7. August

Dr 7. Augschte isch dr 219. Dag vum Gregorianische Kalender (dr 220. in Schaltjohr), dodermit blybe no 146 Däg bis zum Änd vum Johr.

Was isch bassiert?

1796: Wirtteberg dritt syy linksrhynische Bsitz Mömpelgard (Montbeliard) im Pariser Fride an Frankrych ab gege ne Zuesicherig vun ere spetere Entschädigung.
1815: D 22 Schwyzer Kantön bschwöre im Zürcher Grossmöischter e Bundesvertrag mit 15 Artikel.
1847: Di Schwyzerisch Nordbahn macht dr erscht Abschnitt vu dr Strecki Züri-Basel zwische Züri un Bade uf. Die erscht Yysebahnstrecki vu dr Schwyz chunnt bal dr Name Spanischbrötlibahn iber.
1960: D Elfebaikischte wird unabhängig vu Frankrych.
1978: Dr bade-wirttebärgisch Minischterbresidänt Hans Filbinger dritt vu sym Amt zruck. Im Lauf vum Johr sin schrittwys vier Doodesurdail bekannt wore, wu är as Marinerichter im Zweete Wältchrieg gfellt oder beaadrait ghaa het. Dur syni Reaktione dodruf het er dr Ruckhalt in dr Effetligkait un in syre Bardei verlore.
2000: E Astronometeam um dr Brett Gladman un dr John J. Kavelaars entdeckt dr Saturnmond Ymir.

Commons: 7. Augschte – Sammlig vo Multimediadateie