Мазовія

Мазовія на карце Польшчы

Мазавецкая зямля ва ў XIII—XVIII стагоддзях

Мазо́вія, радзей Мазоўша, Мазавецкая зямля (польск.: Mazowsze, ziemia mazowiecka, лац. Masovia, ням.: Masowien) — гістарычная вобласць у цэнтры Польшчы. Галоўны горад — Варшава. Жыхары Мазовіі завуцца мазаўшанамі.

У перыяд валадарання Конрада I (1207), які для абароны сваёй краіны ад спусташэнняў прусамі навёў на Прусію нямецкіх рыцараў, на тэрыторыі Мазовіі, якая была ў старажытны час часткай Польшчы, утварылася Мазавецкае княства. Калі ў 1526 са смерцю князёў Януша і Жыгімонта спынілася дынастыя Пястаў, што кіравала ў Мазовіі, кароль Жыгімонт I ізноў далучыў Мазовію да Польшчы.

Пры трэцім падзеле Рэчы Паспалітай, у 1795, Мазовія дасталася Прусіі, ад якой у 1807 была аддзелена і далучана да Герцагства Варшаўскага; у 1814 годзе ўвайшла ў склад Царства Польскага.

У XIV—XVII стагоддзях перасяленцы з паўночнай часткі Мазовіі актыўна каланізавалі паўднёвыя раёны Дзяржавы Тэўтонскага ордэна, у выніку чаго гэтыя землі атрымалі назву Мазурыя, гэта значыць зямля мазураў.

Вядомыя асобы

• Антоній Арцяхоўскі (1675—1709) — езуіцкі святар і педагог.
• Станіслаў Бабінскі (1611—1664) — езуіцкі святар і педагог.
• Андрэй Казімір Пагажэльскі (каля 1616—1684) — езуіцкі святар і педагог.
• Марцін Фляшчынскі (1724—1761) — езуіцкі святар і педагог.

Літаратура

• Мазовия // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.
• Мазовия // Еврейская энциклопедия Брокгауза и Ефрона. — СПб., 1908—1913.