamoasining asosiy tarkibida qoladi va yirik xalqaro musobaqalarda ishtirok etishda davom etadi. Shunga ko‘ra, 2009-yilda u Datrmutdagi jahon chempionatida oltin medalni qo‘lga kiritadi, bir o‘rinli kanoeda 1000 metr masofa bo‘yicha marraga birinchi bo‘lib yetib keladi[3], bundan tashqari, u jahon Kubogi kanoeda eshkak eshish bo‘yicha umumiy shaxsiy hisobda birinchi o‘rinni egalladi. Keyingi mavsumda Poznandagi jahon chempionatida u yana 1000 metr masofaga eshkak eshishda g‘olib chiqadi va 500 metr masofada bronza medaliga, shuningdek, Guanchjoudagi Osiyo o‘yinlarida yakka tartibdagi bir kilometr masofa dasturida eng yaxshi ishtirokchi bo‘lib, medallar kolleksiyasini oltin medal bilan to‘ldirdi. 2011-yilda Seged shahridagi jahon chempionatida u ming metr masofaga kanoeda eshkak eshish bo‘yicha jahon chempioni unvonini himoya qila olmaydi, biroq Menkov ushbu musobaqalardan bronza bilan qaytadi[4]. Shunga ko‘ra, jahon kubogining yakuniy reytingida u uchinchi qatordan joy egalladi.
Terma jamoa yetakchisi bo‘lib qolgan holda 2012-yilda Londondagi Olimpiya o‘yinlariga yo‘llanmani qo‘lga kiritadi, 200 metrga yakkalik sprint poygasida u taskin beruvchi “B” finaliga chiqdi va yakunda o‘ninchi o‘rinni, 1000 metr masofaga eshkak eshishda esa asosiy final "A" ga yetib, to‘rt yil oldingi natijani takrorlaydi, to‘rtinchi pog‘onani egallaydi[5]. 2013-yilda Duysburgda o‘tkazilgan jahon chempionatida yarim kilometr masofaga yugurishda kumush medalga sazovor bo‘lgan bo‘lsa[6], Samarqanddagi Osiyo uy chempionatida kanoeda eshkak eshishning 500 va 1000 metrga yakkalik bahslarida birdaniga ikkita oltin medalni qo‘lga kiritadi. Ayni vaqtda Vadim milliy terma jamoa a’zosi hisoblanadi.
Manbalar
[tahrir | manbasini tahrirlash]- ↑ {{{заглавие}}}.
- ↑ Татьяна Коваль. „Быть первым и не уступать“. Зеркало (2010-yil 25-avgust). 2014-yil 28-mayda asl nusxadan arxivlangan. Qaraldi: 2014-yil 27-may.
- ↑ 2009 Чемпионат мира по гребле на байдарках и каноэ
- ↑ Чемпионат мира по гребле на байдарках и каноэ 2011
- ↑ Анвар Ильясов. „Вадим Меньков остался за чертой призеров Олимпиады“. Газета.uz (2012-yil 8-avgust). 2014-yil 28-mayda asl nusxadan arxivlangan. Qaraldi: 2014-yil 27-may.
- ↑ Чемпионат мира по гребле на байдарках и каноэ 2013
Havolar
[tahrir | manbasini tahrirlash]- Vadim Menkov — Sports-Reference.com saytida Olimpiya o'yinlari statistikasi
- Vadim Menkov — yirik musobaqalardagi chiqishlar natijalari