Эміліян Несцеравіч Букаў

Эміліян Несцеравіч Букаў
рум.: Emilian Radu Bucov
Асабістыя звесткі
Псеўданімы	Radu Emilian[1]
Дата нараджэння	26 ліпеня (8 жніўня) 1909
Месца нараджэння	Кілія, Izmailsky Uyezd^[d], Бесарабская губерня, Расійская імперыя
Дата смерці	17 кастрычніка 1984(1984-10-17) (75 гадоў)
Месца смерці	Кішынёў, Малдаўская ССР, СССР
Грамадзянства	СССР
Альма-матар	Бухарэсцкі ўніверсітэт
Прафесійная дзейнасць
Род дзейнасці	пісьменнік, паэт, палітык, драматург, публіцыст, перакладчык
Кірунак	сацыялістычны рэалізм
Жанр	Proletkult^[d]
Мова твораў	малдаўская
Грамадская дзейнасць
Партыя	КПСС Union of Communist Youth^[d] (1940)
Член у	Саюз пісьменнікаў СССР
Прэміі	Дзяржаўная прэмія Малдаўскай ССР
Узнагароды
Медыяфайлы на Вікісховішчы

Эміліян Несцеравіч Бу́каў (рум.: Emilian Radu Bucov; 26 ліпеня (8 жніўня) 1909, Новая Кілія, Ізмаільскі павет, Бесарабская губерня, Расійская імперыя цяпер Адэская вобласць — 17 кастрычніка 1984, Кішынёў, МССР, СССР) — малдаўскі савецкі празаік і паэт. Народны пісьменнік Малдаўскай ССР (1966). Член УКП(б) з 1950 года. Герой Сацыялістычнай Працы (1979).

Біяграфія

Эміліян Букаў нарадзіўся 26 ліпеня (8 жніўня) 1909 года на поўдні Бесарабіі ў гарадку Новая Кілія, размешчаным у вусці Дуная (цяпер Адэская вобласць Украіны).

У 1931—1936 гадах вучыўся на літаратурна-філасофскім факультэце Бухарэсцкага ўніверсітэта.

Быў членам Саюза камуністычнай моладзі Румыніі, удзельнічаў у падпольнай рэвалюцыйнай працы. Працаваў у румынскіх часопісах. Пасля далучэння Бесарабіі да СССР у 1940 годзе, Эміліян Букаў жыў у Малдаўскай ССР.

Дэпутат ВС СССР 2—3-га скліканняў (1946—1954).^[2]

Э. Букаў памёр 17 кастрычніка 1984 года ў Кішынёве.

Творчасць

Першы паэтычны зборнік — «Праца кіпіць» (1932). Творы 1930—40-х гг. (зборнік «Мова сонца», 1937) накіраваны супраць каланіяльнага рэжыму баярскай Румыніі. У кнігах паэзіі «Я бачу цябе, Малдавія» (1942), «Дзень сённяшні — дзень заўтрашні» (1965, Дзяржаўная прэмія Малдавіі 1966), «Дрэва жыцця» (1974), раманах «Горад Рэут» (1956), «Магістраль» (1969) і інш. — узнёсласць чалавечых пачуццяў, патрабавальнасць да чалавека, адказнасць перад сабой і народам.

Пераклаў на малдаўскую мову асобныя вершы Я. Купалы. Букаў быў рэдактарам і аўтарам перакладаў на малдаўскую мову твораў Т. Шаўчэнкі — «Выбранае» (Кішынёў, 1961, 1964). Яму належаць артыкулы пра ўкраінскага паэта.

Пераклады

На беларускую мову творы Букава пераклалі А. Астрэйка, Р. Барадулін, Х. Жычка, М. Калачынскі, Я. Семяжон і інш. (у кнізе «Малдаўскія апавяданні», 1958; «Паэты сонечнай Малдовы», 1960).

Зноскі

1. https://romanialiterara.com/2022/01/zvapaiat-la-bucuresti-imblanzit-la-moscova-dat-pe-brazda-la-chisinau/
2. Дэпутаты Вярхоўнага Савета СССР II склікання 1946—1950

Літаратура

• Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).

Беларускія пераклады

• Нараджэнне першай зоркі. Мн., 1980.

Спасылкі

• На Вікісховішчы ёсць медыяфайлы па тэме Эміліян Несцеравіч Букаў

Эміліян Несцеравіч Букаў на сайце «Героі краіны»