Սամվել Տեր-Սահակյան

Վիքիպեդիայում կան հոդվածներ Տեր-Սահակյան ազգանունով այլ մարդկանց մասին։

Սամվել Ռուբենի Տեր-Սահակյան
2012 թվական, Աթենք
Պետություն(ներ)	Հայաստան
Ծննդյան ամսաթիվ	սեպտեմբերի 19, 1993(1993-09-19) (31 տարեկան)
Ծննդավայր	Վանաձոր
Կոչում	Գրոսմայստեր (2009)
Առավելագույն վարկանիշ	2625 (2019, հուլիս)
Ներկայիս վարկանիշ	2652
ՖԻԴԵ համար	13302531
365chess	Samvel_Ter_Sahakyan
Chesstempo համար	210601
ICCF համար	210601
Samvel Ter-Sahakyan Վիքիպահեստում

Սամվել Ռուբենի Տեր-Սահակյան (սեպտեմբերի 19, 1993(1993-09-19), Վանաձոր, Հայաստան), հայ շախմատիստ, հայկական շախմատի պատմության մեջ ամենակրտսեր տարիքում (14 տարեկան և 7 ամսական) գրոսմայստեր դարձած շախմատիստը (2009)^[1]: Տարբեր տարիքային խմբերի աշխարհի ու Եվրոպայի բազմակի չեմպիոն։ 2020 և 2023 թվականների Հայաստանի չեմպիոն։

Կենսագրություն

Ծնվել է Վանաձոր քաղաքում։ Սովորել է տեղի Վազգեն Առաջինի անվան թիվ մեկ դպրոցում։ Շախմատ սկսել է խաղալ 5 տարեկանից։ Վանաձորում առաջին մարզիչն է եղել Տիգրան Գյոզալյանը։ Երևանում երկար ժամանակ մարզվել է ՀՀ բազմակի չեմպիոն, միջազգային վարպետ Էդուարդ Մնացականյանի ղեկավարությամբ։ Այնուհետև շուրջ 3 ամիս վարպետության դասեր է ստացել գրոսմայստեր Վլադիմիր Հակոբյանից։ 2009 թվականի սեպտեմբերից մարզիչն է գրոսմայստեր Տիգրան Նալբանդյանը^[1]։

Պատանեկան առաջնություններ

Առաջին լուրջ հաջողությունը մինչև 10 տարեկանների ՀՀ չեմպիոն դառնալն է, որի համար 50 հազար դրամ պարգևավճար է ստացել^[1]։

2002 թվականից Հայաստանը բազմիցս ներկայացրել է աշխարհի ու Եվրոպայի տարբեր տարիքային խմբերի պատանեկան առաջնություններում` նվաճելով ութ մեդալ, որոնցից երեքը՝ ոսկե։

Ոսկե մեդալներ

• 2003, Բուդվա, Հարավսլավիա (այժմ Չեռնոգորիայում) - մինչև 10 տարեկանների Եվրոպայի առաջնություն
• 2009, Ֆերմո, Իտալիա - մինչև 18 տարեկանների Եվրոպայի առաջնություն
• 2011, Կալդաս Նովաս, Բրազիլիա - մինչև 18 տարեկանների աշխարհի առաջնություն

Արծաթե մեդալներ

• 2004, Ուրգյուփ, Թուրքիա - մինչև 12 տարեկանների Եվրոպայի առաջնություն
• 2008, Հերցեգ Նովի, Չեռնոգորիա - մինչև 16 տարեկանների Եվրոպայի առաջնություն
• 2010, Բաթում, Վրաստան - մինչև 18 տարեկանների Եվրոպայի առաջնություն
• 2010, Պորտո Կարաս, Հունաստան - մինչև 18 տարեկանների աշխարհի առաջնություն

Բրոնզե մեդալ

• 2005, Բելֆոր, Ֆրանսիա - մինչև 12 տարեկանների աշխարհի առաջնություն

Մասնակցությունը մրցաշարերին

2007 թվականին Հրանտ Մելքումյանի և Դավիթ Քալաշյանի հետ բաժանել է 1-ին տեղը Երևանում կայացած մրցաշարում։

2008 թվականին Հայաստանը ներկայացրել է մինչև 16 տարեկանների շախմատային օլիմպիադայում^[2]։ Նույն թվականին 3-րդ տեղն է զբաղեցրել Երևանում կայացած Հայաստանի անհատական առաջնությունում^[3]։ Այդ մրցաշարում նա լրացրել է գրոսմայստերական առաջին նորմը, թեև մասնակիցների մեջ ուներ ամենացածր անհատական վարկանիշը (2369)։

Գրոսմայստերի երկրորդ նորմը Սամվելը լրացրել է նույն թվականի մայիսին՝ Պլովդիվում կայացած Եվրոպայի անհատական առաջնությունում^[4], որից հետո 2009 թ. հունվարի 1-ին, երբ 14 տարեկան 7 ամսական էր, ՖԻԴԵ-ն պաշտոնապես շնորհել է այդ կոչումը^[1]։

2009 թվականին Լևոն Բաբուջյանի հետ հաղթել է Ջերմուկում կայացած Կարեն Ասրյանի հուշամրցաշարում և 3-րդ տեղն է բաժանել Մարտունիում կայացած միջազգային մրցաշարում։

2011 թվականին արժանացել է Հայաստանի բարձրագույն խմբի առաջնության արծաթե մեդալի, որը համարում է իր նվաճած պարգևներից ամենաարժեքավորը, քանի որ այն ձեռք է բերվել չափազանց ուժեղ կազմով ու բավական լուրջ մրցակցության պայմաններում^[1]։

2015 թվականի փետրվարին Սամվելը մասնակցեց Մոսկվայում կայացած «Moscow-Open 2015» փառատոնի ուսանողական F մրցաշարին։ Տանելով 4 հաղթանակ, նույնքան պարտիա ավարտելով ոչ-ոքի և կրելով մեկ պարտություն՝ նա 6 միավորով դարձավ միանձնյա հաղթող^[5]։

2017 թվականի ապրիլին Սամվելը դարձավ Մակեդոնիայի մայրաքաղաք Սկոպիեում կայացած Karpos Open 2017 միջազգային բաց մրցաշարի հաղթող։ Նա 9 հնարավորից վաստակեց 7½ միավոր, ևս երեք մասնակցի հետ բաժանեց 1-4-րդ տեղերը և լրացուցիչ ցուցանիշներով ճանաչվեց 197 մասնակցով մրցաշարի հաղթող^[6]։

2019 թվականի հունվարին Սամվել Տեր-Սահակյանը դարձել է Իտալիայի Վիլորբա կոմունայում կայացած Vergani Cup Le Terrazze մրցաշարի միանձնյա հաղթող (6½ 9-ից)^[7]։

2019 թվականի հունիսին Սամվելը Հնդկաստանում մասնակցեց երեք մրցաշարի։ Գոայի 2-րդ միջազգային բաց մրցաշարում նա 10 հնարավորից վաստակեց 8 միավոր և հայաստանցի Մանուել Պետրոսյանի ու իրանցի Պույա Իդանիի հետ բաժանեց 1-3-րդ տեղերը։ Լրացուցիչ ցուցանիշներով Սամվելը ճանաչվեց մրցաշարի հաղթող^[8]։ KIIT 12-րդ միջազգային փառատոնի «Ա» մրցաշարում նա ցույց տվեց նույն արդյունքը, սակայն այս անգամ լրացուցիչ ցուցանիշներով 3-րդն էր^[9]։ Հնդկաստանում կայացած երրորդ մրցաշարում նա 7½ միավորով բաժանեց 3-10-րդ տեղերը, լրացուցիչ ցուցանիշներով 4-րդն էր^[10]։

2020 թվականի հունվարին Սամվել Տեր-Սահակյանը հասավ իր կարիերայի մեծագույն նվաճմանը՝ դառնալով Հայաստանի չեմպիոն (9 հնարավորից 6 միավոր) և ընդգրկվելով երկրի հավաքականի կազմում^[11]։

2023 թվականին նա կրկնեց այդ հաջողությունը։ 9 հնարավորից վաստակելով 6½ միավոր՝ նա դարձավ Հայաստանի կրկնակի չեմպիոն^[12]։

Անհատական վարկանիշի առավելագույն ցուցանիշը գրանցել է 2020 թվականի փետրվարին՝ 2640^[13]։

Վարկանիշի փոփոխության գրաֆիկ

Էլոյի վարկանիշի փոփոխություններ^[14][15]

Տարի	Հնվ	Փտր	Մրտ	Ապր	Մայ	Հուն	Հուլ	Օգս	Սեպ	Հոկ	Նոյ	Դեկտ	Տարվա լավագույն	Տարվա վատագույն
2004										2125			2125	2125
2005	2116			2116			2140			2169			2169	2116
2006	2183			2165			2193			2229			2229	2165
2007	2299			2351			2343			2389			2389	2299
2008	2369			2449			2480			2495			2495	2369
2009	2506			2486			2480		2504		2512		2512	2480
2010	2509		2513		2523		2525		2516		2541		2541	2509
2011	2560		2575		2592		2558		2566		2556		2592	2556
2012	2569		2578		2577		2567	2567	2580	2580	2580	2567	2580	2567
2013	2567	2563	2573	2582	2582	2582	2582	2575	2575	2568	2568	2562	2582	2562
2014	2574	2575	2572	2587	2587	2587	2572	2572	2580	2580	2580	2580	2587	2572
2015	2580	2580	2587	2586	2586	2586	2593	2601	2601	2601	2604	2604	2604	2580
2016	2604	2604	2604	2604	2601	2617	2605	2613	2613	2599	2582	2582	2617	2582
2017	2582	2581	2581	2581	2598	2598	2605	2577	2577	2563	2563	2563	2605	2563
2018	2563	2553	2553	2546	2546	2546	2554	2551	2549	2547	2557	2574	2574	2546
2019	2574	2593	2590	2601	2611	2611	2625	2632	2623	2616	2617	2617	2632	2574
2020	2617	2640	2640	2640	2640	2640	2640	2640	2640	2640	2640	2640	2640	2617
2021	2640	2640	2640	2645		2644	2643	2624		2607	2615	2637	2645	2607
2022		2632		2640		2625		2630	2625	2605			2640	2605
2023		2616	2613		2617	2598		2609	2614	2618		2643	2643	2598
2024	2640	2646		2652	2650	2616	2618						2652	2616

Ծանոթագրություններ

1. Սամվել Տեր-Սահակյան. «Ավելի խոշոր հաջողությունները դեռ առջևում են»
2. Մինչև 16 տարեկանների շախմատային օլիմպիադա
3. Հայաստանի 2008 թ. առաջնություն
4. Հայ պատանի շախմատիստ Սամվել Տեր-Սահակյանը լրացրել է գրոսմայստերի նորման(չաշխատող հղում)
5. «Moscow-Open 2015» փառատոնի ուսանողական F մրցաշարի արդյունքերը
6. «Karpos Open 2017». Վերցված է 2017 Ապրիլ 28-ին.
7. «Vergani Cup Le Terrazze - Elite Open». Վերցված է 2019 Հուլիս 2-ին.
8. «2nd Goa International Open Grandmasters Chess Tournament-2019 (Category 'A')». Վերցված է 2019 Հուլիս 2-ին.
9. «12th KIIT International Chess Festival - 2019 (Category - A)». Վերցված է 2019 Հուլիս 2-ին.
10. «12th Mayor's Cup International Open Chess Tournament 2019 Category-A». Վերցված է 2019 Հուլիս 2-ին.
11. Սամվել Տեր-Սահակյանը՝ շախմատի Հայաստանի չեմպիոն
12. 83th Armenian Ch. The Highest League
13. Ս. Տեր-Սահակյանի վարկանիշը
14. Էլոյի վարկանիշը ՖԻԴԵ ցանկերից։ Աղբյուրներ՝ fide.com, benoni.de, olimpbase.org
15. Տեխնիկական խնդիրների պատճառով աղյուսակը ժամանակավորապես չի աշխատում։

Արտաքին հղումներ

• Սամվել Տեր-Սահակյանի անձնական քարտը ՖԻԴԵ-ի կայքում (անգլ.)
• Սամվել Տեր-Սահակյանի պարտիաները (անգլ.)
• Սամվել Տեր-Սահակյանի անձնական քարտը 365chess.com կայքում

Վիքիպահեստն ունի նյութեր, որոնք վերաբերում են «Սամվել Տեր-Սահակյան» հոդվածին։