Lard
| Lard | |
|---|---|
| Orixe | Chicago, Illinois,  |
| Período | 1988 - 2000 (en hiato) |
| Xénero(s) | rock industrial, hardcore punk, metal industrial |
| Selo(s) discográfico(s) | Alternative Tentacles |
| Membros | Jello Biafra Al Jourgensen |
| Antigos membros | Paul Barker Jeff Ward Bill Rieflin Mike Scaccia Rey Washam |
| Artistas relacionados | Dead Kennedys, Ministry |
| Na rede | |
| http://www.alternativetentacles.com/bandinfo.php?band=lard | |
     | |
Lard é unha banda estadounidense de hardcore punk/música industrial formada no ano 1988 como un proxecto paralelo por Jello Biafra (voces; antes en Dead Kennedys), Al Jourgensen (guitarra; tamén en Ministry), Paul Barker (baixo; tamén en Ministry), e Jeff Ward (batería; fora membro de xira con Ministry).[1] Co paso dos anos varios membros máis de Ministry tocaron con Lard, como Bill Rieflin, Mike Scaccia, e Rey Washam.
Ao igual que a meirande parte do traballo de Biafra, as cancións de Lard son furiosamente políticas (a guerra contra as drogas é un tema particularmente común) pero a miúdo cun toque de humor.[2]
Lard nunca xirou oficialmente e só tocou ao vivo un feixe de veces, a meirande parte delas na área de San Francisco (onde Jello vive e dirixe o seu selo Alternative Tentacles). A banda tocou durante a xira de 1988 de Ministry e nas súas datas entre 1989 e 1990. Tocou unha vez en Chicago tras rematar a gravación de The Last Temptation Of Reid, unha vez nos Ánxeles en marzo de 2003 tras un concerto de Ministry, e en San Francisco, Portland e Seattle en setembro de 2004 durante a xira Evil Doer de Ministry. Debido a que os seus membros clave están activos noutros proxectos é pouco probable que a banda realice xiras no futuro.
Segundo unha entrevista de marzo de 2009 con Jourgensen, el e Biafra están traballando nun novo álbum de Lard, que será gravado no estudio de Jourgensen en El Paso.[3] Porén, segundo outra entrevista con Biafra en xaneiro de 2010 este indicou que non era probable un novo traballo da banda, dicindo "Eu e Al falamos diso durante anos, pero nunca fomos capaces de ter un momento para intentalo e armalo".[4]
Discografía
[editar | editar a fonte]Álbums
[editar | editar a fonte]| Álbum | Ano | Selo |
|---|---|---|
| The Last Temptation of Reid | 1990 | Alternative Tentacles |
| Pure Chewing Satisfaction | 1997 | Alternative Tentacles |
Notas
[editar | editar a fonte]- ↑ Strong, Martin Charles (1999). The great alternative & indie discography. Edinburgh: Canongate. ISBN 978-0-86241-913-4. OCLC 42135747.
- ↑ McIver, Joel. (2000). Extreme metal. London: Omnibus. ISBN 978-0-7119-8040-2. OCLC 44533330.
- ↑ "SuicideGirls". SuicideGirls. Consultado o 2020-07-09.
- ↑ Alarcon, Norma (1982). "We've Never Been Women, We've Never Been Nobodies". Feminist Studies 8 (1): 178. ISSN 0046-3663. doi:10.2307/3177586.
