Petrus Thomson

Petrus Thomson, vulgo plene Peter William Thomson (Suvae in urbe natus anno 1948) est legatus Vitiorum.

Matre Vitiensi e gente Europaea orta, patre Ioanne magistratu Britannico, Petrus Thomson Alumnus est universitatis Aucopolitanae et collegii Wolfson apud Cantabrigienses. Iuxta regimen Vitiense ab anno 1972 stipendiarius, Tokium anno 1980, Sydneium anno 1984 missus est, sed praecipue in insulis Vitiensibus operam dabat, unde, rebus novis anno 1987 motis, exsilium in Nova Zelandia, deinde Australia petivit. Recentius ab anno 2010 legatus perpetuus Vitiorum iuxta Nationes Unitas meret. A die 13 Septembris 2016 usque ad 12 Septembris 2017 praeses fuit conventus generalis Nationum Unitarum.

Scripta

Kava in the Blood. Carolopoli Carolinae Australis: Tandem Press, 2000
"The folly of Canberra’s stand against Fiji" in Pacific Scoop (17 Septembris 2009)

Praesides conventus generalis Nationum Unitarum 2010–


Iosephus Deiss (Helvetia) • Nāṣir ibn ʿAbd al-ʿAzīz al-Naṣr (Quataria) • Vuk Jeremić (Serbia) • Ioannes Gulielmus Ashe (Antiqua et Barbuda) • Samuel Kutesa (Uganda) • Mogens Lykketoft (Dania) • Petrus Thomson (Viti) • Miroslaus Lajčák (Slovacia) Opus geopoliticum • Conventus generalis Nationum Unitarum Capsae cognatae: Secretarii generales Nationum Unitarum • Praesides conventus generalis Nationum Unitarum 1946–2010