Ernesto Daranas

Ernesto Daranas

Biografía
Nacemento	7 de decembro de 1961 (62 anos) A Habana, Cuba
Actividade
Ocupación	director de cinema, guionista
Premios
(2005)  Medalla Castelao

Ernesto Daranas Serrano, nado na Habana o 7 de decembro de 1961, é un director e guionista de cine, radio e televisión cubano de orixe galega.

Traxectoria

Licenciado en Pedagoxía e Xeografía no ano 1983. Comezou con éxito dende moi cedo na radio escribindo de todo: crónicas, teatro, contos, series dramáticas e radionovelas e máis tarde na televisión, onde foi guiónista para contos e telefilmes, que non sempre dirixiu. En 2004 escribiu o guión e co-dirixiu xunto a Natasha Vázquez o documental Os últimos gaiteiros da Habana, un documental sobre Eduardo Lorenzo, gaiteiro galego-cubano, e sobre a súa volta a Galicia. O documental gañou o Premio Internacional de Xornalismo Rei de España e a este seguíronlle outros dous sobre emigrantes galegos en Cuba, Fillas de Galicia (2005)^[1] e Gallegos: oficio de emigrantes (2008), ambos dirixidos por Natasha Vázquez e con guión de Ernesto Daranas. Tamén en 2008 dirixiu o documental Peregrinos.^[2] Polos seus documentais sobre emigrantes de Galicia, Natasha Vázquez, Ernesto Daranas e Rigoberto Senarega, recibiron conxuntamente a Medalla Castelao no ano 2005, as últimas presididas por Manuel Fraga.^[3]

Tamén no 2004 Daranas dirixiu o telefilme ¿La vida en rosa?, do que escribiu o guión. Este traballo gañou o Gran Premio do I Festival Nacional de Televisión de Cuba máis outros seis, incluíndo a mellor dirección e guión orixinal, e converteuse rapidamente nunha obra de culto dentro do audiovisual cubano. O traballo de Daranas tratou sempre dun xeito ou outro os problemas da sociedade da Habana, como a prostitución, a pobreza, a ausencia dos pais, e outros problemas da sociedade.

Filmografía

Como director

Longametraxes

• ¿La Vida en Rosa? (2004).
• Los dioses rotos (2009).
• Conducta (2014).
• La emboscada (2015).
• Sergio & Sergei (2017).

Documentais

• Ana y las Cotorras (2003).
• Los últimos gaiteiros de La Habana (2004).
• Peregrinos (2009).
• 2, con Omara y Chucho (2010).
• Bluechacha (2010).

Como guionista

Longametraxes

• Knepp (2010).

Documentais

• Havana (1990-1997) Serie de curtas documentais.
• Cocodrileros (1999).
• La tierra más hermosa (1998-2000). Serie documental. Episodios:
  • La Isla de los Faros (1999).
  • Viñales, los milagros del agua (1999).
  • Cimarrón (2000).
  • De vuelta al Paraíso (2000).
  • Santa Cruz, la Tragedia (2000).

• El mar de los naufragios (2001).
• Martín Infierno (2002).
• Fillas de Galicia (2005)

Series de televisión

• Propietario del Alba (1999).

Curtametraxes

• El hombre de Venus (2003).
• El otro (2003).

Notas

1. "Documentalismo para recuperar e difundir a memoria dun país". La Voz de Galicia. 14 de novembro de 2005. Consultado o 28 de agosto de 2019. 
2. Peregrinos (Youtube). 
3. "Manuel Fraga subliña o fervente amor a Galicia manifestado polos galardoados coa Medalla Castelao". 28 de xuño de 2005. Consultado o 28 de agosto de 2019.