Біенале ў Вэнэцыі

Біенале ў Вэнэцыі (па-італьянску: Biennale di Venezia) — самая вядомая ў сьвеце біенале мастацтваў, якая праходзіць у Вэнэцыі пачынаючы з 1895 году.

Гісторыя

Першапачаткова выстава дэкаратыўнага мастацтва Італіі. З 1907 — міжнародная. З 1930 патранаж выставы пераходзіць ад муніцыпалітэту да ўраду Італіі.

У 1930 у межах біенале заснаваны Фэстываль музыкі, у 1932 — Міжнародны фэстываль кіно, у 1934 — Тэатральны фэстываль.

З 1968 спынена правядзеньне пэрсанальных, а праводзяцца тэматычныя выставы.

У 1975 заснавана Міжнародная выстава архітэктуры.

Удзел беларускіх мастакоў

24 Біенале 1948.

• Марк Шагал (прадстаўляў Францыю; гран-пры ў разьдзеле графікі за афорты да «Мёртвых душаў» Мікалая Гогаля)

49 Біенале 2001.

• Лявон Тарасевіч (прадстаўляў Польшчу)

51 Біенале 2005. Беларусь прадстаўлена ўпершыню. Існаваў нацыянальны павілён.

Мастакі:

• Ізраіль Басаў
• Руслан Вашкевіч
• Сяргей Войчанка
• Андрэй Задорын
• Натальля Залозная
• Тамара Сакалова
• Леанід Хобатаў
• Ігар Цішын
• Уладзімер Цэсьлер
• Валеры Шкаруба

Камісар: Энца Фарнара.

Куратары: Энца Фарнара, Ларыса Міхневіч, Натальля Шаранговіч.

54 Біенале 2011.

Мастакі:

• Віктар Пятроў,
• Артур Клінаў,
• Дзяніс Скварцоў
• Канстанцін Касцючэнка

Куратар: Міхась Баразна^[1].

Крыніцы

1. Свірын, І. Радок у CV: Венецыянская біенале // Культура : газэта. — 2011. — № 5 (977).

Вонкавыя спасылкі

Біенале ў Вэнэцыі — сховішча мультымэдыйных матэрыялаў

• Афіцыйная старонка