Плаешці

Горад Плаешці рум.: Ploieşti Герб Сцяг Краіна  Румынія Жудзец Прахава Каардынаты 44°56′19″ пн. ш. 26°01′21″ у. д.^HGЯO Кіраўнік Mihai-Laurențiu Polițeanu^[d][1] Заснаваны 1596 Плошча 58,2 км² Вышыня цэнтра 165 ± 1 м Насельніцтва 197 542[2] чалавек (2011) Нацыянальны склад румыны, цыгане, венгры, немцы і інш. Часавы пояс UTC+2, летам UTC+3 Тэлефонны код (+40) 02 44 Паштовыя індэксы 100xxx Аўтамабільны код PH Афіцыйны сайт ploiesti.ro (рум.) Плаешці на карце Румыніі

Медыяфайлы на Вікісховішчы

Плаешці^[3] (рум.: Ploieşti) — горад у Румыніі, адміністрацыйны цэнтр жудзеца Прахава.

Геаграфія

Горад знаходзіцца за 56 км на поўнач ад Бухарэста ў гістарычнай вобласці Валахія.

Клімат умерана-кантынентальны.

Гісторыя

Горад быў заснаваны ў 1596 годзе падчас кіравання Міхая Храбрага. У XVII—XVIII стагоддзях стаў адным з цэнтраў гандлю і рамеснай вытворчасці.

З сярэдзіны XIX стагоддзя Плаешці становіцца важным цэнтрам нафтаздабычы, некаторы час з'яўляючыся адным з найбуйнейшых рэгіёнаў здабычы нафты ў свеце. У 1864 годзе была адкрыта дарога, якая злучыла Плаешці і Брашаў. У жніўні 1870 года горад стаў цэнтрам самаабвешчанай падчас антыманархічных выступленняў рэспублікі Плаешці.

Горад моцна пацярпеў падчас Карпацкага землетрасення, якое адбылося 10 лістапада 1940 года. Падчас Другой сусветнай вайны рэгіён Плаешці быў галоўнай крыніцай нафты для нацысцкай Германіі. У жніўні 1944 года горад быў вызвалены савецкімі войскамі.

Пасля Другой сусветнай вайны нафтавая прамысловасць Румыніі была нацыяналізавана, былі праведзены меры па аднаўленні нанесенай шкоды, у сувязі з чым горад атрымаў далейшае развіццё.

Насельніцтва

Першыя афіцыйныя звесткі пра насельніцтва адносяцца да 1859 годзе, калі быў праведзены перапіс. Насельніцтва складала 26 468 чалавек. Па даных перапісу 1899 года, у горадзе было 45 107 жыхароў, 1912 — 56 460, 1930 — 77 341 жыхар. Паводле перапісу насельніцтва 2011 года, у горадзе пражывае 197 542 чалавека^[2].

Па стане на 2011 год этнічны склад насельніцтва горада выглядаў наступным чынам^[2]:

• румыны: 191 238
• цыгане: 5061
• венгры: 172
• немцы: 90
• туркі: 78
• яўрэі: 64
• ліпаване: 39
• украінцы: 6
• прадстаўнікі іншых нацыянальнасцей: 255.

Адукацыя і культура

• Плаешційскі ўніверсітэт нафты і газу

Гарады-пабрацімы

•  Берат, Албанія
•  Дніпро, Украіна
•  Лефкас^[d], Грэцыя
•  Маракайба, Венесуэла^[4]
•  Осіек, Харватыя
•  Радам, Польшча
•  Уральск, Казахстан
•  Харбін, Кітай
•  Хынчэшць, Малдова

Зноскі

1. Rezultatele alegerilor locale din 2024 — Permanent Electoral Authority.
   <a href="https://wikidata.org/wiki/Track:Q28726168"></a>
2. 2011 Census press release(нявызн.). INSSE Prahova (2 лютага 2012). Архівавана з першакрыніцы 18 кастрычніка 2012. Праверана 25 августа 2012.
3. Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13). — карта Румыніі
4. https://www.municipio.co.ve/municipio-maracaibo.html

Спасылкі

• Афіцыйны сайт