Aleš Šteger
| Aleš Šteger | |||||
|---|---|---|---|---|---|
| |||||
| Persona informo | |||||
| Naskiĝo | 31-an de majo 1973 (51-jaraĝa) en Ptuj | ||||
| Lingvoj | slovena • germana • angla • hispana vd | ||||
| Ŝtataneco | Slovenio (1991–) Socialisma federacia respubliko Jugoslavio (–1991)  vd
| ||||
| Alma mater | Universitato de Ljubljano vd
| ||||
| Profesio | |||||
| Okupo | lingvisto literaturkritikisto poeto eseisto verkisto tradukisto literatura eldonisto redaktisto vd
| ||||
| Laborkampo | Literaturo, redaktado, literatura kritiko kaj traduko vd
| ||||
| |||||
| |||||
| vd | Fonto: Vikidatumoj | ||||
Aleš ŠTEGER (slovene, naskiĝis la 31-an de majo 1973 en Ptuj) estas slovena poeto, verkisto, tradukisto, literaturrecenzisto, ĵurnalisto kaj eldonisto[1].
Biografio
[redakti | redakti fonton]Šteger diplomiĝis ĉe la Universitato de Ljubljano, kie li studis komparan literaturon kaj ĝermanan filologion. Li fondis Studentan Eldonejon en Ljubljano, kiun li estras. Inter la plej bonaj libroj de la eldonejo estas la novaj kolektitaj verkoj de Edvard Kocbek (2004), preparitaj de Šteger kaj kiuj enhavas multajn antaŭe neeldonitajn poemojn.
Li tradukis la poezion de César Vallejo, Pablo Neruda, Olga Orozco, Gottfried Benn, Ingeborg Bachmann, Peter Huchel, ktp.[2]
Verkaro
[redakti | redakti fonton]Poemoj
[redakti | redakti fonton]La poezio de Aleš Šteger estis publikigita en pli ol 200 internaciaj literaturaj revuoj kaj gazetoj[1]. Verkoj de Šteger estas tradukitaj al 16 lingvoj[3], interalie al la angla, franca, germana, ĉeĥa, hispana, litova, itala, kroata, bulgara, slovaka.
- Sur la ŝaktabulo de la horloĝo/Šahovnice ur (1995)
- Kaŝmiro (1997)
- Protuberance (2002)
- Libro de aĵoj / Knjiga reči (2005, Universitato de Roĉestro, Premio por la Plejbone Tradukita Libro (2011)
- Knjiga teles (2010)
Prozo
[redakti | redakti fonton]- Januaro meze de somero / Včasih je januar sredi poletja (1997, vojaĝnotoj en Peruo)
- Berlino (2007, noveloj)
- S prsti in peto (2009, eseo)
Premioj
[redakti | redakti fonton]Li ricevas slovenajn kaj internaciajn premiojn kaj stipendiojn, inkluzive de la Slovena Librofoira Premio (1996), la Veronika Premio por la plej bona poezia kolekto de la jaro (1999) kaj la Premio Rožanč por la plej bona eseolibro en 2007. Eŭropa Poezia Literatura Sceptro (2006), Stipendioj de la Fondaĵo Abraham Woursell (2000), Stipendioj de DAAD Künstlerprogramm (2005), Premio de la Plejbone Tradukita Libro de la Jaro (BTBA) en Usono (2011).
Li estas posedanto de la titolo Chevalier dans le ordre des Arts et des Lettres, donita de la Franca Respubliko.
Ekde 2014, li estas membro de la Berlina Arta Akademio.
En 2021 Šteger estas ĵuriano de la kanada poezia premio Griffin Poetry.
La Bienalo Kochi-Muziris (Barato), 2016
[redakti | redakti fonton]Dum la bienalo Kochi-Muziris en Keralo (Barato), la plej granda arta ekspozicio kaj festivalo en suda Azio, li prezentis la instalaĵon "La Piramido de Ekzilitaj Poetoj", kiu prezentas la vivojn de ekzilitaj poetoj[4].
Referencoj
[redakti | redakti fonton]- ↑ 1,0 1,1 (de) Aleš Šteger, mallonga biografio, Perlentaucher (germana kulturmagazino)
- ↑ biografio. Arkivita el la originalo je 2020-01-30. Alirita 2021-03-01 .
- ↑ (it) Aleš Šteger, monda tago de la poezio, p. 22
- ↑ (en) Bienalo Kochi-Muziri Arkivigite je 2021-03-07 per la retarkivo Wayback Machine