Arturas Paulauskas

Arturas Paulauskas
Minister of Environment ^(en) 31 xineru 2008 - 9 avientu 2008 Speaker of the Seimas ^(en) 12 xunetu 2004 - 11 abril 2006 ← Česlovas Juršėnas - Viktoras Muntianas → miembro del Seimas ^(es) 12 xunetu 2004 - 11 abril 2006 Presidente de Lituania 6 abril 2004 - 12 xunetu 2004 ← Rolandas Paksas - Valdas Adamkus → Speaker of the Seimas ^(en) 19 ochobre 2000 - 6 abril 2004 ← Vytautas Landsbergis - Česlovas Juršėnas → miembro del Seimas ^(es) Eleiciones: Eleventh Seimas of Lithuania ^(en)
Vida
Nacimientu	Vilnius[1], 23 d'agostu de 1953[2] (71 años)
Nacionalidá	Lituania
Estudios
Estudios	Universidá de Vilnius
Llingües falaes	lituanu
Oficiu	políticu, abogáu
Llugares de trabayu	Vilnius
Premios	ver Orde de les Trés Estrelles Orde de la Estrella Blanca de primer clas
Creencies
Partíu políticu	New Union (Social Liberals) ^(en)

Arturas Paulauskas (23 d'agostu de 1953, Vilnius) ye l'actual^[¿cuándo?] presidente (2004) del Parllamentu de la República de Lituania (o Seimas) y antiguu presidente interín del país tres la destitución del presidente Rolandas Paksas.

Biografía

Arturas Paulauskas nació'l 23 d'agostu de 1953 en Vilnius. Paulauskas efectuó estudios de Derechu na Universidá de Vilnius, diplomándose na mesma en 1976. Prosigue darréu una rápida carrera nel aparatu xudicial de la República Socialista Soviética de Lituania, que lu lleva a ocupar el cargu de procurador xeneral axuntu en 1987. Ye nomáu procurador xeneral en 1990, cargu qu'abandona en 1995 pa dar los sos primeros pasos na vida política dende 1997 xunto a la so mentor, el comunista renovador Algirdas Brazauskas, qu'entós yera'l presidente de la República.

Mientres les eleiciones presidenciales de 1998, Brazauskas decide dexar el so puestu y sofita a la so delfín Paulauskas, que se presenta na llista del LDDP. Paulauskas queda como vencedor na primer vuelta de les eleiciones, con casi'l 40% de los votos, anque ye ganáu por Valdas Adamkus, candidatu de centru derecha, nuna apertada segunda vuelta, col 49,69% frente al 50,31 % del so rival.

Paulauskas abandona'l LDDP pa fundar un nuevu partíu de centru izquierda, la Nueva Unión (Naujoji sąjunga (socialliberalai) o NS-SL) en 1998. Nes eleiciones llexislatives d'ochobre de 2000, la Nueva Unión de Paulauskas llogra'l segundu puestu por númberu de votos (19,6%), anque queda en tercer llugar pol númberu d'escaños llograos nel Seimas (29). Esta posición d'árbitru, xunto cola política d'aliances siguíes, dexen que Paulauskas seya escoyíu presidente del Seimas el 19 d'ochobre de 2000.

En teniendo llugar la destitución del presidente Rolandas Paksas por cuenta de graves casos de corrupción, el 6 d'abril de 2004, Paulauskas ye nomáu, siguiendo los preceptos constitucionales lituanos, presidente interín de Lituania, cargu que va ocupar hasta la eleición de Valdas Adamkus, el so antiguu adversariu, el 12 de xunetu de 2004.

Referencies

1. Afirmao en: Gemeinsame Normdatei. Data de consulta: 14 avientu 2014. Llingua de la obra o nome: alemán. Autor: Biblioteca Nacional d'Alemaña.
2. Afirmao en: Munzinger Personen. Identificador Munzinger: 00000023539. Data de consulta: 9 ochobre 2017. Apaez como: Arturas Paulauskas. Llingua de la obra o nome: alemán.

Enllaces esternos

• Wikimedia Commons acueye conteníu multimedia sobre Arturas Paulauskas.

Predecesor: Rolandas Paksas

Presidente de Lituania 6 d'abril – 12 de xunetu de 2004

Socesor: Valdas Adamkus