Robert Duvall (5 de xineru de 1931, San Diego) ye un actor y direutor de cine d'Estaos Xuníos, ganador d'un Premiu Óscar al meyor actor en 1983, un Premiu Emmy y cuatro premios Globu d'Oru, amás d'otros importantes premios.
Considérase-y como unu de los meyores actores vivos de Hollywood , xunto a otros actores estauxunidenses de la talla de Robert De Niro, Jack Nicholson, Dustin Hoffman, Al Pacino, Gene Hackman, Morgan Freeman, Anthony Hopkins, Clint Eastwood, Warren Beatty, Robert Redford o William Hurt ente otros.
Duvall nació en San Diego, California. El so padre, William Howard Duvall, foi almirante na Armada de los Estaos Xuníos, procedente d'una familia de raigaños franceses; la so madre foi una actriz aficionada descendiente del xeneral Robert E. Lee. El so padre yera metodista y la so madre foi miembru de la Ciencia Cristiana; creciendo so la influencia d'esta postrera, practicándola hasta anguaño.
Creció nuna redolada familiar marcadamente militar, viviendo mientres un tiempu n'Annapolis, Maryland, cerca de l'Academia Naval de los Estaos Xuníos. Sirvió nel Exércitu de los Estaos Xuníos dende'l 19 d'agostu de 1953 hasta'l 20 d'agostu de 1954, algamando'l rangu de soldáu de primera y reconocíu cola Medaya al Serviciu de la Defensa Nacional.
Darréu, estudió interpretación na Neighborhood Playhouse School of Theatre de Nueva York baxu tutelar de Sanford Meisner. Nesi tiempu tuvo trabayando nuna oficina de correos de Manhattan como oficinista, yá que abandonó a los seis meses. Duvall aseguró qu'él nun quería trabayar nel mesmu sitiu mientres venti años.
Ye amigu de los actores Dustin Hoffman y Gene Hackman, a los que conoz dende los sos empiezos nel mundu de la interpretación.
Duvall casóse cuatro veces:
En 2004 cásase cola actriz arxentina Luciana Pedraza, con quien convivía dende 1996.
Duvall fala español con fluidez y tien el so llar nel estáu de Virxinia Occidental.
El so debú nel mundu de cine foi nel papel de Boo Radley na famosa película To Kill a Mockingbird (Matar a un ruiseñor, 1962), protagonizada por Gregory Peck y gallardoniada con trés Premiu Óscar.
Nos años siguientes participó n'otres películes yá clásiques, como The Chase y Bullitt, pero'l so verdaderu saltu a la fama foi cuando interpretó al personaxe de Tom Hagen nes maxistrales The Godfather (1972) y The Godfather Part II (1974).
Foi candidatu al Óscar al meyor actor de repartu pola película A Civil Action y pol so papel de Coronel Kilgore en Apocalypse Now (1979). Tamién foi candidatu al Óscar, pero na categoría d'meyor actor por El Gran Santini, tamién conocida como The Great Santini, (1980) y The Apostle (1997) y ganar en 1983 pol so papel en Tender Mercies.
Rodó películes tamién como direutor. En 1997, dirixó The Apostle, película que narra la hestoria d'un predicador que fuxe de la llei, y en 2002 Assassination Tango, un thriller sobre una de les sos aficiones favorites, el tangu.
Foi premiáu cola Medaya Nacional de les Artes en 2005 y recibió la estrella nel Paséu de la Fama de Hollywood el 18 de setiembre de 2003.
Añu | Categoría | Película | Resultáu |
---|---|---|---|
2015 | Meyor actor de repartu | The judge | Candidatu |
1998 | Meyor actor de repartu | A Civil Action | Candidatu |
1997 | Meyor actor | The Apostle | Candidatu |
1983 | Meyor actor | Tender Mercies | Ganador |
1980 | Meyor actor | The Great Santini | Candidatu |
1979 | Meyor actor de repartu | Apocalypse Now | Candidatu |
1972 | Meyor actor de repartu | The Godfather | Candidatu |
Añu | Categoría | Película | Resultáu |
---|---|---|---|
2015 | Meyor actor de repartu | The judge | Candidatu |
2007 | Meyor actor - Miniserie o telefilme | Broken Trail | Candidatu |
1998 | Meyor actor de repartu | A Civil Action | Candidatu |
1993 | Meyor actor - Miniserie o telefilme | Stalin | Ganador |
1990 | Meyor actor - Miniserie o telefilme | Lonesome Dove | Ganador |
1984 | Meyor actor - Drama | Tender Mercies | Ganador |
1980 | Meyor actor de repartu | Apocalypse Now | Ganador |
Añu | Categoría | Película | Resultáu |
---|---|---|---|
1979 | Meyor actor de repartu | Apocalypse Now | Ganador |
1978 | Meyor actor de repartu | Network | Candidatu |
1973 | Meyor actor de repartu | The Godfather | Candidatu |
Añu | Categoría | Película | Resultáu |
---|---|---|---|
1998 | Meyor actor de repartu | A Civil Action | Ganador |
1996 | Meyor actor de televisión - Miniserie o telefilme | The Man Who Captured Eichmann | Candidatu |
Añu | Categoría | Resultáu |
---|---|---|
2003 | Premiu Donostia | Ganador |