Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
The Bangles | ||
---|---|---|
Orixe | Estaos Xuníos | |
Xéneru(os) | rock alternativu | |
Sellu discográficu | I.R.S. Records (es) , Columbia Records y Sony Music Latin | |
Miembros | ||
Michael Steele, Susanna Hoffs, Debbi Peterson y Vicki Peterson | ||
Enllaces esternos | ||
Sitiu web oficial | http://www.thebangles.com/ | |
Discogs | 124489 | |
thebangles | ||
IMDb | nm1692733 | |
[editar datos en Wikidata] |
The Bangles ("Les Bangles") ye un grupu de rock de los Estaos Xuníos. Foi xunto con The Go-go's ún de los primeros grupos de rock formaos esclusivamente por muyeres, nos comienzos de los años 80 del sieglu XX.
Les sos componentes son Susanna Hoffs (voz/guitarra), Vicki Peterson (guitarra/voz), Debbi Peterson (voz/batería) y Annette Zilinskas (voz/baxu), toes con aniciu en California, EE.XX..
Esta formación grabó un 45, "Getting out of Hand" b/w "Call on Me". Annette Zilinskas convirtióse na baxista de magar 1982, arriendes de tocar l'armónica. Con Ziliniskas, grabaren un L.P. (llarga duración) tituláu The Bangles, en 1982. Por embargo, Zilinskas dexó'l grupu en 1983 y reemplazóla Michael Steele, qu'enantes tocaba con The Runaways.
L'álbum debut de The Bangles col sellu Columbia Records, All Over The Place (del añu 1984) llogró captar les raíces pop del grupu, y captó l'atención de Prince, qu'escribió "Manic Monday", que llegó al #2 n'Estaos Xuníos con segundu llarga duración: Different light.
Falárase d'una posible rellación ente Prince y Susanna pero ésta desmintiéralo.
L'álbum Different Light (1986) taba meyor acabáu que'l so predecesor, y cola axuda del #1 "Walk like an Egyptian", la banda establecióse con bon éxitu nes radios FM y en MTV.
Depués, alcanzaron el #2 cola versión de Simon y Garfunkel, "Hazy Shade of Winter", incluyida na banda sonora de la película Less Than Zero, y nel recopilatoriu "Grandes éxitos".
El so trabayu de 1988 tituláu Everything foi otru éxitu multi-platín, qu'incluyía'l so cenciellu de mayor venta, "Eternal Flame", pero les rellaciones de trabayu ente les integrantes del grupu deterioráronse, y el grupu dixebró depués d'esti álbum. Susanna Hoffs empezó una carrera en solitariu, y Vicki Peterson salió de xira con The Go-Go's y Continental Drifters.
Nel 2000, xuntáronse otra vuelta pa salir de xira, y en 2001-2002, grabaron un álbum nuevu, Doll Revolution. Un cover de "Eternal Flame" fechu por Atomic Kitten qu'algamó'l #1 n'Inglaterra nel 2001. Doll Revolution, con canciones como "Stealing Rosemary", "Ride the Ride", "Nickel Romeo", y el single "Something That You Said", asoleyóse a entamos del 2003. El cantar Doll Revolution taba escritu por Elvis Costello. La versión xaponesa del discu presenta canciones adicionales.
En mayu del 2005, The Bangles anunciaron la partida de Michael Steele. La banda nun anunció planes pa reemplazala.
El grupu xubió al Salón de la Fama de Grupos Vocales nel 2000.
Añu cuando asoleyó | Títulu |
---|---|
1981 | Bangles |
1982 | Bangles |
1984 | All over the place |
1985 | Different light |
1988 | Everything |
1990 | Greatest hits |
1995 | September gurls |
2000 | Super hits |
2001 | Eternal flame |
2003 | Doll Revolution |
Añu | Títulu | Posición | Álbum | ||||
EXA Hot 100 | EXA rock modernu | EXA rock popular | Inglaterra | ||||
1981 | "Getting Out Of Hand" | - | - | - | - | - | |
1983 | "The Real World" | - | - | - | - | The Bangles | |
1984 | "Hero Takes A Fall" | - | - | - | - | All Over The Place | |
1985 | "Going Down To Liverpool" | - | - | - | - | All Over The Place | |
1985 | "Manic Monday" | 2 | - | - | 3 | Different Light | |
1986 | "If She Knew What She Wants" | 29 | - | - | 31 | Different Light | |
1986 | "Going Down To Liverpool (rellanzamientu)" | - | - | - | 56 | All Over The Place | |
1986 | "Walk Like An Egyptian" | 1 | - | - | 3 | Different Light | |
1987 | "Walking Down Your Street" | 11 | - | - | 16 | Different Light | |
1987 | "Following" | - | - | - | 55 | Different Light | |
1987 | "Hazy Shade Of Winter" | 2 | - | - | 11 | Soundtrack de la película Less Than Zero | |
1988 | "In Your Room" | 5 | - | - | 35 | Everything | |
1988 | "Eternal Flame" | 1 | - | - | 1 | Everything | |
1989 | "Be With You" | 30 | - | - | 23 | Everything | |
1988 | "I'll Set You Free (remix)" | - | - | - | 74 | Everything | |
1990 | "Everything I Wanted" | - | - | - | - | Greatest Hits | |
1990 | "Walk Like An Egyptian (remix)" | - | - | - | 75 | Greatest Hits | |
1990 | "The Eternal Mix" | - | - | - | - | Everything | |
2003 | "Something That You Said" | - | - | - | 38 | Doll Revolution | |
2003 | "Tear Off Your Own Head" | - | - | - | - | Doll Revolution |
|
2003 | "I Will Take Care Of You " | - | - | - | - | Doll Revolution |
The Bangles son suxetu d'un irreverente tributu de The Saw Doctors, tituláu "I'd Love to Kiss the Bangles".