Salima Mukansanga

Salima Mukansanga
Irudi gehiago
Bizitza
Jaiotzako izen-deiturak	Salima Mukansanga
Jaiotza	Ruanda, 1988ko uztailaren 25a (36 urte)
Herrialdea	Ruanda
Hezkuntza
Hizkuntzak	ingelesa
Jarduerak
Jarduerak	futbol arbitroa
Ibilbidea Taldeak Urteak J G
Parte-hartzailea 2019ko Emakumezkoen Munduko Futbol Txapelketa 2021 Africa Cup of Nations ^(en)
Jasotako sariak	ikusi 100 Emakume (BBC)  (2022)

Salima Rhadia Mukansanga (Ruanda, 1988ko uztailaren 25a) ruandar futbol arbitro bat da.^[1]

Biografia

Salima Mukansanga 1988an jaio zen. Lanbidez emagina den arren, nazioarteko arbitro gisa hasi zen 2012an.^[2] 2017an, herrialdeetako selekzioen partida bat arbitratu zuen 20 urtetik beherakoen Emakumezkoen 2018ko Munduko Futbol Kopako sailkapen fasean, Kenyaren eta Etiopiaren artekoa.^[3] 2018an, Uruguaiko 17 urtez azpiko Emakumezkoen Munduko Futbol Kopako arbitro nagusia izan zen, eta Algarbeko Futbol Kopako (Portugal) partida batzuk arbitratu zituen.^[4]

Frantzian egindako Emakumezkoen 2019ko Munduko Futbol Kopako arbitroetako bat izan zen eta Tokioko 2020ko Udako Olinpiar Jokoetan ere parte hartu zuen. Nazioarteko emakumezkoen futboleko mailarik goreneko partidak arbitratzeaz gain, Mukansangak historia egin zuen 2022an, Afrikako Nazioen Kopako partida bat, gizonezkoen sailean, arbitratutako lehen emakumea izan baitzen.^[5] Era berean, 2022an lehen hiru emakume arbitroetako bat izan zen Qatarren jokatutako Munduko Kopako gizonezkoen partidetan.^[6]

2022an, Salima Mukansanga BBCren 100 emakumeen zerrendan sartu zen.^[7]

Erreferentziak

1. (Ingelesez) «Rwanda : Salima Mukansanga, first woman central referee in the history of the AfCON :: AWE - En» web.archive.org 2022-05-19 (Noiz kontsultatua: 2023-02-22).
2. (Ingelesez) «Salima Mukansanga: All you need to know about Rwanda referee set to officiate at 2022 World Cup in Qatar | Goal.com» www.goal.com (Noiz kontsultatua: 2023-02-03).
3. (Ingelesez) «CAF Competitions» CAFOnline.com (web.archive.org) 2022-12-10 (Noiz kontsultatua: 2023-02-03).
4. (Gaztelaniaz) «Copa Mundial Femenina Sub-17 de la FIFA Uruguay 2018: Listado oficial de Árbitras» Noticias y Reglamentos para Árbitros de Fútbol (Noiz kontsultatua: 2023-02-03).
5. (Frantsesez) «CAN 2022. Qui est Salima Mukansanga, la première femme arbitre de l’histoire de la compétition ?» Ouest France (www.archive.org).
6. (Ingelesez) «Salima Mukansanga: I never dreamed of officiating at the men's World Cup» CAF Online (www.archive.org) (Noiz kontsultatua: 2023-02-03).
7. (Ingelesez) «BBC 100 Women 2022: Who is on the list this year?» BBC News (www.archive.org).

Ikus, gainera

• 2022ko Munduko Futbol Txapelketa

Kanpo estekak

• FIFA World Cup: History maker Stephanie Frappart - meet the female referees at Qatar 2022 Olympics.com