Frauenkappelen

Frauenkappelen
Blazono de Frauenkappelen
Blazono de Frauenkappelen
Vilaĝocentro de Frauenkappelen
Wolei-Ponto trans Lago de Wohlen apud Frauenkappelen
komunumo en Svislando
Kantono	Berno
Administra distrikto	Berno-Mezlando
Malnova distrikto ĝis 2009	Laupen
Koordinatoj	46° 57′ 14″ N 7° 29′ 2″ O / 46.95389 °N, 7.48389 °O / 46.95389; 7.48389 (mapo)Koordinatoj: 46° 57′ 14″ N 7° 29′ 2″ O / 46.95389 °N, 7.48389 °O / 46.95389; 7.48389 (mapo)
Nombro de loĝantoj	1264
Areo	9,27 km²
Alteco	601 m super marnivelo
Poŝtkodo	3202
Komunumkodo	0663
Mapo de Frauenkappelen
Mapo de Frauenkappelen
v • d • r

Frauenkappelen estis ĝis la 31-a de decembro 2009 komunumo de la distrikto Laupen kaj ekde la 1-a de januaro 2010 komunumo de la administra distrikto Berno-Mezlando en Kantono Berno, Svislando. Ĝi havis 1264 loĝantojn je la 31-a de decembro 2010.

Geografio

Frauenkappelen situas en la Svisa Mezlando ĉe la suda flanko de la Lago de Wohlen, baraĵlago de la rivero Aro, proksimume 5 kilometrojn okcidente de la centro de la federacia urbo Berno. La komunumo konsistas el la vilaĝo Frauenkappelen (en la centro sur alteo ce 601 m s.m.) kaj la vilaĝetoj Aebische (sur alteco de 496 m s.m. norde de Frauenkappelen ĉe la bordo de la Lago de Wohlen), Riedbachmühle (sur alteco de 544 m s.m. sude de Frauenkappelen ĉe la brodo de la rojo Riedbach), Hübeli (sur alteco de 596 m s.m. oriente de Frauenkappelen ĉe la kantona ĉefvojo), Wolei (sur alteco de 485 m s.m. en nordoriento de la komunumo ĉe la Lago de Wohlen, ĉe la suda flanko de la Wolei-Ponto), kaj Jaggisbach (sur alteco de 606 m s.m. en okcidento de Frauenkappelen, norde de la aŭtovojo).^[1]

La teritorio de la komunumo etendiĝas sur areo de 9,27 km², de kiuj 41,0% estas kovritaj de arbaro, 42,2% servas por agrikulturo kaj 6,8% por setlado. ^[2]

Najbaraj komunumoj

La komunumo Frauenkappelen limas en nordo aliflanke de la Lago de Wohlen al Wohlen ĉe Berno, en oriento kaj sudo al Berno, kaj en okcidento al Mühleberg.

Trafiko

Tra Frauenkappelen pasas la grava kantona ĉefvojo n-ro 1 de Berno al Ĝenevo kaj la svisa aŭtovojo A1, al kiu la komunumo disponas pri propra alveturejo sur la komunuma teritorio. Per buslinioj al Bern Brünnen kaj Mühleberg la komunumo estas konektita al la publika transportreto.

Historio

La unua dokumenta mencio de Frauenkappelen datiĝas el la jaro 1158 kiel Capela. En la jaro 1241 estis dokumente menciita la Burgo Alt-Bubenberg, kiu estis formalsita en la 14-a jarcento kaj kies murrestoj ankoraŭ videblas ĉe la deklivo supre de Aro. Inter 1228 kaj 1240 estis fondita la virina monaĥejo Sancta Maria de Cappellis in Foresto. La maria kapelo de 1158 estis integrita al la monaĥejo. Ek de 1388 la berna konsilio oficis kiel monaĥejaj voktoj kaj en 1486 la monaĥinejo estis malfondita kaj enkorpigita al la berna Abatejo Sankt-Vincenco. La feŭdo pri Frauenkappelen estis administrita ek de tiam de la urbo Berno. Ĝis ĝia malkonstrui la iama monaĥinejo servis kiel pastra domo.^[3]

Notoj kaj referencoj

1. Fonto: Reta mapo 1:20000 de Swisstopo^{[rompita ligilo]}
2. Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
3. Fonto: Anne-Marie Dubler: Frauenkappelen en Historia Leksikono de Svislando (2006-04-18)

Eksteraj ligiloj

• Kategorio Frauenkappelen en la Vikimedia Komunejo (Multrimedaj datumoj)

• Oficiala retejo de la komunumo Frauenkappelen

Bildoj

• 
  Wolei-Ponto trans Lago de Wohlen apud Frauenkappelen
• 
  Vilaĝeniro de Frauenkappelen
• 
  Grenejo en la vilaĝocentro
• 
  Preĝejo de Frauenkappelen
• 
  Preĝejo de interne

Bibliotekoj

PeEnEo: 395883 GND: 4591479-5 LCCN: n78061977 VIAF: 5180166237105796380007 153586446, 5180166237105796380007