F. Murray Abraham

F. Murray Abraham
Vida
Nacimientu	Pittsburgh[1], 24 d'ochobre de 1939[2] (85 años)
Nacionalidá	Estaos Xuníos
Estudios
Estudios	Universidá de Texas n'Austin Escuela Preparatoria El Paso ^(es) Universidá de Texas n'El Paso HB Studio ^(es)
Llingües falaes	inglés[3]
Profesor de	John Cale
Oficiu	actor de televisión, actor de cine, actor de xéneru, actor de teatru, actor
Emplegadores	Brooklyn College
Premios	ver Globu d'Oru al meyor actor dramáticu  : Amadeus Óscar al meyor actor  (1983) : Amadeus
Nominaciones	ver Óscar al meyor actor (6 febreru 1985): Amadeus Globu d'Oru al meyor actor de repartu de serie, miniserie o telefilme (2023): The White Lotus ^(es) [4]
Seudónimos	F. Murray Abraham
IMDb	nm0000719

Murray Abraham (24 d'ochobre de 1939, Pittsburgh), más conocíu como F. Murray Abraham, ye un actor de televisión, actor de cine, actor de xéneru, actor de teatru y actor d'Estaos Xuníos. Tien ascendencia siria y italiana, ganador de los premios Óscar y Globu d'Oru.

Biografía

Nació en Pittsburgh, Pennsylvania. Fíu de Josephine, una ama de casa, y Fahrid Abraham, un mecánicu de coches. El so padre yera un Ilesia asiria del Oriente cristianu asiriu, qu'emigró de Siria mientres la fame de 1920. El so güelu paternu foi un cantor na Ilesia Ortodoxa Siria. La madre de Abraham foi la fía d'un inmigrante italianu que trabayaba nes mines de carbón de Pennsylvania.

Abraham crióse en El Paso (Texas), cerca de la frontera con Méxicu, onde foi miembru d'una peada mientres la so adolescencia.

Dende 1962 ta casáu con Kate Hannan, con quien tien dos fíos.

Carrera

Estudió dos años nel Texas Western College (conocida na actualidá como la Universidá de Texas n'El Paso), onde recibió una mención especial de la sociedá d'honor del Alpha Psi Omega (ΑΨΩ), pola so interpretación en Comanche Eagle, mientres la temporada 1959-60.

Participó en delles obres universitaries y acabó viaxando a Nueva York pa especializase n'interpretación, teniendo como profesora a la prestixosa actriz Uta Hagen.

Debutó nel teatru profesional cola obra de Ray Bradbury, Remediu pa murnios, y adulces foi apaeciendo en series de televisión como Kojak y en cine, onde lo asitiaron dientro de la corriente de títulos encontaos nel conceutu de lliberalismu americanu, qu'entá taba vixente na primer metá de la década de 1970. Les sos apaiciones naquel periodu (Serpico (1973), The Sunshine Boys (1975) o Tolos homes del presidente (1976)), partíen d'esti modelu ideolóxicu.

Estos trabayos nun convirtieron a Abraham nun intérprete reconocíu pol gran públicu. Pero'l so trabayu na publicidá, onde amarutáu de recímanu d'uves participó nuna serie de spots de la marca de ropa interior masculina Fruit of the Loom, sí que llogró que los espectadores quedar cola so cara.

La so gran oportunidá llegaría-y de la mano de Miloš Forman con Amadeus, película pola que foi gallardoniáu col Óscar al meyor actor en 1984. Anque la película a priori remite a la figura del compositor Wolfgang Amadeus Mozart (interpretáu por Tom Hulce), el protagonismu ta compartíu con Antonio Salieri, músicu italianu que pasó la mayor parte de la so vida na Corte Imperial de Viena, pa la que foi compositor y Maestru de capiya, y que podría plaxar parte de la obra del autor.

La imaxe del músicu italianu qu'ufierta Abraham nun difier en demasía d'otra personalidá del sieglu XIV, l'inquisidor Bernardo Gui, al que da vida en El nome de la rosa (1986). Nel rodaxe d'esti filme empezó a llabrase fama d'actor difícil, el realizador Jean-Jacques Annaud definiólu como un actor egocéntricu que se consideraba más importante que naide porque él tenía un Óscar na so estantería. Nesi momentu, Sean Connery entá nun ganara'l suyu por The Untouchables. El nome de la rosa foi un ésitu pero acabó encasillando a Abraham nos personaxes siniestros. Un encasillamiento motiváu por un físicu bien concretu (raigaños sirioitalianas), del que, sicasí, supo esprendese na so aguada televisiva, como lo prueben les sos recreaciones d'Abraham Lincoln, Tommaso Buscetta, Cyrano de Bergerac o Al Capone.

Al marxe de los sos trabayos nel cine, Abraham llogró ésitos en teatru, actuando en producciones de la Royal Shakespeare Company y del Off-Broadway como A Life in the Theatre, Angels in America: A Gay Fantasia on National Themes, Tíu Vania, Un mes nel campu o El mercader de Venecia.

Los sos últimos trabayos fueron en series como Salvando a Grace (2009), Law & Order: Criminal Intent (2010), The Good Wife (2011, 2012, 2014), Blue Bloods (2012) o Homeland (2013). Esporádicamente trabayó nel cine, vímoslu en coproducciones españoles como The Bridge of San Luis Rey y En busca de la tumba de Cristu, y tamién n'italianes como Perestroika, Barbarossa o na cinta de Giancarlo Giannini, I Looked in Obituaries.

Amás de la so carrera como actor, F. Murray Abraham tamién ye profesor d'arte dramáticu nel Brooklyn College y na Universidá de Nueva York.

Filmografía parcial

• Serpico (1973)
• The Sunshine Boys (1975)
• El prisioneru de la segunda avenida (1975)
• The Ritz (1976)
• Tolos homes del presidente (1976)
• Marco Polo - TV (6 episodios, 1982-1983)
• Scarface (1983)
• Amadeus (1984)
• El nome de la rosa (1986)
• Un home inocente (1988)
• The Bonfire of the Vanities (1989)
• Más allá de les estrelles (1989)
• La roxura del vientu (1989)
• L'imperiu del mal (1991)
• The First Circle (1992)
• Cola arma a puntu (1992)
• Viaxe al corazón de la Tierra (1993)
• Last Action Hero (1993)
• Nostradamus (1994)
• Poderosa Afrodita (1995)
• Dillinger y Capone (1995)
• Fíos de la revolución (1996)
• Mimic (1997)
• Star Trek IX: insurrección (1998)
• Ester: la reina de Persia (1999)
• Excellent Cadavers (1999)
• Muppets from Space (1999) (Voz)
• Finding Forrester (2000)
• 13 pantasmes (2001)
• The Hire: Ticker, de Joe Carnahan (2002)
• Joshua (2002)
• Papa Rua Alguem 5555 (2002)
• La plaza de los cinco llunes (2003)
• The Bridge of San Luis Rey (2004)
• Demasiáu amor (Peperoni ripieni y pesci in faccia) (2004)
• En busca de la tumba de Cristu (2006)
• La guerra silenciosa (2006)
• BloodMonkey (2007)
• Carnera: The Walking Mountain (2008)
• Barbarossa (2009)
• Perestroika (2009)
• The Unseen World (2010)
• I Looked in Obituaries (2011)
• Goltzius and the Pelican Company (2011)
• September Eleven 1683 (2012)
• Inside Llewyn Davis (2013)
• La vengación del home muertu (2013)
• The Grand Budapest Hotel (2014)

Premios y nominaciones

Premiu Óscar

Añu	Categoría	Película	Resultáu
1984	Meyor actor	Amadeus	Ganador

Premios Globu d'Oru

Añu	Categoría	Película	Resultáu
1985	Meyor actor - Drama	Amadeus	Ganador

Premios BAFTA

Añu	Categoría	Película	Resultáu
1985	Meyor actor	Amadeus	Candidatu

Premios del Sindicatu d'Actores

Añu	Categoría	Película	Resultáu
2014	Meyor repartu	The Grand Budapest Hotel	Candidatu

Premios de l'Asociación de Críticos de Cine de Los Angeles (LAFCA Award)

Añu	Categoría	Película	Resultáu
1984	Meyor actor (ex aequo con Albert Finney)	Amadeus	Ganador

Premios de la Kansas City Film Critics Circle (KCFCC Award)

Añu	Categoría	Película	Resultáu
1984	Meyor actor	Amadeus	Ganador

Premios pola so trayeutoria

• En xunetu de 2004, mientres una ceremonia en Roma, foi gallardoniáu col "Premiu por gli Italiani nel Pulgo". Esti premiu ye distribuyíu pola Fundación Marzio Tremaglia y el gobiernu italianu a los emigrantes italianos y los sos descendientes que s'estremaren nel estranxeru.^[5]

Referencies

1. Afirmao en: Gemeinsame Normdatei. Data de consulta: 11 avientu 2014. Llingua de la obra o nome: alemán. Autor: Biblioteca Nacional d'Alemaña.
2. Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
3. Afirmao en: idRef. Identificador de referencia de idRef SUDOC: 074066722. Data de consulta: 1r mayu 2020. Editorial: Agencia Bibliográfica de Enseñanza Superior. Llingua de la obra o nome: francés.
4. URL de la referencia: https://www.vanityfair.fr/ecrans/article/golden-globes-2023-palmares-complet.
5. Error de cita: La etiqueta <ref> nun ye válida; nun se conseñó testu pa les referencies nomaes Premios

Enllaces esternos

• Wikimedia Commons acueye conteníu multimedia sobre F. Murray Abraham.
• F. Murray Abraham na Internet Movie Database (n'inglés)