Юсси, Фред
| Юсси, Фред | |
|---|---|
| эст. Fred Jüssi | |
 | |
| чачома чись | якшамковонь 29 чи 1935 |
| Чачома тарка | |
| Кулома чись | ацамковонь 1 чи 2024[1] (89 иеть) |
| Мастор | |
| Важодема ёрокчизе | зоолог, куляньсёрмадей, натурный фотограф |
| Тетязо | Йоханнес Юсси[d][2] |
| Авазо | Элиза Юсси[d][2] |
| Полазо | Хелью Юсси[d] |
| Эйкакшонзо | Мари Юсси[d], Март Юсси[d] ды Ивар Юсси[d] |
| казнеть ды медальть | |
 Фред Юсси | |
Юссинь Фред (эст. Fred Jüssi; 1935 якшамковонь 29 чи Аруба ош) — эстэнь биолог, натуралист ды фотокувоньтеий[3][4].
Эрямопингезэ
[витнемс | витнемс лисьмапрянть]Чачсь 1935 иестэ Аруба ошсо, Нидерландонь Антилень усиятнесэ, сонзэ тетязо тесэ важодсь венесуэлань нефтань компаниянть лангс[5]. Эстонияв семияст-буест велявсть, зярдо Юссинень ульнесь колмо иеть. Сон кассь Таллинн ошсо, косо прядызе верькс тонавтнеманзо, ды 1958 иестэ Тартунь университет, косо тонавтнесь биология ды зоология. 1958 иестэ 1960 ие видс важодсь тонавтыцякс школасо Хийумаа усиянь Эммасте буесэ, 1962—1975 иетнестэ — пертьпельксэнь кородыця инспекторокс[5], мейле — Эстэнь радиосо, тесэ Юсси 1976 иестэ 1986 иес вети «Азбука природы» пачтямокерьксэнть (эст. Looduse aabits, 1980 ие видс — эст. Linnuaabits, руз. «Птичья азбука»)[5]. 1990-це иень васенце пельксэнть ульнесь Эстэнь пертьпельксэнь фондонть (англ. Estonian Nature Fund) президентэкс.
1980 иетнестэ ульнесь ломантнень эйстэ вейке, кона тешкстызе «Нилиньгемень Сёрма» конёвонть.
Юсси вейке, сех содавиксэв эриця пертьпельксэнь меленть сравтыцякс ютксо Эстониясо[6]. Сёрмадсь ламо кирьяньпусмот, сёрмадовкст, пачтямокерькст. 1989 иестэ сон васенце кинень ульнесь максозь Кумаринь Эрикень лемсэ Казнесэ.
Ульнесь полань вакссо, куляньсёрмадыцянь ды ютавтыцянь Юсси Хельюнь марто. Кона кулось 2006 иестэ панжиковонь 28 чистэ. Сынсть колмо пакшат — Юсси Мари (эколог), Юсси Ивар (зоолог) ды Юсси Март (эколог ды вийкирдий).
Важодевксэнзэ
[витнемс | витнемс лисьмапрянть]- «Kajakad kutsuvad» (руз. «Зов чаек», 1966)
- «Eesti linde ja loomi» (руз. «Птицы и животные Эстонии», 1977)
- «Rebasetund» (руз. «Час лисы», 1977, 1981)
- «Jäälõhkuja» (руз. «Ледокол», 1986, 2007)
- «Räägi mulle rebasest» (руз. «Расскажите мне о лисах», 1987, 2006)
- «Sügis» (руз. «Осень», 1995) — фотопусмо
- «Eestimaa looduse hääled» (руз. «Звуки природы Эстонии», 1997, 1998) — CD-плаштине
- «Lahemaa lindude hääli» (руз. «Голоса птиц Лахемаа», 1997) — CD-плаштине
- «Eesti laululinde» (руз. «Певчие птицы Эстонии», 2001) — CD-плаштине
- «Mister Fred» (вейсэ Оттонь Урмасонь марто, 2009)
Казне
[витнемс | витнемс лисьмапрянть]- 1984 — Eesti Eluteaduse Hoidja казне
- 1989 — Кумаринь Эрикэнь лемсэ казне
- 1997 — (руз. премия «Возрождение Эстонии», эст. Eesti Taassünni auhind)
- 1998 — (руз. Орден Белой звезды IV класса)
- 2006 — (руз. Орден Государственного герба III класса)
Лисьм.
[витнемс | витнемс лисьмапрянть]- ↑ https://www.err.ee/1609538233/suri-zooloog-ja-looduse-populariseerija-fred-jussi
- ↑ 2,0 2,1 Alaküla A. Kes on kes? Eesti 2000 (эст.) — Tallinn: 2000. — 271 л. — ISBN 978-9985-60-789-3
- ↑ The Environment Encyclopedia and Directory 2001. — Europa Publications, 2001. — P. 500. — ISBN 1-85743-089-1.(англ.)
- ↑ Pilgrim Books(недоступная ссылка — история). Ваннозь 8 Чадыковонь 2016. Архивировано из первоисточника 3 Эйзюрковонь 2016. Архивировазь 3 Эйзюрковонь 2016 иестэ.(англ.)
- ↑ 5,0 5,1 5,2 Nõmm, Andre (2006). «Fred Jüssi äratav õpetus» Архивировазь 3 Чадыковонь 2016 иестэ.. GO Travel (эст.)
- ↑ Tüür, Kadri (2001). «On Estonian nature writing». Estonian Literary Magazine (англ.)