Wendy Schaal

Wendy Schaal
Vida
Nacimientu	Chicago, 2 de xunetu de 1954[1] (70 años)
Nacionalidá	Estaos Xuníos
Familia
Padre	Richard Schaal
Oficiu	artista, actriz de voz, actriz de cine
IMDb	nm0769446

Wendy Schaal (2 de xunetu de 1954, Chicago) ye una actriz d'Estaos Xuníos, conocida por emprestar la so voz al personaxe de Francine Smith na serie animada, American Dad.

Biografía

Nació na ciudá de Chicago, Illinois, siendo fía del tamién actor Richard Schaal y de Lois Treacy. El so padre casóse nuevamente en 1965 cola actriz Valerie Harper, de la que se divorció en 1978, Schaal foi por tanto fiyasca de Harper mientres esi tiempu.^[2] Wendy Schaal tuvo casada ente 1977 y 1987 con Stephen M. Schwartz, col que tuvo dos fíos: Victor Schwartz y Adam Schwartz.

Ente los sos papeles pal cine alcuéntrase Creature, na qu'interpretaba a Beth Sladen, una astronauta que tenía d'enfrentase a un peligrosu estraterrestre. Na repartida d'esta película tamién s'atopaba l'actor alemán Klaus Kinski.^[3] En televisión foi vista en series como MacGyver o Xulgáu de guardia (Night Court) o Northern Exposure. Sicasí, lo que la fixo especialmente popular ye'l so trabayu como actriz de voz pa la serie American Dad creada por Seth MacFarlane; Schaal emprestó la so voz pa más de cientu cincuenta episodios d'esta producción animada.^{[4][nota 1]}

Desempeñó un papel activu dientro del Screen Actors Guild, sindicatu qu'arrexunta a los actores d'Estaos Xuníos.

Schaal nel Comic Con en San Diego en 2010

Filmografía

• Esta tierra ye la mio tierra (1976)
• Fantasy Island (TV) (1978) como Julie
• It's a Living (TV) (1980-1981) como Vicki Allen
• AfterMASH (TV) (1983)
• Where the Boys are '84 (1984)
• Fatal Vision (TV) (1984)
• Creature (1985) como Beth Sladen
• Llobu del Aire (TV) (1986)
• MacGyver (TV) (1986)
• Innerspace (1987)
• Munchies (1987)
• Batteries not included (1987)
• Night Court (TV) (1988)
• The Burbs (1989)
• Northern Exposure (TV) (1992) como Tammy
• My Girl 2 (1994)
• Out There (1995)
• Friends (TV) (1997)
• Star Trek: Voyager (TV) (1997)
• Small Soldiers (1998)
• Six Feet Under (TV) (2001)
• American Dad (TV) (2005-presente) voz de Francine Smith
• Family Guy (TV) (2010) voz de Francine Smith

Ver tamién

• American Dad

Referencies

1. Afirmao en: Internet Movie Database. Identificador IMDb: nm0769446. Data de consulta: 11 xunetu 2016. Llingua de la obra o nome: inglés.
2. http://www.filmreference.com/film/10/Wendy-Schaal.html
3. https://www.imdb.com/title/tt0088961/
4. https://www.imdb.com/name/nm0769446/

Notes

1. A fecha de xineru de 2014.

Enllaces esternos

• https://www.imdb.com/name/nm0769446/ Ficha en IMDb