Go Set a Watchman

Harper Lee Praemium Libertatis Praesidentiale in Aedibus Albis die 5 Novembris 2007 accipit.

Go Set a Watchman ('Vade, et pone speculatorem') est mythistoria Harper Lee, scriptricis Americanae, die 14 Iulii 2015 ab HarperCollins in Civitatibus Foederatis et Gulielmo Heinemann in Britanniarum Regno edita. Liber scriptus est ante To Kill a Mockingbird, solum auctricis mythistoriam prius editam (1960). Inscriptio locum ex Libro Isaiae 21:6 affert: "Haec enim dixit mihi Dominus: Vade, et pone speculatorem, et quodcumque viderit annuntiet."[1] Qui Atticum Finch commemorat, patrem heroinae Scout Finch et moralem vici Maycomb Alabamae ancoram, speculatorem ipsum.[2]

Argumentum

[recensere | fontem recensere]

Mythistoria de Scout Finch nunc adulta narrat, quae iter a Novo Eboraco ad Maycomb ad Atticum Finch patrem visitandum facit, viginti annos post res libri To Kill a Mockingbird gestas. Secundum publicatorem, Scout "se rebus ambobus personalibus et civilibus opponere cogitur cum habitum patris erga societatem et suam sententiam de loco ubi nata erat pueritiamque degerat intellegere conatur.[3][4] Go Set a Watchman multas ex personis prioris mythistoriae depingit.[5]

Historia progressus mythistoriae

[recensere | fontem recensere]

Go Set a Watchman, quamquam a relatoribus sequelam auctricis felicissimae mythistoriae appellatus, mediis annis 1950 scriptus erat, antequam Lee To Kill a Mockingbird scripsit, qui anno 1960 editus est. Auctrix mythistoriam dereliquit cum suus editor ei aliam mythistoriam ex conspectu heroinae Scout Finch iuvenis scribere suaderet. Manuscriptum, multos annos deperditum, anno 2014 exeunte denuo inventum est, atque ut primum scriptum editus est, sine recensionibus.[6] [7] Secundum Andrean Nurnberg, auctricis negotiorum curatorem, Mockingbird primum fuerit primus trilogiae liber: "Disputabant de editione Mockingbird primo, Watchman postremo, et mythistoriam breviorem et coniungentem inter ambas."[8][9] Lee ipsa Watchman parens Mockingbird appellata est.[10]

Liber, in 304 paginis consistens, editus est a Harper, impressione societatis HarperCollins, in Civitatibus Foederatis et Canada, et ab Heinemann, impressione societatis Penguin Random House, in Britanniarum Regno et Consortione Populorum (praeter Canadam).[11] Prima impressio fuerit exemplarium vicies centena milia. Publicatores exspectabant auctorem, anno aetatis suae 89 et in domo vivendi adiuti in Monroeville Alabamae habitantem, iter celebritatis ad librum sustinendum non facere.[4]

Liber inventus

[recensere | fontem recensere]

Manuscriptum mythistoriae primum deperditum putabatur. Secundum The New York Times, manuscriptum per dactylographium factum per aestimationem bonorum auctricis anno 2011 in arca depositorum tutorum Monroeville in vico Alabamae, in patria auctricis inventum est.[12][13] Deinde Tonja Carter, auctricis iurisconsultus, retexit se primum assumpsisse manuscriptum praematurum mythistoriae To Kill a Mockingbird exemplar fuisse; aestate autem anni 2014, in conventu familiae auctricis, exsistentiam cognovit alterius mythistoriae, et tum arcam depositorum tutorum investigans, manuscriptum mythistoriae Go Set a Watchman invenit. Postquam cum auctrice locuta erat et manuscriptum legerat, id Andreae Nurnberg dedit, auctricis negotiorum curatori.[14][15]

Receptio

[recensere | fontem recensere]

Prima recognitio in New York Times personam Attici descripsit taetram, quia "dementibus furiosis integrationem contradicentibus, nigricolores contradicentibus, familiariter utitur, lectorque horroris et confusionis [heroinae] particeps est."[16] Censor in Wall Street Journal veram libri materiam ademptionem erroris appellavit.[17] Contra invidiam Attici in mythistoria, causam causae in To Kill a Mockingbird similem vicit.[18]

Notae

[recensere | fontem recensere]
  1. ↑ Matthews, Michelle (3 Februarii 2015). "Harper Lee's new book is the talk of the town in her native Monroeville". AL.com .
  2. ↑ Garrison, Greg. "'Go Set a Watchman': What does Harper Lee's book title mean?". AL.com .
  3. ↑ Anglice: "is forced to grapple with issues both personal and political as she tries to understand her father's attitude toward society and her own feelings about the place where she was born and spent her childhood."
  4. ↑ 4.0 4.1 "Second Harper Lee Novel to Be Published in July". ABC News .
  5. ↑ Alter, Alexandra (3 Februarii 2015). "Harper Lee, Author of 'To Kill a Mockingbird,' Is to Publish a Second Novel" .
  6. ↑ "Second Harper Lee Novel to Be Published in July," http://abcnews.go.com (ABC News, 3 Februarii 2015).
  7. ↑ Dundas, Deborah (3 Februarii 2015). "Harper Lee to publish new book in July – her first since To Kill A Mockingbird" .
  8. ↑ Anglice: "They discussed publishing Mockingbird first, Watchman last, and a shorter connecting novel between the two."
  9. ↑ Alison Flood (5 Februarii 2015). "Harper Lee's 'lost' novel was intended to complete a trilogy, says agent". The Guardian .
  10. ↑ Tonja B. Carter (12 Iulii 2015). "How I Found the Harper Lee Manuscript". The Wall Street Journal .
  11. ↑ World Archipelago. "Press Releases Details". harpercollins.com .
  12. ↑ Kovaleski, Serge; Alter, Alexandra (2 Iulii 2015). "Harper Lee's "Go Set a Watchman" May Have Been Found Earlier Than Thought". The New York Times .
  13. ↑ Pilkington, Ed (3 Iulii 2015). "Go Set a Watchman: mystery of Harper Lee manuscript discovery deepens". The Guardian. Guardian Media Group .
  14. ↑ Tonja B. Carter (12 Iulii 2015). "How I Found the Harper Lee Manuscript". The Wall Street Journal .
  15. ↑ Alison Flood (13 Iulii 2015). "Harper Lee may have written a third novel, lawyer suggests". The Guardian .
  16. ↑ http://www.nytimes.com/2015/07/11/books/review-harper-lees-go-set-a-watchman-gives-atticus-finch-a-dark-side.html?_r=0
  17. ↑ http://www.wsj.com/articles/dark-days-in-maycombto-killa-mockingbird-1436564966
  18. ↑ http://www.latimes.com/books/jacketcopy/la-et-jc-harper-lee-go-set-a-watchman-review20150711-story.html#page=1

Bibliographia

[recensere | fontem recensere]

Nexus externi

[recensere | fontem recensere]