Denzel Washington

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Denzel Washington
Denzel Washington en 2000.
Información personal
Calendata naiximiento:	28 d'aviento de 1954
Puesto naiximiento:	Mount Vernon (Nueva York)
Conchuche:	Pauletta Pearson (1983- )
Premios Oscar
Oscar a o Millor Actor: -2001: por Training Day Nominato a l'Oscar a o Millor Actor: -1992: por Malcolm X Oscar a o Millor Actor Segundario: -1989: por Glory.
Globos d'Oro
Globo d'Oro a o Millor Actor Segundario: -1990: por Glory Globo d'Oro a o Millor Actor Dramatico: -1999: por The Hurricane.

Denzel Washington (nombre artistico de Denzel Hayes Washington, Jr.) ye un actor y director cinematografico estausunidense, naixito o 28 d'aviento de 1954 en Mount Vernon (Nueva York), activo en o cine estausunidense dende meyatos d'os anyos 1970 y con cuantos premios recibitos mientres a suya carrera cinematografica.

D'entre a suya filmografía, se puet citar as cintas Cry Freedom (1987, Richard Attenborough), Glory (1989, Edward Zwick), Malcolm X (1992, Spike Lee), The Pelican Brief (1993, Alan J. Pakula), Philadelphia (1993, Jonathan Demme), Crimson Tide (1995, Tony Scott), Courage Under Fire (1996, Edward Zwick), He Got Game (1998, Spike Lee), The Hurricane (1999, Norman Jewison), Remember the Titans (2000, Boaz Yakin), Training Day (2001, Antoine Fuqua), Antwone Fisher (2002, Denzel Washington), Inside Man (2006, Spike Lee), American Gangster (2007, Ridley Scott), u The Book of Eli (2010, Albert Hughes y Allen Hughes).

Premios

Denzel Washington recibió un premio Oscar a o Millor Actor en 2001 por o suyo papel en a cinta Training Day, d'Antoine Fuqua (o segundo actor de raza negra en recibir-lo, dimpués de Sidney Poitier). En 1989 recibió un Oscar a o Millor Actor Segundario por Glory, d'Edward Zwick. Antiparte, fue nominato en 1992 a l'Oscar a o Millor Actor por o suyo papel en a cinta Malcolm X, dirichita por Spike Lee.

En 1990 recibió un Globo d'Oro a o Millor Actor Segundario por Glory; y en 1999 un Globo d'Oro a o Millor Actor Dramatico por The Hurricane, de Norman Jewison.

En 1993 recibió un Onso de Plata a o Millor Actor d'o Festival Internacional de Cine de Berlín por Malcolm X, de Spike Lee; y en 2000 un segundo Onso de Plata a o Millor Actor por The Hurricane.

Vinclos externos

• Se veigan as imáchens de Commons sobre Denzel Washington.
• (en) Denzel Washington en IMDb.

Predecesor: Russell Crowe	Oscar a o Millor Actor 2001	Succesor: Adrien Brody
Predecesor: Warren Beatty Robert De Niro Nick Nolte Robin Williams	Nominato a l'Oscar a o Millor Actor, con Robert Downey Jr. Clint Eastwood Stephen Rea 1992	Succesor: Laurence Fishburne Anthony Hopkins Daniel Day-Lewis Liam Neeson
Predecesor: Kevin Kline	Oscar a o Millor Actor Segundario 1989	Succesor: Joe Pesci
Predecesor: Martin Landau	Globo d'Oro a o Millor Actor Segundario 1990	Succesor: Bruce Davison
Predecesor: Jim Carrey	Globo d'Oro a o Millor Actor Dramatico 1999	Succesor: Tom Hanks
Predecesor: Armin Mueller-Stahl	Onso de Plata a o Millor Actor 1993	Succesor: Tom Hanks
Predecesor: Michael Gwisdek	Onso de Plata a o Millor Actor 2000	Succesor: Benicio del Toro