Ежы Папялушка

Ежы Папялушка
польск.: Jerzy Popiełuszko
Блажэнны бацька Ежы Папялушка
Дата нараджэння	14 верасня 1947(1947-09-14)[1][2]^[…]
Месца нараджэння	Акопы^[d], Гміна Сухаволя, Сакульскі павет, Падляскае ваяводства, Польшча[3]
Дата смерці	19 кастрычніка 1984(1984-10-19)[4][1]^[…] (37 гадоў)
Месца смерці	Улацлавак, Улацлаўскае ваяводства, Польская Народная Рэспубліка
Месца пахавання	Grave of Jerzy Popiełuszko^[d] St. Stanislaus Kostka Church^[d]
Шануецца	Рымска-каталіцкая царква
Беатыфікаваны	6 чэрвеня 2010
У ліку	мучаніка
Дзень памяці	19 кастрычніка
Падзвіжніцтва	мучаніцкая смерць
Альма-матар	Higher Metropolitan Seminary in Warsaw^[d]
Бацька	Władysław Popiełuszko^[d]
Маці	Marianna Popiełuszko^[d]
Медыяфайлы на Вікісховішчы

Ежы Папялушка (польск.: Jerzy Popiełuszko; 14 верасня 1947, Акопы, гміна Сухаволя, Падляскае ваяводства — 19 кастрычніка 1984, каля Улацлаўка) — польскі каталіцкі святар, звязаны з «Салідарнасцю», капелан рабочых, быў забіты функцыянерамі Службы Бяспекі (СБ). Блаславёны.

Біяграфія

Нарадзіўся ў 1947 годзе, скончыў духоўную семінарыю ў Варшаве. У 1972 годзе быў пасвечаны на святара кардыналам Стэфанам Вышынскім. Падчас забастовак у 1980 годзе займаўся душпастырскай апекай у асяроддзі працаўнікоў Варшавы (спавядаў, правіў літургіі падчас страйку ў Гуце-Варшава).

Лічыўся адным з духоўных пастыраў арганізацыі «Салідарнасць». Публічна крытыкаваў камуністычную ўладу, адкрыта выступаў у абарону правоў чалавека і захавання ідэалаў «Салідарнасці» (літургіі за Бацькаўшчыну ў парафіі Св. Станіслава Косткі ў Варшаве падчас ваеннага становішча). 19 кастрычніка 1984 года ксёндз Папялушка быў выкрадзены функцыянерамі СБ, жорстка закатаваны і ўтоплены ў Вісле.

Сёння яго магіла знаходзіцца ля касцёлу Св. Станіслава Косткі ў варшаўскім раёне Жалібож.

Памяць

Працэс беатыфікацыі ксяндза Папялушкі афіцыйна пачаўся 8 лютага 1997 года ў касцёле Св. Станіслава Косткі, а дыяцэзіяльны этап працэсу скончыўся дакладна чатыры гады пазней. Затым з 3 мая 2001 года пачалася праца Кангрэгацыі па справах кананізацыі, якая ў 2002 годзе выдала пастанову пра сапраўднасць працэсу. 19 снежня 2009 года быў аб’яўлены дэкрэт Папы Рымскага Бенедыкта XVI пра яго пакутніцтва^[5]. Беатыфікацыю прызначылі на 6 чэрвеня 2010 года ў Варшаве.

Фільмы пра Папялушку знялі: ў 1988 годзе Агнешка Голанд — «To Kill a Priest» («Забіць святара») і ў 2009 годзе Рафал Вячынскі — «Popiełuszko. Wolność jest w nas» («Папялушка. Свабода ўнутры нас»).

13 кастрычніка 2009 года быў узнагароджаны Ордэнам Белага Арла ^[6]. У 2009 годзе, на 25-аю гадавіну смерці святара, Польская Пошта выпусціла марку 1,55 злотага з яго выявай^[7].

• Помнік ксяндзу Папялушцы ў Беластоку
• 
• 
• 

Зноскі

1. Jerzy Popiełuszko // GCatholic.org — 1997.
   <a href="https://wikidata.org/wiki/Track:Q25932135"></a>
2. Schäfer J. Jerzy Popieluszko // Ökumenisches Heiligenlexikon — 1998.
   <a href="https://wikidata.org/wiki/Track:Q296584"></a>
3. https://biogramy.ipn.gov.pl/bio/wszystkie-biogramy/ksiadz-jerzy-popieluszk/zyciorys/108695,19471965.html
4. Jerzy Popiełuszko // Brockhaus Enzyklopädie
   <a href="https://wikidata.org/wiki/Track:Q237227"></a>
5. Ewa K. Czaczkowska, Jan Paweł II i ks. Jerzy na ołtarze w 2010 r.(недаступная спасылка) // rp.pl, 21.12.2009 (польск.)
6. Postanowienie Prezydenta Rzeczypospolitej Polskiej z dnia 13 października 2009 r. o nadaniu orderu, M.P. Nr 28, poz. 314 Архівавана 1 мая 2015. // (польск.)
7. Znaczki wprowadzone do obiegu w okresie: 30.09 — 31.12 2009r.: Архівавана 8 сакавіка 2010. // poczta-polska.pl (польск.)

Літаратура

• Milena Kindziuk, Ksiądz Jerzy Popiełuszko. Axel Springer, ISBN 978-83-7558-255-0.

Спасылкі

• Інфармацыйны партал Інстытуту нацыянальнай памяці Архівавана 9 жніўня 2013. (англ.) (польск.)
• Pra Papiałušku pa našamu