Дымітрыс Мітропулас

Дымітрыс Мітропулас
Δημήτρης Μητρόπουλος
Асноўная інфармацыя
Дата нараджэння	18 лютага (1 сакавіка) 1896[1]
Месца нараджэння	Афіны, Афіны^[d], Цэнтральныя Афіны^[d], Атыка^[d], Грэцыя[4]
Дата смерці	2 лістапада 1960(1960-11-02)[1][2]^[…] (64 гады)
Месца смерці	Мілан, правінцыя Мілан^[d], Ламбардыя, Італія[3]
Месца пахавання	Першыя афінскія могілкі^[d]
Краіна	Грэцыя, ЗША
Альма-матар	Брусельская кансерваторыя Афінская кансерваторыя^[d][5] Varvakeio^[d]
Месца працы	Berlin State Opera^[d] Аркестр Мінесоты^[d] Нью-Ёркскі філарманічны аркестр^[d]
Музычная дзейнасць
Педагог	Armand Marsick^[d] і Paul Gilson^[d]
Прафесіі	дырыжор, піяніст, кампазітар
Інструменты	фартэпіяна і арган^[d]
Жанры	акадэмічная музыка
Выхаванцы	Claudio Scimone^[d]
Грамадская дзейнасць
Член у	Усягрэчаскі саюз музыкантаў^[d] Friends of Music Society^[d]
Аўтограф
Медыяфайлы на Вікісховішчы

У Вікіпедыі ёсць артыкулы пра іншых людзей з імем Дымітрыс.

У Вікіпедыі ёсць артыкулы пра іншых асоб з прозвішчам Мітропулас.

Дымітрыс Мітро́пулас (грэч. Δημήτρης Μητρόπουλος; 18 лютага (1 сакавіка) 1896, Афіны — 2 лістапада 1960, Мілан) — грэчаскі і амерыканскі дырыжор, піяніст , кампазітар. Член-карэспандэнт Афінскай АН (1933).

Біяграфія

Музычная адоранасць Мітропуласа выявілася ў малалецтве, калі з 11 да 14 гадоў ён праводзіў у сябе дома кожную суботу музычныя сходы. Да гэтага часу адносіцца яго першае сачыненне — саната для скрыпкі і фартэпіяна (не захавалася).

З 1908 года вучыўся ў Афінскай кансерваторыі, у 1920 годзе ўдасканальваўся ў Бруселі ў П. Жыльсона, у 1921—1924 гадах у Берліне ў Феруча Бузоні. У 1921—1925 гг. быў асістэнтам дырыжора Берлінскай оперы Эрыха Клайбера. З 1924 выступаў як дырыжор.

У далейшым займаў шэраг музычных пасад у Грэцыі, працягваючы часта выступаць у Германіі. У 1930 г. на канцэрце з Берлінскім філарманічным аркестрам выканаў 3-і фартэпіянны канцэрт С. Пракоф'ева, адначасова дырыжуючы з-за клавіятуры, — практыка, звычайная для старадаўняга музіцыравання і даволі нечаканая для гэтага часу.

У 1936 г. Мітропулас упершыню выступіў у ЗША з Бостанскім аркестрам і ў канцы 1930-х гг. фактычна перасяліўся ў Амерыку, атрымаўшы грамадзянства ў 1946 г. У 1937—1949 гг. ён быў галоўным дырыжорам Мінеапаліскага сімфанічнага аркестра. У 1950—1958 гадах галоўны дырыжор Нью-Ёркскага філарманічнага аркестра. Адначасова з 1954 г. і да самай смерці Мітропулас кіраваў аркестрам нью-ёркскай «Метраполітэн-опера».

Творчасць

Выступаў як оперны дырыжор у буйнейшых тэатрах свету, у т.л. «Метраполітэн-опера», «Ла Скала» і інш., кіраваў пастаноўкамі твораў В. А. Моцарта, Дж. Вердзі, Дж. Пучыні, М. Равеля, Д. Міё, П. Чайкоўскага, М. Мусаргскага і інш. Аўтар оперы «Сястра Беатрыса» (паст. 1920), сімфанічнай паэмы «Пахаванне» (1916), Concerto grosso (1929), камерна-інструментальных ансамбляў, музыкі да драматычных спектакляў і інш.

Ушанаванне памяці

З 1963 года ў Нью-Ёрку праводзяцца конкурсы маладых дырыжораў імя Мітропуласа.

Зноскі

1. Dimitri Mitropoulos // Encyclopædia Britannica Праверана 9 кастрычніка 2017.
   <a href="https://wikidata.org/wiki/Track:Q5375741"></a>
2. Dimitri Mitropoulos // Brockhaus Enzyklopädie
   <a href="https://wikidata.org/wiki/Track:Q237227"></a>
3. Deutsche Nationalbibliothek Record #119293943 // Агульны нарматыўны кантроль — 2012—2016. Праверана 31 снежня 2014.
   <a href="https://wikidata.org/wiki/Track:Q27302"></a><a href="https://wikidata.org/wiki/Track:Q36578"></a>
4. Deutsche Nationalbibliothek Record #119293943 // Агульны нарматыўны кантроль — 2012—2016. Праверана 13 снежня 2014.
   <a href="https://wikidata.org/wiki/Track:Q27302"></a><a href="https://wikidata.org/wiki/Track:Q36578"></a>
5. https://www.eens.org/EENS_congresses/2014/charkiolakis_alexandros.pdf

Літаратура

• Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).

Спасылкі

• На Вікісховішчы ёсць медыяфайлы па тэме Дымітрыс Мітропулас