Calatañazor

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Calatañazor
Municipio de Castiella y Leyón
Anvista de Calatañazor Anvista de Calatañazor.
Entidat  • Estau  • Comunidat  • Provincia  • Comarca	Municipio  Espanya  Castiella y Leyón Soria Comarca de Soria
Superficie	64,91 km²
Población  • Total	45 hab. (2013)
Altaria  • Meyana	990 m.
Distancia  • 33 km	enta Soria
Alcalde	Alfredo Pérez Fernández
Codigo postal	42193
Ríos	Milanos
Coordenadas	41°41’57’’N 2°49’ 3’’U
Calatañazor Calatañazor en Castiella y Leyón
Web oficial

Calatañazor ye un municipio d'a provincia de Soria (Castiella y Leyón), en a comarca de Soria y partiu chudicial de Soria.

A suya población ye de 66 habitants (2008), en una superficie de 64,91 km² y una densidat d'1,02 hab/km².

Cheografía

Calatañazor ye situato a 990 metros d'altaria dencima d'o ran d'a mar, a una distancia de 33 km d'a ciudat de Soria, a capital d'a suya comarca, partiu chudicial y provincia. Ye dencima d'un pueyo a o canto d'o río Milanos.

D'o termin municipal de Calatañazor fan parte os lugars d'Abioncillo de Calatañazor y Aldehuela de Calatañazor.

Etimolochía

O nombre d'o toponimo ye d'orichen arabe, Qalat al-Nusur (castiello d'o vueitre u d'o azor, seguntes versions, en aragonés). Seguntes Pancracio Celdrán, significa castiello d'a torre de guaita u castiello d'a tuca de l'alica.^[1]

Historia

O castiello de Calatañazor, con a suya torre de l'homenache.

Muit a man (a una distancia d'1 km) de Calatañazor yera situata a ciudat ibera de Voluce, en territorio d'os arevacos; seguntes o dito Itinerario d'Antonín, yera en l'antiga vía romana d'Astorga ta Zaragoza.^[1] Ye fácil que o lugar s'albandonase en os sieglos IV-V cuan as postrimerías d'as imbasions barbaras ta treslladar a población a o suyo lugar actual, mas protechito.

En o verán de 2002 bi abió en o lugar a batalla de Calatañazor. Seguntes a leyenda, ista batalla estió a causa d'a muerte d'Almanzor, o líder militar d'o Califato de Cordoba. Sindembargo, en realidat pareix que estió nomás una escaramuza sin muita importancia, que remató con a redota d'a retraguarda d'as tropas musulmanas. Encara que ye verdat que Almanzor morió en ista campanya militar, no morió por feridas en o campo de batalla, sino por una malautía, antis de plegar ta Medinaceli.

Dimpués d'a reconquiesta d'o lugar, Calatañazor fació parte d'a sinyoría de Padilla y, dende o sieglo XVII perteneixeba a os contes de Medinaceli.

Administración

L'ermita d'a Soledat, en Calatañazor.

Alcaldes

Lista d'alcaldes

Lechislatura	Nombre	Partiu politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011	Víctor Ondategui Rubio	Partido Socialista Obrero Español.

Molimentos

Carrera de Calatañazor.

Repuis d'a ilesia de Sant Chuan Baptista.

• Castiello de Calatañazor, d'os sieglos XIV-XV, construito dencima d'o antigo castiello musulmán. A suya torre de l'homenache tien elementos d'estilo gotico. Encara se puet veyer parte d'a suya muralla, y ye vesible o suyo foso.
• Ilesia de Nuestra Sinyora d'o Castiello u de Santa María d'o Castiello, l'actual ilesia parroquial. Ye un templo d'orichen romanico d'o sieglo XII,^[2] encara que nomás contina en piet d'ixas envueltas a suya paret occidental, con un oculo y a suya frontera. L'edificio tien nomás una nau, con una torre adosata. A suya capiella ye d'estilo gotico, d'o sieglo XVI, y tamién ye d'o sieglo XVI o suyo abside,^[2] encara que a nau y o coro son d'o sieglo XVIII. Conserva una pila baptismal d'estilo romanico, una talla d'o sieglo XV (o dito Cristo de Calatañazor) y un retablo d'o sieglo XVII en estilo barroco.
• Ermita d'a Soledat, d'estilo romanico. Ye construita por o mesmo mayestro que a ilesia de Santa María, que ye tamién autor d'a frontera d'a ilesia d'a Natividat d'a Virchen, en o lugar de Nafría la Llana, en o termin municipal de Golmayo.^[2] Ye un edificio d'o sieglo XII, encara que nomás son d'estilo romanico os suyos abside, presbiterio y frontera norte; a nau ye muit posterior, d'o sieglo XVII.^[3]
• Ilesia de Sant Chuan Baptista, d'estilo romanico, hue en runas. Bi ha nomás repuis d'a suya nau, abside y presbiterio.
• Sabinar de Calatañazor, un tarabinar con una superficie d'arredol de 30 hectarias. Ye protechita legalment dende 2000 con a suya declaración como Reserva Natural (Lei 9/2000 d'a Chunta de Castiella y Leyón).

Vinclos externos

• Se veigan as imáchens de Commons sobre Calatañazor.
• (es) "En Calatañazor, el románico Magister perdió el tambor...", en o blog LaberintoRomanico.blogspot.com, con muitas imáchens y comentarios sobre a ilesia de Santa María d'o Castiello.
• (es) "La Soledad" sonora... de Calatañazor en o blog LaberintoRomanico.blogspot.com, con muitas imáchens y comentarios sobre l'ermita d'a Soledat.
• (es) Calatañazor en Soria-goig.com.

Referencias

1. (es) Celdrán, Pancracio: Diccionario de topónimos españoles y sus gentilicios, Editorial Espasa Calpe, SA, Madrid, 2ª edición (chulio de 2003), pachina 184, ISBN 84-670-0146-1.
2. (es) "En Calatañazor, el románico Magister perdió el tambor...".
3. *(es) "La Soledad" sonora... de Calatañazor en o blog LaberintoRomanico.blogspot.com.

Municipios d'a comarca de Soria
Bayubas de Abajo | Bayubas de Arriba | Blacos | Calatañazor | Cidones | Cubo de la Solana | Fuentepinilla | Garray | Golmayo | Gormaz | Los Rábanos | Quintana Redonda | Quintanas de Gormaz | Rioseco de Soria | Soria | Tajueco | Tardelcuende | Torreblacos | Valdenebro | Valderrodilla | Velilla de la Sierra | Villaciervos