Clickair
| Clickair | ||
|---|---|---|
 | ||
| IATA XG | OACI CLI | Indicativo CLICKJET |
| Fundación | 2006 (como Catair) | |
| Inicio das operacións | 1 de outubro do 2006 | |
| Fin das operacións | 15 de xullo do 2009 | |
| Frota | 26 | |
| Destinos | 41 | |
Clickair foi unha aeroliña de baixo custo con sede no Parc de Negocis Mas Blau en El Prat de Llobregat, preto de Barcelona. Clickair voou a uns 40 destinos europeos. A súa principal base atopábase no aeroporto de Barcelona, con bases en Málaga, Sevilla e Valencia. Clickair fusionouse con Vueling Airlines o 15 de xullo do 2009.
Historia
[editar | editar a fonte]Primeiros anos
[editar | editar a fonte]A compañía chamouse nun primeiro momento Catair, derivado de Cat (por Cataluña) e Air, pero cambiou o seu nome para Clickair xusto antes de iniciar as operacións. Clickair posicionouse como unha aeroliña de baixo custo e ofrecía un programa de compra a bordo de alimentos, bebidas e outros produtos.
A aeroliña comezou a operar o 1 de outubro de 2006 con tres Airbus A320 voando cinco rutas dende o seu centro de conexións en Barcelona.[1] A compañía fundouse cun investimento de capital inicial de Cobra, Iberia, Iberostar, Nefinsa e Quercus Equity (Group Agrolimen), cada un deles cun 20% de participación, con Iberia configurando a aeroliña. Aínda que Iberia tiña un 20% das accións controlaba o 80% dos seus dereitos económicos. A compañía tiña plans para operar 30 Airbus A320 en 70 rutas, transportando 10 millóns de pasaxeiros por ano a finais de 2008. O código da IATA de Clickair, XG, foi herdado da aeroliña de pasaxeiros retirada pertencente a Gestair Cargo Regional Líneas Aéreas.
Fusión con Vueling
[editar | editar a fonte]En xuño de 2008 Clickair e a súa rival Vueling anunciaron a intención de fusionarse.[2] Chegouse a un acordo porque ámbalas dúas compañía querían crear unha única aeroliña para facer fronte aos maiores custos de combustible e de taxas, e estaban perdendo moitos cartos. A fusión causou que Clickair cesase as súas operacións porque Vueling sería o nome da nova aeroliña. A aeroliña baseouse en Barcelona, os as dúas integrantes estaban baseadas e mantiñan os seus centros de conexións orixinais. O presidente de Clickair Álex Cruz tamén sería o máximo dirixente da nova aeroliña.[2]
Planeouse introducir 5 novos avións en 2008, porén, a aeroliña reduciu os seus plans de expansión e só engadiría un avión durante ese ano.[3]
O 15 de xullo de 2009 completouse a fusión de Vueling e Clickair. A nova compañía opera baixo a marca de Vueling, cesando Clickair as súas operacións. Dende a fusión Vueling converteuse na segunda aeroliña máis grande de España, transportando 8,2 millóns de pasaxeiros en 2009 a case 50 destinos. Despois do cesamento das operacións, 20 dos 26 avións pasaron a Vueling. O resto foron a Astraeus Airlines, Vertir Airlines e Ural Airlines, sendo dous deles almacenados.
Notas
[editar | editar a fonte]- ↑ Flight International, 3-9 de outubro de 2006
- ↑ 2,0 2,1 "Vueling To Merge With Clickair | Airwise News". news.airwise.com (en inglés). Arquivado dende o orixinal o 08 de setembro de 2018. Consultado o 2018-12-02.
- ↑ Editorial, Reuters. "UPDATE 1-Spain's Clickair scales back growth plans". U.S. (en inglés). Consultado o 2018-12-02.
