Televisión

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Televisión.

Torre de televisión.

A televisión (TV) ye un sistema de telecomunicación ta la transmisión y recullita d'imachens (en movimiento) y sonito a distancia.

Ista transmisión se puet fer a traviés d'ondas de radio u per rez especializatos de televisión per cordón. O receptor d'os sinyals ye lo televisor.

A palabra "televisión" ye un hibrido d'a voz griega Tele (distancia) y a latina visio (visión). O termin televisión se fa servir ta toz os aspectos de transmisión y programación de televisión. A vegadas s'alcorza como TV.

Historia

Primers desembolicos

As primeras prebatinas de transmitir imáchens a distancia se realizan por meyo d'a electricidat. Tamién s'aprofeita la caracteristica d'o selenio de que a suya resistividat varía seguntes a luz que li incide. As tecnicas basicas que se pretende emplegar son o mosaico de detectors de selenio y a exploración u barrido d'a imachen.

• 1884 - O estudiant alemán Paul Nipkow disenya y patenta o que ye considerato como primer traste de televisión d'a historia: o disco de Nipkow.
• 1897 - Karl Ferdinand Braun construye lo primer tubo catodico.
• 1900 - Perskyi creya la palabra "televisión" en a Exposición Universal de París.
• 1907 - O disenyo de Nipkow puede levar-se a cabo.
• 1911 Rosing y Zworykin creyan un sistema de televisión, con imáchens mui crudas y sin movimiento.
• 1923 – Vladimir Zworykin desembolican o iconoscopio, o primer tubo de cambra practico.
• 1926 – O chaponés Kenjito Takayanagi fa a primera transmisión de televisión emplegando un tubo de rayos catodicos.
• 1927 – Philo Farnsworth realiza en San Francisco a primera contrimuestra publica d'o suyo disector d'imachen, un sistema parellán a lo iconoscopio .
• 1927 – John Logie Baird transmite un sinyal 438 millas a traviés d'una linia de telefón entre Londres y Glasgow.
• 1928 – Baird Television Development Company transmite o primer siñal de televisión transatlantico entre Londres y Nueva York.
• 1929 – BBC transmite imáchens de 30 ringleras formatas mecanicament.
• 1932 – Venditos en Anglaterra 10.000 receptors de televisión con disco Nipkow de 30 ringleras.
• 1937 – Marconi - EMI comercializan un sistema de 405 ringleras de tot electrico.

O estudiant alemán Paul Nipkow desembolicó y patentó lo primer sistema de televisión electromecanico en 1884. O disco de Nipkow ye reconoixito como lo primer rasterizator d'imachen de televisión. De toz modos, no estió dica 1907 cuan o desembolique d'a tecnolochía de tubos d'amplificación facié lo disenyo practicable. Tanimientres, Constantin Perskyi creyó la palabra "televisión" en o texto leyito en o Congreso Internacional d'Electricidat mientres a Feria Internacional de París o 25 d'agosto de 1900. O texto de Perskyi revisaba las tecnolochías eletromagneticas existents, ementanto lo treballo de Nipkow y atros.

En 1911, Boris Rosing y lo suyo estudiant Vladimir Kosma Zworykin creyoron un sistema de televisión que realizaba lo barrido con un mirallo-tambor ta transmitir, en palabras de Zworykin, "imáchens mui crudas" a traviés d'o tubo electronico Braun (tubo de rayos catodicos) en o receptor. O movimiento d'as imáchens no yera posible perque en o escaneyato "a sensibilidat no yera prou y ra celula de selenio se ranzoniaba". Tiempo dimpués, Zworykin se'n estió ta treballar con RCA ta construir una televisión purament electronica, cual disenyo estió acusato cuantas vegadas de violar as patents de Philo Taylor Farnsworth. A solución decisiva, a d'una televisión operando sobre la base d'una emisión d'electrons contina con acabaladura y almadacenache d'eletrons secundarios fotatos mientres tot o ciclo de escaneyato, estió descrita per primera vegada per o inventor hongaro Kálmán Tihanyi en 1926, con una versión arrefinada que patentó en 1928.

O 25 de marzo de 1925, o inventor escocés John Logie Baird ofrió una contrimuestra d'a silueta d'una imachen televisata en o Selfridge's Department Store en Londres. Pero como la televisión se definiba como la transmisión d'imáchens vivas, en movimiento y con tonalidat, y no simplament siluetas, Baird archivó lo suyo prochecto en privato lo 2 d'octubre de 1925. Dimpués, Baird ofrió la primera contrimuestra publica d'o funcionamiento d'un sistema de televisión ta os miembros d'a Royal Institution y ta un periodista lo 26 de chinero de 1926 en o suyo laboratorio de Londres. Per contra d'os anteriors sistemas electronicos con bels cientos de ringleras de resolución, a imachen escaneyata verticalment per Baird, emplegando un disco guarnito con una dople religada de lentes, teneba nomás 30 ringleras, as chustas ta reproducir una cara humana reconoixible. En 1927, Baird transmitió una sinyal 438 millas a traviés d'una linia de telefón entre Londres y Glasgow.

En 1928, a empresa de Baird (Baird Television Development Company/Cinema Television) consiguió lo primer sinyal de televisión transatlantico entre Londres y Nueva York.

Vinclos externos

• Se veigan as imáchens de Commons sobre Televisión.