Arturo Pérez-Reverte Gutiérrez (25 de payares de 1951, Cartaxena) ye un novelista y periodista español. Dende l'añu 2003 ye miembru de la Real Academia Española, elixíu'l (T)23 de xineru de 2003.
Entamó so carrera de novelista en 1986 cola publicación de El maestro de esgrima. En 1994 dexó so profesión de reporteru y dedicóse n'esclusiva a la lliteratura. Dende 1991 ye columnista nel suplementu dominical El Semanal.Publicó fasta'l momentu dieciocho noveles y varies coleiciones d'artículos. Sos noveles El maestro de esgrima, La tabla de Flandes y El club Dumas foron adaptaes al cine con ésitu, esta última col títulu de La Novena Puerta por Roman Polanski. Ingresó na Real Academia Española el 12 de xunu de 2003, p'ocupar l'asientu T, vacante dende'l fallecimientu del filóloxu Manuel Alvar nel 2001.
Nel 2006 estrenóse la película Alatriste d'Agustín Díaz Yanes, basada nuna serie de noveles de El capitán Alatriste, y nel 2007 La carta esférica, dirixía por Imanol Uribe.
Ye Pérez-Reverte, el primer doctor honoris causa de la Universidá Politéunica de Cartaxena, dende'l 18 de febreru de 2004.
Coleición Las aventuras del capitán Alatriste