Guntram

Guntram
Forma	Ópera
Actos e escenas	3 actos
Idioma orixinal do libreto	Alemán
Libretista	Richard Strauss
Estrea	10 de maio de 1894
Teatro da estrea	Teatro Grossherzogliches
Lugar da estrea	Weimar
Duración	2 horas
Música
Compositor	Richard Strauss
Personaxes
	Der alte Herzog (baixo); Freihild (soprano); Herzog Robert (barítono); Guntram (tenor); Friedhold (baixo); Des Herzogs Narr (tenor)

Guntram (Op. 25) é unha ópera en tres actos con música de Richard Strauss e libreto en alemán do propio compositor. A súa estrea tivo lugar no Teatro Grossherzogliches de Weimar o 10 de maio de 1894 baixo a dirección do propio compositor. Foi a primeira ópera de Strauss e amosa unha forte influencia wagneriana. A música de Guntram cítase no poema tonal de Strauss Ein Heldenleben. O compositor revisou a partitura en 1940.

Traxectoria

A ópera non tivo moito éxito, e representouse só unhas poucas veces en vida de Strauss. A primeira representación tivo lugar no Teatro Grossherzogliches de Weimar o 10 de maio de 1894. O papel de soprano de Freihild cantouno Pauline de Ahna, a futura esposa de Strauss. Interpretacións posteriores de Strauss incluíron a Múnic o 16 de novembro de 1895 e Praga o 9 de outubro de 1901. Unha interpretación en Frankfurt tivo lugar o 9 de marzo de 1910 baixo a batuta de Ludwig Rottenberg.

A versión revisada representouse por primeira vez en Weimar o 29 de outubro de 1940, dirixida por Paul Sixt, e máis tarde en 1942 en Berlín dirixida por Robert Heger.

En Hamburg, o 4 de febreiro de 1895, Gustav Mahler incluíu o Preludio ao Acto 1 no seu sexto concerto filharmónico. Incluíu os Preludios aos actos I e II nun concerto en Viena o 19 de febreiro de 1899, e en Nova York o 30 de marzo de 1910 coa New York Philharmonic Orchestra.

Esta ópera case non se representa na actualidade, non aparecendo ningunha representación da mesma nas estatísticas de Operabase durante o período 2005-2010.^[1]

Personaxes

Personaxe	Tesitura	Elenco na estrea, 10 de maio de 1894 Director: Richard Strauss
Der alte Herzog, o vello duque	baixo	Karl Bucha
Freihild, súa filla	soprano	Pauline de Ahna, entón prometida de Strauss
Herzog Robert, seu home	barítono	Franz Schwarz
Guntram, cantante	tenor	Heinrich Zeller
Friedhold, cantante	baixo	Ferdinand Wiedey
Des Herzogs Narr, o bufón do duque	tenor	Hans Gießen
Eine alte Frau, unha anciá	contralto	Louise Tibelti
Ein alter Mann, un ancián	tenor	Hr. Lutz
Dous rapaces	baixos	Hr. Barth Hermann Buche
Tres vasalos	baixos	Hr. Fischer, Hr. Schustherr, Hr. Henning
Un mensaxeiro	barítono	Hermann Buche
Catro minnesingers	2 tenores e 2 baixos	Hr. v. Szpinger, Hr. Knöfler, Hr. Glitsch, Hr. Weyrauch
Vasalos, minnesingers, monxes, serventes e vagabundos

Argumento

Ambientada na Alemaña medieval, a historia triangular de estilo wagneriano de amor e redención trata sobre o trobador Guntram, o malvado duque Robert e a súa santa esposa Freihild. (A historia non ten relación co rei merovinxio Gontrán I).

O poeta e cantor Guntram disuade a Freihild, a infeliz esposa do despótico duque Robert, do suicidio. Guntram fai un chamamento á paz e decontado urxe a revolta contra o Duque, a quen mata. Gruntram fica preso e reflexiona sobre as súas accións, contra os principios da irmandade cristiá á que pertence, e influído polo seu amor por Freihild decide renunciar á irmandade e a Freihild para procurar o perdón de Deus.

Gravacións

Ano	Elenco (Guntram Freihild O vello duque Duque Robert Friedhold	Director, Teatro de ópera e orquestra	Selo^[2]
1981	William Lewis, Carole Farley, Patrick Wheatley, Terence Sharpe, John Tomlinson	John Pritchard BBC Symphony Orchestra e BBC Singers	CD de son: Gala Cat: GL 100787
2005	Gian Luca Zampieri, Elena Comotti, Andrea Martin, Raphael Sigling, Thomas Gazheli	Gustav Kuhn Festival de Tirol, Erl Orquestra e coro masculino (Gravación en vivo)	DVD: Col Legno 80004

Notas

↑ "Estatísticas de Operabase". Arquivado dende o orixinal o 14 de maio de 2017. Consultado o 26 de febreiro de 2013.
↑ "Gravacións de Guntram en operadis-opera-discography.org.uk". Arquivado dende o orixinal o 11 de outubro de 2010. Consultado o 26 de febreiro de 2013.

Véxase tamén

Bibliografía

Murray, David, "Guntram" en The New Grove Dictionary of Opera, ed. Stanley Sadie, Londres, 1992 ISBN 0-333-73432-7
Anderson, Keith (2002). La Ópera de la A a la Z. HNH International Ltd.. pp. 658. ISBN 1-84379-034-3

Ligazóns externas

Amadeus Almanac
Operone.de
Partituras de Guntram en International Music Score Library Project (IMSLP)

[1] "Estatísticas de Operabase". Arquivado dende o orixinal o 14 de maio de 2017. Consultado o 26 de febreiro de 2013.

[2] "Gravacións de Guntram en operadis-opera-discography.org.uk". Arquivado dende o orixinal o 11 de outubro de 2010. Consultado o 26 de febreiro de 2013.

[1]

[2]