Վատ Կորեշի
Վատ Կորեշի ալբ․՝ Vath Koreshi | |
|---|---|
| Ծնվել է | մայիսի 7, 1936 |
| Ծննդավայր | Լյուշնյա, Ալբանիա |
| Վախճանվել է | 2006[1] |
| Վախճանի վայր | Հռոմ, Իտալիա |
| Մասնագիտություն | գրող, լրագրող, բանաստեղծ և սցենարիստ |
| Լեզու | ալբաներեն |
| Քաղաքացիություն |  Ալբանիա |
| Կրթություն | Տիրանայի պոլիտեխնիկական համալսարան և Տիրանայի համալսարան |
| Կուսակցություն | Ալբանիայի սոցիալիստական կուսակցություն |
Վատ Կորեշի (ալբ․՝ Vath Koreshi, մայիսի 7, 1936, Լյուշնյա, Ալբանիա - 2006[1], Հռոմ, Իտալիա), ալբանացի պետական և քաղաքական գործիչ, գրող, բանաստեղծ, լրագրող և սցենարիստ[2]։
Կենսագրություն և կարիերա
[խմբագրել | խմբագրել կոդը]Վատ Կորեշին ծնվել է 1936 թվականի մայիսի 7-ին ալբանական Լյուշնյա քաղաքում[3]։ Տիրանայի պոլիտեխնիկական համալսարանի երկրաբանության ֆակուլտետն ավարտելուց հետո Վատը հինգ տարի Կուկաս քաղաքում աշխատել է իր մասնագիտությամբ։ Հետո կրթությունը շարունակել է Տիրանայի համալսարանում՝ ուսումնասիրելով ալբաներեն ու ալբանական գրականություն։
1964 թվականին որպես լրագրող աշխատել է մի շարք թերթերի խմբագրություններում՝ «Zëri i rinisë» («Երիտասարդության ձայն»), «Drita» («Լույս»)։ 1974 թվականին Կորեշին որպես սցենարիստ համագործակցությամբ է հանդես եկել «Նոր Ալբանիա» (ալբ. ''Kinostudio Shqipëria e Re'') կինոստուդիայի հետ։ 1978 թվականին նշանակվել է նույն ընկերության գեղարվեստական կինոնկարների բաժնում որպես գլխավոր խմբագիր։
1987 թվականին Ալբանիայի Մշակույթի և արվեստի դեպարտամենտի ղեկավարն է եղել։
1991-ից 1992 թվականներին Ալբանիայի Մշակույթի, երիտասարդության և սպորտի նախարարն էր։ Նախարարի պաշտոնից հեռանալուց հետո աշխատել է «Onufri» հրատարակչությունում որպես տնօրեն։
2001 թվականին դարձել է Ալբանիայի ազգային ժողովի պատգամավոր՝ Ալբանիայի սոցիալիստական կուսակցության ցուցակով։
Վատ Կորեշին իր մահկանացուն կնքել է 2006 թվականի փետրվարի 3-ին Իտալիայի մայրաքաղաք Հռոմում սրտի կաթվածից։
Ստեղծագործական կյանք
[խմբագրել | խմբագրել կոդը]Վատ Կորեշին իր ստեղծագործությունները տպագրել սկսել է դեռևս աշակերտական տարիներից։ 1964 թվականին հրատարակում է պատմվածքների ժողովածուն՝ «Kur zunë shirat e vjeshtës»: Հեղինակի գրչին են պատկանում պատմվածքների և վիպակների բազմաթիվ շարքեր։
Ավելի քան քսան կինոսցենարների հեղինակ է։
Ընտիր ստեղծագործություններ
[խմբագրել | խմբագրել կոդը]- 1964՝ Kur zunë shirat e vjeshtës
- 1968՝ Toka në hijet e shtëpisë (Երկիրը տան ստվերում)
- 1971՝ Dy të shtunat e Suzanës (Սյուզանի երկու շաբաթ օրերը)
- 1977՝ Mali mbi kënetë
- 1980՝ Haxhiu i Frakullës
- 1980՝ Dasma e Sakos (Սոկոյի հարսանիքը)
Ընտիր ֆիլմագրություն
[խմբագրել | խմբագրել կոդը]- 1978 - Gjeneral gramafoni
- 1978 - Nga mesi i errësirës
- 1979 - Liri a vdekje
- 1981 - Plaku dhe hasmi (короткометражный)
- 1982 - Ne kufi te dy legjendave
- 1982 - Besa e kuqe
- 1984 - Nata e parë e lirisë
- 1987 - Botë e padukshme
- 1990 - Balada e Kurbinit
- 1998 - Dasma e Sakos
- 1999 - Врата Евы
- 2005 - Syri magjik
- 2006 - Etjet e Kosovës
Պարգևներ
[խմբագրել | խմբագրել կոդը]- «Ազգի պատիվ» (ալբ. Urdhri «Nderi i Kombit»)
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 CONOR.BG
- ↑ Shkurtaj, Gjovalin; Envery Hysa (2001). Gjuha shqipe për të huajt dhe shqiptarët jashtë Atdheut. Indiana University: Botimet Toena.
- ↑ «Vath Koreshit» [To Vath Koreshi] (Albanian). Shqiperia.com. Արխիվացված է օրիգինալից 2021 թ․ մարտի 1-ին. Վերցված է 2017 թ․ մարտի 29-ին.
{{cite web}}: CS1 սպաս․ չճանաչված լեզու (link)
Արտաքին հղումներ
[խմբագրել | խմբագրել կոդը]- Վատ Կորեշի Internet Movie Database կայքում
- Vath Koreshi Photos Արխիվացված 2012-02-20 Wayback Machine
- Author Vath Koreshi
- Yorba Linda: California
- Screenwriter Vath koreshi
| ||||||||||||
