Cadel Evans
.jpg)
_BAR.svg){kind=small}
Cadel Evans (14 de febreru de 1977, Katherine) ye un ciclista australianu que compitió nes modalidaes de Carretera y monte.[2] Empezó compitiendo en ciclismu de monte, onde collechó dellos trunfos incluyendo dos Copes del Mundu. En 2001 dexó'l monte y pasóse a la carretera, principalmente pola diferencia d'ingresos ente dambes modalidaes.
Les sos victories más importante son les consiguíes nel Tour de Francia 2011 y el Campeonatu Mundial de Ciclismu en Ruta de 2009.[3] En monte ganó una medaya de plata nel Campeonatu Mundial de Ciclismu de Monte de 2001, na prueba de campu al traviés por relevos.[4] Evans ye unu de los 18 ciclistes que llograron podios nos trés Grandes Vueltes.
Medayeru internacional
[editar | editar la fonte]Ciclismu en ruta
[editar | editar la fonte]| Campeonatu Mundial | |||
|---|---|---|---|
| Añu | Llugar | Medaya | Competición |
| 2009 | Mendrisio ( Suiza)
|
|
Ruta |
Ciclismu de monte
[editar | editar la fonte]| Campeonatu Mundial | |||
|---|---|---|---|
| Añu | Llugar | Medaya | Competición |
| 2001 | Vail ( Estaos Xuníos d'América)
|
|
Campo al traviés por relevos |
Biografía
[editar | editar la fonte]
Dar a conocer nel Giro d'Italia de 2002, siendo líder de la carrera un día pero esmoreciendo nel Passo Coe, rematando nel 14º llugar.[5]
Darréu collechó grandes puestos d'honor, con una regularidá que-y dexó tar nel podiu del Tour de Francia de 2007, solo superáu en 23 segundos por Alberto Contador. Tamién este mesmu añu terminó 4º na Vuelta a España, superáu na penúltima etapa por Samuel Sánchez. Terminó 5º nos Campeonatu del Mundu de Stuttgart de 2007, llegando nel mesmu grupu que'l vencedor Paolo Bettini.
Foi campeón de la clasificación UCI Pro Tour 2007.
Na edición del 2008 del Tour de Francia, Evans nun consiguió llevase'l maillot mariellu al quedar segundu na clasificación xeneral detrás del español Carlos Sastre. L'australianu, que llegó a portar el maillot de líder nesta edición, nun consiguió recuperar el tiempu que tenía perdíu con al respective de Sastre (1:34 minutos) na postrera y decisiva contrarreló de 53 quilómetros. Compartió'l podiu de París col austriacu Bernhard Kohl y el ganador Sastre.
.jpg)
En 2009 tuvo un papel relevante na Vuelta a España faciendo podiu. Pudo ganar la ronda de nun ser por una pinchada que tardó más d'un minutu en ser reparáu en Monachil, perdiendo de vista al pelotón y llegando a meta solo. Darréu quitó-y a Ivan Basso el so tercer puestu na penúltima etapa, acompañando a Valverde y Samuel Sánchez nel podiu. El 28 de setiembre de 2009 Evans llogró faese col campeonatu del mundu en ruta apostáu en Mendrisio (Suiza), onde s'impunxo ante Aleksandr Kolobnev (plata) y Joaquim Rodríguez (bronce).
El 31 d'ochobre d'esi mesmu añu fixo valir una clausa del so contratu y anunció que dexaría'l so equipu.[6]
El 1 de payares del 2009 confírmase'l so fichaxe pol equipu ciclista BMC Racing Team de categoría Profesional Continental.[7]
Desque cuerre pal BMC Racing Team camuda'l so estilu de competir - bien conservador - a unu más agresivu, lo que-y reporta la victoria na Flecha Valona el 21 d'abril de 2010 y la séptima etapa del xiru. Darréu llega al Tour de Francia coles mires de ganalo, pero en vistiéndose de mariellu na octava etapa, una cayida na mesma provóca-y una fisura nel coldu, lo que-y torga defender el maillot y termina nel puestu 26.
Pal 2011 hipoteca la so temporada entera por un solu oxetivu: ganar el Tour. Participa en contaes competiciones solo con tal de llegar a xunetu en perfecta forma. Aun así impúnxose na Tirrenu-Adriáticu, onde amás gana la 6ª etapa, y tamién nel Tour de Romandía. Agregu a esto destaca'l segundu puestu nel Critérium du Dauphiné.
El 2 de xunetu empieza'l Tour de Francia en Pasu del Gois onde Cadel queda en segunda posición. Contra tou pronósticu, el so equipu, el BMC, fai un bon tiempu na contrarreló que trai como resultáu otra segunda posición. Evans imponse'l 4 de xunetu nel Mûr de Bretagne, ganando por centímetros a Alberto Contador. El 23 de xunetu, na penúltima etapa, quedó segundu na contrarreló, llogrando asina, superar al luxemburgués Andy Schleck na clasificación xeneral, pa ocupar la primer posición. Evans coronóse como campeón nos Campos Elíseos el 24 de xunetu de 2011, rompiendo la lleenda que diz que'l llega como líder al Alpe d'Huez va ser el ganador de la ronda francesa.
En 2012 repitió casi'l mesmu calendariu del añu anterior, pero los resultaos nun fueron los mesmos. Foi 32º na Tirrenu-Adriáticu y 29º nel Tour de Romandía. Tuvo una recuperación el Critérium del Dauphiné, pero nun s'afiguró nel Tour de Francia onde solo pudo ser séptimu.
Nel 2013 empieza preparando'l Giro onde queda terceru ensin dar batalla. Depués correría'l Tour de Utha. Nel 2014 empieza igual coles mires de ganar el xiru pero la decadencia nota se pon líder sacándo-y 57 segundos a Uran y 1.45 minutos a quintana a lo postrero vencedor de la carrera foi perdiendo tiempu en toles etapes con dificultaes a la fin quedó octavu a doce minutos de Nairo Quintana, amosando qu'esta caducáu .Depués participó na vuelta onde nun llegó nin a tar ente los 50 primeros.
El 26 de setiembre de 2014 anunció la so retirada del ciclismu qu'asocedió tres la disputa de la Cadel Evans Great Ocean Road Race en febreru de 2015, carrera creada esi añu como homenaxe al australianu y na que remató na quinta posición depués d'apostar diecisiete temporaes como profesional y con 37 años d'edá.[8]
Palmarés
[editar | editar la fonte]Ciclismu de monte
[editar | editar la fonte]- Victories en pruebes internacionales puntuables pal ranking UCI y podios en campeonatos y Copa del Mundu.
|
1997
1998
1999
|
2000
2001
|
Ruta
[editar | editar la fonte]|
1998 1999
2001
2002
2004
2005
2006
2007
2008
|
2009
2010
2011
2012
2013
2014
|
Resultaos en Grandes Vueltes y Campeonatos del Mundu
[editar | editar la fonte]Mientres la so carrera deportiva consiguió los siguientes puestos nes Grandes Vueltes y nos Campeonatu del Mundu en carretera. En 2000 nun corrió en nengún equipu profesional.
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | |
|---|---|---|---|---|---|---|---|---|---|---|---|---|---|---|---|---|
| Giro d'Italia | - | - | 14º | - | - | - | - | - | - | - | 5º | - | - | 3º | 8º | |
| Tour de Francia | - | - | - | - | - | 7º | 4º | 2º | 2º | 30º | 26º | 1º | 7º | 39º | - | |
| Vuelta a España | - | - | - | Ab. | 30º | - | - | 4º | - | 3º | - | - | - | - | 52º | |
Mundial en Ruta 
|
- | - | - | - | - | - | - | 5º | Ab. | 1º | 17º | - | - | Ab. | Ab. |
-:nun participa
Ab.: abandonu
Equipo
[editar | editar la fonte]Ciclismu de monte
[editar | editar la fonte]Carretera
[editar | editar la fonte]- Saeco-Cannondale (1999)[9]
- Saeco (2001)[10]
- Mapei (2002)
- Team Telekom/T-Mobile Team (2003-2004)
- Davitamon/Predictor/Silence-Lotto (2005-2009)
- BMC Racing Team (2010-2015)
Bibliografía
[editar | editar la fonte]- Ainara Hernando, Por amor al ciclismu. (Cultura Ciclista, 2014, ISBN 978-84-941898-9-0)
Referencies
[editar | editar la fonte]- ↑ «Australian Honours Search Facility» (inglés).
- ↑ «Cadel Evans» en Sports-Reference.com (SR/Olympic Sports) (n'inglés).
- ↑ «Cadel Evans» en The-Sports.org (n'inglés).
- ↑ «Cadel Evans» en The-Sports.org (n'inglés).
- ↑ [1]
- ↑ «Cadel Evans ruempe col Silence-Lotto». Consultáu'l 1 de payares de 2009.
- ↑ «El BMC Racing Team confirma'l fichaxe de Cadel Evans». Consultáu'l 2 de payares de 2009.
- ↑ Evans diz adiós: “El ciclismu diome muncho más de lo qu'esperaba” (Semeyes)
- ↑ Dende'l 1 de setiembre.
- ↑ Dende'l 11 d'abril.
Enllaces esternos
[editar | editar la fonte]- Cadel Evans – ProCyclingStats
Wikimedia Commons acueye conteníu multimedia sobre Cadel Evans.- Páxina web oficial Archiváu 2015-02-27 en Wayback Machine
- Ficha en sitiodeciclismo.net
- Ficha en cqranking.com
| Control d'autoridaes |
|
|---|
Datos: Q190919- Multimedia: Cadel Evans