Філіп Бафард Дэвідсан

У Вікіпедыі ёсць артыкулы пра іншых людзей з прозвішчам Дэвідсан.

Філіп Дэвідсан
англ.: Phillip Buford Davidson, Jr.
Дата нараджэння	26 лістапада 1915(1915-11-26)
Месца нараджэння	Hachita^[d], Grant County^[d], Нью-Мексіка, ЗША
Дата смерці	7 лютага 1996(1996-02-07) (80 гадоў)
Месца смерці	Сан-Антоніа, Бэр, Тэхас, ЗША
Месца пахавання	Арлінгтонскія нацыянальныя могілкі^[d][1]
Альма-матар	Ваенная акадэмія ЗША
Грамадзянства	ЗША
Прыналежнасць	ЗША
Род войскаў	Армія ЗША
Гады службы	1939–1974
Званне	генерал-лейтэнант
Бітвы/войны	Другая сусветная вайна, Карэйская вайна, Вайна ў В’етнаме
Узнагароды і званні
Медыяфайлы на Вікісховішчы

Філіп Бафорд Дэвідсан-малодшы (англ.: Phillip Buford Davidson, Jr.; 26 лістапада 1915 — 7 лютага 1996) — амерыканскі ваенны разведчык, гісторык В’етнамскай вайны, удзельнік Другой сусветнай, Карэйскай і В’етнамскай войнаў.

Біяграфія

Філіп Дэвідсан нарадзіўся 26 лістапада 1915 года ў Хачыта, Нью-Мексіка. Абраў кар’еру ваеннага, скончыўшы Вест-Пойнт у 1939 годзе. Удзельнічаў у Другой сусветнай вайне, знаходзячыся на пасадзе памочніка начальніка разведкі 96-й пяхотнай дывізіі ЗША, а затым камандаваў эскадронам у 3-й арміі.

Пасля вайны служыў інструктарам у ваеннай школе разведкі (Форт-Лівенуорт, Канзас). У ходзе Карэйскай вайны займаў пасаду начальніка аддзела планавання і ацэнак у штабе генерала Макартура.

Падчас В’етнамскай вайны Дэвідсан у 1967—1969 гадах быў начальнікам ваеннай разведкі ЗША ў В’етнаме. Пасля гэтага ён камандаваў трэніровачным цэнтрам Арміі ў Форт-Ордаў (Каліфорнія). У 1971—1972 гадах быў памочнікам начальніка разведкі ў штаб-кватэры дэпартамента арміі. Даслужыўся да звання генерал-лейтэнанта.

Аўтар кніг «Ваюючы В’етнам: Гісторыя, 1946-1975» (Vietnam at War: The History 1946-1975) (1988) і «Таямніцы В’етнамскай вайны» (Secrets of the Vietnam War) (1990).

Памёр 7 лютага 1996 года ў Сан-Антоніа, Тэхас. Пахаваны на Арлінгтонскіх нацыянальных могілках^[2].

Зноскі

1. https://ancexplorer.army.mil/publicwmv/index.html#/arlington-national/
2. Gen Phillip Buford Davidson, Jr (1915-1996) (англ.). Find A Grave Memorial.

Спасылкі

• Филипп Б. Дэвидсон. Война во Вьетнаме (1946—1975) (электронная версия книги на сайте «Военная литература») Архівавана 26 ліпеня 2012.