Pont-Marzhin
| Pont-Marzhin
Pont-Saint-Martin | ||
|---|---|---|
 Ar maerdi. | ||
.svg)
| ||
| Bro istorel | Naoned | |
| Melestradurezh | ||
| Departamant | Liger-Atlantel | |
| Arondisamant | Arondisamant Naoned | |
| Kanton | Bouez betek 2015, Sant-Filberzh-Deaz abaoe 2015 | |
| Kod kumun | 44130 | |
| Kod post | 44860 | |
| Maer Amzer gefridi | Yannick Fétiveau 2020-2026 | |
| Etrekumuniezh | Kumuniezh-kumunioù al Lenn Veur | |
| Lec'hienn Web | www.mairie-pontsaintmartin.fr | |
| Poblañsouriezh | ||
| Poblañs | 6 942 ann. (2020)[1] | |
| Stankter | 317 ann./km² | |
| Douaroniezh | ||
| Daveennoù lec'hiañ | ||
| Uhelderioù | kreiz-kêr : 10 m bihanañ 0 m — brasañ 31 m | |
| Gorread | 21,88 km² | |
|
||
kemmañ  |
||
Pont-Marzhin zo ur gumun e Breizh e Liger-Atlantel (Bro-Raez), e gevred ar vro.
Douaroniezh hag armerzh
[kemmañ | kemmañ ar vammenn]
E Bro-Raez emañ ar gumun. Bevennet eo gant ar Lenn Veur er Mervent. Treuzet eo gant ar stêr Ognon. E 13 km e Su Naoned emañ, ha 12 km e Norzh Sant-Filberzh-Deaz.
Gounezet e vez Muskadig ha legumaj dreist-holl.
Anv
[kemmañ | kemmañ ar vammenn]- Ogée (1779) ha Marteville & Varin (1843)[2] ː Le Pont-Saint-Martin.
- Erwan Vallerie (1995) ː de Ponte sancti Martini, 1179.
Ardamezioù
[kemmañ | kemmañ ar vammenn]- Troc'het etre glazur hag argant e bont en aour balirant, mogeriet en sabel, e vanac'h difoupant, ul loa-vañson en e zorn dehoù, heuliet ouzh dehoù gant ur gistinenn-dour hag ouzh kleiz gant ur vlourdilizenn, an holl en aour.
- Sturienn : Ponte unionem facio ("an unvaniezh a ra ar pont").
- Aozerienn ː M. Pressensé ha G. Brisson.
- Kuzul ar Gumun ː 28 Meurzh 1991.
Istor
[kemmañ | kemmañ ar vammenn]Hervez ar vojenn e savas Marzhin Gwerzhav ur pont eno evit kevreañ Breizh ouzh Poatev-izel.
Krouet e voe kumun Pont-Marzhin e 1790 diwar ar barrez katolik. Lakaet e voe e Kanton Bouez hag e Bann Naoned. 18% eus ar boblañs a varvas e-pad Brezel Vendée. E 1800 e voe lakaet en Arondisamant Naoned[3].
Kersoren
[kemmañ | kemmañ ar vammenn]Krouet e voe kumun Kersoren e 1865 diwar lodennoù eus kumunioù Bignon, Pont-Marzhin ha Gwerzhav[4].
Mervel a reas 75 gwaz ag ar gumun abalamour d'ar brezel, da lavaret eo 4,86% eus he foblañs e 1911[5].
- Mervel a reas nav den eus ar gumun abalamour d'ar brezel hervez monumant ar re varv[6].
- Ur c'harr-nij bombezañ alaman a gouezhas er gumun d'an 30 a viz Here 1940, met ne voe ket kavet restadoù anezhañ dre ma oa bet savadennet an douar[7].
- D'ar 4 a viz C'hwevrer 1941 e kouezhas ur c'harr-nij (Hampden I marilhet AD750 ha kodet ZN-?) eus aerlu ar Rouantelezh-Unanet (Royal Air Force) e La Marronnière e Pont-Marzhin; mervel a reas e bevar nijour ha douaret e voent e bered "Pont du Cens" en Naoned[8].
- D'an 8 a viz Mae 1941 e kouezhas ur c'harr-nij (Wellington Ic marilhet R1374 ha kodet JN-G) eus ar Royal Air Force e La Marronnière e Pont-Marzhin; mervel a reas e c'hwec'h nijour ha douaret e voent e bered "Pont du Cens" en Naoned[9].
- D'ar 4 a viz Gouere 1943 e voe taolet ur c'harr-nij Focke-Wulf Fw 190 eus an aerlu alaman (Luftwaffe) d'an diaz e Pont-Marzhin en un emgann-aer; an nijour a c'hellas gober gant e harz-lamm[10].
- Kavet e voe restadoù an teir nijerez gant ur c'houer eus ar gumun, reoù ar Wellington e miz Gwengolo 2008 en ur park[7].
Trevadennoù
[kemmañ | kemmañ ar vammenn]Brezel Aljeria: mervel a reas ur milour eus ar gumun d’an 13 a viz Kerzu 1958 hervez monumant ar re varv[11].
Lakaet e voe ar gumun e Kanton Reudied-1 pa voe diskaret Kanton Bouez e 2014[12].
Monumantoù ha traoù heverk
[kemmañ | kemmañ ar vammenn].jpg)
.jpg)
Peulvanoù Dames des pierres.
-
Kastell ar Genkiz. -
Kastell La Rairie.
- Kastelloù.
- Monumant ar re varv er vered, luc’hskeudenn[13].
- Plakennoù ar re varv 1914-1918 en iliz katolik, luc’hskeudennoù[14],[15].
-
An iliz katolik Sant Varzhin.
Emdroadur ar boblañs abaoe 1962
[kemmañ | kemmañ ar vammenn]Niver a annezidi
Tud
[kemmañ | kemmañ ar vammenn]- Mathieu Guiton de la Rairie, selaouer ouzh Kambr ar C'hontoù Breizh e 1718
- Jean Martin de la Plesse, reizher ouzh Kambr ar C'hontoù Breizh e 1723, mestr e 1726
- Armand-Mathieu Guiton de la Rairie, reizher Kambr ar C'hontoù Breizh e 1742; laket en enor e 1763.
- Pierre Lucas de la Championnière, mestr ouzh Kambr ar C'hontoù Breizh e 1762
- Joseph Plissonneau (1883-1948), misioner en Afrika, bet ganet er gumun.
- Georges Brisson (1902-1980), arzour livour ha priour naonedat, marvet er gumun.
Ardamezeg ar familhoù
[kemmañ | kemmañ ar vammenn]
|
|
|
|
|
|
|
|
Gevelliñ
[kemmañ | kemmañ ar vammenn]
Pennad kar
[kemmañ | kemmañ ar vammenn]Levrlennadur
[kemmañ | kemmañ ar vammenn]- Michel Froger & Michel Pressensé : Armorial des communes de Loire-Atlantique. 1996.
- Pol Potier de Courcy : Nobiliaire et armorial de Bretagne, 1862.
- Erwan Vallerie : Diazezoù studi istorel an anvioù-parrez. Corpus. An Here. 1995
Liammoù diavaez
[kemmañ | kemmañ ar vammenn]Daveoù ha notennoù
[kemmañ | kemmañ ar vammenn]- ↑ Roadennoù ofisiel e lec'hienn an EBSSA
- ↑ J. Ogée ː Dictionnaire historique et géographique de la Province de Bretagne. 1779 ; Heuliet ha reizhet gant A. Marteville & P. Varin, 1843. Adembannet gant Editions Régionales de l'Ouest. Mayenne. 1993
- ↑ (fr)Cassini - EHESS - Fichenn kumun Pont-Marzhin
- ↑ (fr)Cassini - EHESS - Fichenn Kersoren
- ↑ (fr)Les soldats de Loire Inférieure – Plakennoù en iliz katolik
- ↑ (fr)Memorial Genweb
- ↑ 7,0 ha7,1 20 minutes
- ↑ (fr)Pertes RAF
- ↑ (fr)Pertes RAF
- ↑ (fr)Pertes Luftwaffe
- ↑ (fr)Memorial Genweb
- ↑ (fr) Décret n° 2014-243 du 25 février 2014 portant délimitation des cantons dans le département de la Loire-Atlantique
- ↑ (fr)Memorial Genweb
- ↑ (fr)Memorial Genweb
- ↑ (fr)Memorial Genweb