Héctor Castro
.jpg)
| Reizh pe jener | paotr  |
|---|---|
| Bro ar geodedouriezh | Uruguay |
| Bro sport | Uruguay |
| Anv-bihan | Héctor |
| Anv-familh | Castro |
| Deiziad ganedigezh | 29 Du 1904 |
| Lec'h ganedigezh | Montevideo |
| Deiziad ar marv | 15 Gwe 1960 |
| Lec'h ar marv | Montevideo |
| Yezhoù komzet pe skrivet | spagnoleg |
| Micher | c'hoarier mell-droad, association football manager |
| Savlec’h c’hoari pe spesialded | forward |
| Deroù ar prantad labour | 1921 |
| Ezel ar skipailh sport | Club Nacional de Football, Club Estudiantes de La Plata, Club Nacional de Football, Uruguay men's national football team |
| Sport | mell-droad |
| Perzhiad e | Kib vell-droad ar bed 1930, C'hoarioù Olimpek hañv 1928 |
Héctor Castro, bet ganet d'an 29 a viz Du 1904 en Aguada (unan eus karterioù Montevideo (Uruguay)) hag aet da Anaon d'ar 15 a viz Gwengolo 1960 er memes kêr, a oa ur melldroader etrebroadel uruguayat (argader e bost dezhañ war an dachenn).
Hag eñ yaouank (trizek vloaz) e voe mac'hagnet e arvrec'h dehou (bet troc'het gant un heskenn dredan tra m'edo o labourat gant e dad) ; se zo kaoz e voe lesanvet El Manco, El Manco Castro, El Manco Divino pe El Divino Manco.
E vicher evel c'hoarier
[kemmañ | kemmañ ar vammenn]Er c'hleuboù
[kemmañ | kemmañ ar vammenn]Lavarout a c'haller e voe tomm-mat kalon Castro ouzh Nacional Montevideo e vuhez-pad : daou c'hant ur c'hrogad ha tregont en devoa c'hoariet ennañ ha merket kant pemp pal ha daou-ugent en holl. Ne vankas dezhañ nemet kemer perzh e Copa de Campeones de América a voe krouet e... 1960.
Sed amañ da-heul red e vicher dre ar munud :
- 1921-1923 : Lito Montevideo,
- 1924-1932 : Nacional, aet da gampion Primera División de Uruguay e 1924,
- 1932-1933 : Estudiantes de La Plata (Arc'hantina),
- 1933-1936 : Nacional, aet da gampion Primera División de Uruguay e 1933 ha 1934 ; bet tapet Torneo de Honor e 1935 ivez.
E skipailh broadel Uruguay
[kemmañ | kemmañ ar vammenn]Pemp gwech warn-ugent en devoa douget krez La Celeste[1] etre 1923 ha 1935, ha merket triwec'h pal.
Krogadoù a vignoniezh
[kemmañ | kemmañ ar vammenn]| Deiziad | Lec'h | Krogad | Merk |
| 25 a viz Du 1923 | Estadio de los Pocitos (Montevideo) | Uruguay - Chile | 2-1 |
| 10 a viz Kerzu 1927 | Viña del Mar (Chile) | Chile - Uruguay | 2-3 |
| Deiziad | Lec'h | Krogad | Merk |
| 8 a viz Kerzu 1923 | Avellaneda (Arc'hantina) | Arc'hantina - Uruguay | 2-3 |
Kemeret en devoa perzh Héctor Castro e pevar dalc'h, aet ar maout gantañ dre ziv wech (e 1926 ha 1935), renket da eil e 1927 ha da drivet e 1929. Sed amañ da-heul ar c'hrogadoù en devoa c'hoariet gant e skipailh broadel :
| Deiziad | Lec'h | Krogad | Merk |
| 17 a viz Here 1926 | Campos de Sports de Ñuñoa (Santiago de Chile) | Chile - Uruguay | 1-3 |
| 24 a viz Here 1926 | Campos de Sports de Ñuñoa | Uruguay - Arc'hantina | 2-0 |
| 28 a viz Here 1926 | Campos de Sports de Ñuñoa | Uruguay - Bolivia | 6-0 |
| 1añ a viz Du 1926 | Campos de Sports de Ñuñoa | Uruguay - Paraguay | 6-1 |
Gant c'hwec'h (6) pal merket e-pad ar genstrivadeg e voe renket Castro da eil, just war-lerc'h ar gwellañ paler, ar chileat David Arellano.
| Deiziad | Lec'h | Krogad | Merk |
| 1añ a viz Du 1927 | Estadio Nacional del Perú (Lima) | Perou - Uruguay | 0-4 |
| 6 a viz Du 1927 | Estadio Nacional del Perú | Uruguay - Bolivia | 9-0 |
| 20 a viz Du 1927 | Estadio Nacional del Perú | Arc'hantina - Uruguay | 3-2 |
Daou (2) bal a voe merket gantañ e-pad ar genstrivadeg.
| Deiziad | Lec'h | Krogad | Merk |
| 1añ a viz Du 1929 | Buenos Aires (Arc'hantina) | Paraguay - Uruguay | 3-0 |
| 11 a viz Du 1929 | Buenos Aires | Uruguay - Perou | 4-1 |
| 17 a viz Du 1929 | Buenos Aires | Arc'hantina - Uruguay | 2-0 |
| Deiziad | Lec'h | Krogad | Merk |
| 13 a viz Genver 1935 | Estadio Nacional del Perú (Lima) | Uruguay - Perou | 1-0 |
| 18 a viz Genver 1935 | Estadio Nacional del Perú | Uruguay - Chile | 2-1 |
| 27 a viz Genver 1935 | Estadio Nacional del Perú | Uruguay - Arc'hantina | 3-0 |
Daou (2) bal a voe merket gantañ e-pad ar genstrivadeg.
C'hoarioù Olimpek hañv
[kemmañ | kemmañ ar vammenn]Ezel e oa eus ar skipailh a yeas ar vedalenn aour gantañ da-geñver C'hoarioù Olimpek hañv 1928 (en Amsterdam, Izelvroioù). Ur (1) pal a verkas e-kerzh an daou grogad a gemeras perzh enne :
| Deiziad | Lec'h | Krogad | Merk |
| 3 a viz Mezheven | Olympisch Stadion (Amsterdam) | Uruguay - Alamagn | 4-1 |
| 10 a viz Mezheven (gourfenn) | Olympisch Stadion (Amsterdam) | Arc'hantina - Uruguay | 1-1 |
Adc'hoariet e voe ar gourfenn d'an 13 a viz Mezheven ha gounezet 2-1 gant Uruguay.
| Deiziad | Lec'h | Krogad | Merk |
| 20 a viz Gwengolo 1929 | Estadio Gran Parque Central (Montevideo) | Uruguay - Arc'hantina | 2-1 |
| 25 a viz Mae 1930 | Buenos Aires | Arc'hantina - Uruguay | 1-1 |
| Deiziad | Lec'h | Krogad | Merk |
| 28 a viz Gwengolo 1929 | Buenos Aires | Arc'hantina - Uruguay | 0-0 |
| Deiziad | Lec'h | Krogad | Merk |
| 18 a viz Gouere 1935 | Estadio Centenario (Montevideo) | Uruguay - Arc'hantina | 1-1 |
| Deiziad | Lec'h | Krogad | Merk |
| 15 a viz Eost 1935 | Avellaneda | Arc'hantina - Uruguay | 3-0 |
Kemeret en devoa perzh en un dalc'h hepken :
- Kib vell-droad ar bed 1930 bet aozet en Uruguay ma oa aet ar maout gant skipailh broadel Uruguay. C'hoari a reas ar c'hrogad kentañ d'an 18 a viz Gouere (Uruguay 1-0 Perou) : gant ar pal nemetañ-se bet plantet gantañ e teuas da vezañ Héctor Castro kentañ paler uruguayat en istor Kib vell-droad ar bed. Perzh e voe eus ar skipailh – Enrique Ballestrero, Ernesto Mascheroni, José Nasazzi, José Leandro Andrade, Lorenzo Fernández, Álvaro Gestido, Pablo Dorado, Héctor Scarone, Héctor Castro, José Pedro Cea, Victoriano Santos Iriarte – a c'hounezas (4-2) ar gourfenn ouzh hini Arc'hantina en Estadio Centenario (Montevideo) d'an 30 a viz Gouere 1930. Gant Castro e voe klozet ar merk e dibenn ar c'hrogad (89vet munutenn).
E vicher evel gourdoner ha dibaber
[kemmañ | kemmañ ar vammenn]Da-heul e amzer c'hoarier e tistroas da Nacional evel gourdoner (1939-1943, 1952) : ha c'hwec'h titl Primera División de Uruguay ouzhpenn en e c'hodell (1939[2], 1940, 1941, 1942, 1943 ha 1952). Pevar zTorneo de Honor (1940, 1941, 1942 ha 1943) a yeas gantañ ivez, kement ha div gCopa Aldao (1940 ha 1942).
E 1959 ez eas da zibaber Uruguay a renas da-geñver Copa América dalc'het e Buenos Aires (7 a viz Meurzh-4 a viz Ebrel) : renket e voent da c'hwec'hvet diwar seizh.
Un nebeud mizvezhioù diwezhatoc'h e varvas, skoet gant ur gwallzarvoud kalon.
Liamm diavaez
[kemmañ | kemmañ ar vammenn]Notennoù ha daveennoù
[kemmañ | kemmañ ar vammenn]- ↑ Unan eus al lesanvioù a zo bet roet da skipailh mell-droad Uruguay.
- ↑ Evel eiler ar Skosad William Reaside.