John 'Dusty' King

John 'Dusty' King
Vida
Nacimientu Cincinnati, 11 de xunetu de 1909[1]
Nacionalidá Bandera de Estaos Xuníos d'América Estaos Xuníos
Llingua materna inglés
Muerte San Diego, 11 de payares de 1987[1] (78 años)
Estudios
Estudios Universidá de Cincinnati
Llingües falaes inglés
Oficiu actor, actor de cine, cantante
Instrumentu musical voz
IMDb nm0454878
Cambiar los datos en Wikidata

John 'Dusty' King (11 de xunetu de 1909, Cincinnati – 11 de payares de 1987, San Diego) foi un cantante y actor cinematográficu renombráu poles sos interpretaciones nel xéneru western, particularmente les que fizo pa la serie Range Busters.

Biografía

[editar | editar la fonte]

El so verdaderu nome yera Miller McLeod Everson, y nació en Cincinnati, Ohio. Graduáu na Universidá de Cincinnati, Everson viaxó pel país trabayando en distintes ocupaciones, tales como conductor de vehículos dende Detroit a Cincinnati, lleñador en Nuevu Méxicu, y como peón nun ranchu d'Arizona.[2]

Everson atopó ocupación como llocutor radiofónicu en Covington, Kentucky, volviendo dempués a Cincinnati, onde foi llocutor, presentador y cantante. En oyéndo-y na radio, el líder de banda Ben Bernie contratólu como cantante, adoptando Everson a partir d'entós el nome artísticu de John King. Notando la so popularidá y el so talentu, Bernie encamentó-y viaxar a Hollywood.

King foi contratáu por Universal Pictures, rodando pa la mesma dellos filmes y faciendo el papel principal del serial Ace Drummond. Fixo tamién diverses interpretaciones pa otros estudios hasta formar parte de Monogram Pictures, compañía pa la cual encarnó en 1939 al personaxe principal nun western en Cinecolor, The Gentleman from Arizona.

Al añu siguiente King sería "Dusty" na serie de westerns de The Range Busters. The Range Busters yeren la versión de Monogram del serial de Republic Pictures tituláu The Three Mesquiteers. King interpretaba al cowboy cantante, y taba acompañáu por Ray "Crash" Corrigan, darréu reemplazáu por Dave Sharpe, y por Max Terhune, esti postreru actuando xunto a un moñecu de ventriloquia, Elmer.

En Haunted Ranch (1943), el personaxe de Sharpe abandona'l tríu p'apuntase nel Exércitu de los Estaos Xuníos mientres la Guerra d'España y Estaos Xuníos. Na realidá, non yá apuntóse Sharpe nes Fuercies Aérees del Exércitu de los Estaos Xuníos, sinón que'l mesmu King foi reclutado por elles mesmes cumpliendo Servicios Especiales en Arizona.

En llicenciándose, nun recibió ufiertes cinematográfiques, polo que King decidió volver a la radio, adquiriendo más palantre una emisora. Finalmente abandonó'l negociu radiofónicu y montó una tienda de donuts en La Jolla (San Diego), California.

John 'Dusty' King finó en San Diego (California) en 1987.

Referencies

[editar | editar la fonte]
  1. ↑ 1,0 1,1 Afirmao en: SNAC. Identificador SNAC Ark: w6f61nqk. Apaez como: John 'Dusty' King. Data de consulta: 9 ochobre 2017. Llingua de la obra o nome: inglés.
  2. ↑ p.714 Rainey, Buck Serial Film Stars: A Biographical Dictionary 1912-1956 2005 McFarland

Enllaces esternos

[editar | editar la fonte]